السكويا حسب علمي صارت تنزل او نزلت فتره و توقفت مرة شفتها فمعرض عبد العني ماني متاكد.المشاركة الأصلية كتبت بواسطة نفسي عزيزه
بس التندرا ادري عمرها ما نزلت.
علاقة الوكيل الحصري "شركة عبد الغني" مع الشركة الام لها تاريخ طويل و عقود طويلة الاجل من اليابان دايركت و ليس عن طريق موزع اقليمي.
لما بيجون يسوون مع السيارات الامريكية يحتاجون عقود و انظمة جديدة + تغيير بسيط للهوية مثلا الافالون من سنه 2006 تنزل الامريكية و السبب انه الكامري جراندي سته سلندر توقفت فصار لازم البديل بينما الشكل القديم للافالون ينباع كان فاليابان كسيارة لكسز.
سعر الكروزر اهني غالي و ممتاز و مربح و نفس ما اهو معروف شيك فالمخبى معني شخصيا ضد التيوتا و هالمقولة بس رأيي الشخصي،
لما تجيب 4 Runner انا كيعقوب بشتريه لانه احسن من البرادو و الفورشونر و له قطع غيار و امكانياته رهيبه و اثبت نفسه فالسوق الامريكي للاوفرود، و بالنسبة لي احسن من الكروزر، و ممكن حتى يكون اخشن من الكروزر مع كتات الباجا الجاهزة.
بس اذا محد من الخليج او كمركز اقليمي او اتفاقية و يجيبونلك ١٠٠٠ سيارة بس فالسنة ما يضمن بيعها و + لازم العمال و قبلها مسؤولين المبيعات و المدراء يروحون يتدربون ويسوقون و دورات للسيارة علشان لما يبيعونها يصلحونها + قطع غيارها
فاتوقع ماشين بمبدئ خلنا على مجنونا احسن،
سنه 2008-2009 قعدت مع مسؤوول كبير فالوكالة و تميت اراويه سيارتي بحكم كانت عندي افالون و محولها تي ار دي و اتعامل مع تي ار دي فاشياء وايد بس للاسف قالي لو تجيبلي الف واحد يبي هالسيارات بالاوبشنات الرياضية او الكاملة بعد ما راح انسويها ممكن مسويلك بروحك طلبيه و سعرها سعر سيارتين
بس عندنا سوق استهلاكي و حجوزات مو ملحقين عليها و اتفاقياتنا للمبيعات و خط الانتاج على 8 سنين امامية + 12 سنه الجاية الخطط الانتاجية يعرفون انه بتصير سيارة رياضية صغيره قبل ما اي احد يعرف عن ال86 مو سوبرا بس مشابهة و بعدها في سيارة ثانية و الخ الخ الخ.
الموضوع كبير و طويل بس اهم ماشي معاهم النظام الحالي و ما يبون يفتحون على انفسهم باب يمكن بحكم عللقتهم المميزة جدا جدا و وزنهم كوكيل قطر فالمكتب الاقليمي خصوصا فسيارة اللاند كروزر
|
رد مع اقتباس
؟ 
