يقووولك هذا الجديد
انا معاك راحة الالماني غير
وسعره فيه
بس المصيبه تعال لي خلص ضمانه
لا من سعر القطع
ولا من القراجات الي ينصبون عليك
سبحان الله ما طريت الا ال x5
تدري واحد من عيال عمي يوم سويت حادث من سنتين فالاستاندر
عطاني x5 اصفار قلت له مابيها قطعها غاليه
والوكالة حدث ولاحرج خذت رنج ما كمل عندي شهرين
لازم تجيهم بالصوت وتتهاوش معاهم ولا بيسحبون عليك
بدلت مع لكزس بسبة الوكالة
وفالاخير رديت على الفكسار
ياخي فاي مكان تخذفه يشتغلون عليه
انا اقولك تبي الماني مالك غير المرسدس شيخهم
واخبر كانت عندك مرسدس واكيد تعرف
جنه تيوتا حتى لو اخترب يمشي معاك زي العسل
عند الاهل cla450 ضرب التيربو وتمت اطلع دخان ابيض ايام المطر ومخلص ضمانه
تخيل سوو لنا خصم 70% من الشركة الام
وكان عندي g63 خذت له كمبريسر للمكيف ب 3000 ريال جديد واصلي بس مش من الوكالة
واخبر سرفسته فبوش بعد ب 3000 وشوي بدلت مكينة و ايل قير وبلاكات وفلتر بترول وكم شي خفيف
عيب وكالة المرسدس ان اغلب القطع عندهم بالطلب مش متوفره فنفس الوقت
بل احس طولت فالرد ههههههه
اختلف معاك البي ام و المرسدس من احسن السيارات و ليلحين عندي المرسدس.
بس الاثنين الوكيل مبالغ بشكل غير مبرر للقطع، كومبريسور المرسدس قالولي ب4000 و خردة عقب الخصم. جبته من النت واصل قطر شحن سريع من ألمانيا باقل من الف ريال بشوي.
بوش بعد حرامي و سعره غالي صج ارخص من الوكالة بس أسعار القطع عنده اقل ربح دبل السعر للقطعه اذا من برع.
في قراج شارع ٢٩ قبل قراج العمادي ممشي سوق المرسدس من الاخر.
كسيارة اهي و البي ام ممتازين و قطع غيارها كسيارات رفاهية اكيد بتكون اغلى من الباقي بس مو نفس اللي عندنا فالدوحه فوق ال3 أضعاف.
و اقتراحي للبي ام راح لانه خمس سنين مرتاحين، خذيت للوالدة و الحمد الله مافيها مشاكل و اَي شي يصير سيييدا الوكالة ثاني يوم يخلصونها او يومين بالكثير وايد عاجبني السيرفس و ادري عقب الضمان احتمال ادفع بس ناس فاهمين و خمس سنين غير تامين و بترول ما دفعت شي عالسيارة.