. {{{ معـرض وكـراج شبكـة الاسـهم القطريـة }}} .

[سالم الزهران]

ما عندي شك في رأيك يبو علي، انحن راكبين معك ف البدي وين ما تروح

تبقى للكروزر شخصية ضايعة في وجهة نظري البسيطة.. يمكن التغيير صعب اتقبله

[نفسي عزيزه]

سعره بيكون عالي اعتقد

وفي السعوديه مع الضريبه المضافه اعتقد اكثر واكثر

انا مادري سعر السيارات كم بيوصل مستقبلا لان خلاص اوفرررر صار

في 2003 شاري جي اكس من الشركه وتماتيك وفتحه وثلاجه وبيمه فول طلع علي 135 الف بدون بيمه فول 125
الحين صار الهلوكس 125

والستاندر 200

الله المستعان ونشوف

[معماري قطري]

مكينة ال V 8 من تويوتا ولكزس تم توثيق براءة ابتكارها في أمريكا وتون تيربو لاحقين المرسدس اليابانيين بس أتوقع بتكون مكينة تستاهل

[معماري قطري]

ابشرك يالغالي بوعبدالله ماطولوه الابعاد نفس القديم بس التواير وسعوها قدموا الي قدام اكثر وردوا الي ورى اكثر بس نفس الطول والعرض بس الارتفاع زاد
طوله طول افالون مب طويل الكروزر الهولكس اطول منه هههههههه

بس سكانه ثقيل صح كلامك لكن بالبوالين وشنابر يصير عجيب لين

الديفندر انجليزي ولد عم الرنج سكانه خفيف وقوي ماشاء الله والحين نزلوا الثمانيه الله يكافينا شره ههههههههههههه 550 حصان مادري اكثر

المقصد بالكروزر ان اغراضه رخيصه وتبدلها عند الكهربجي الي عند البيت غير عن الالماني والانجليزي يبيله مراعاه

هنا المشكلة في ابعاد التواير اللفة بتكون شوي أكبر

[سالم الزهران]

[COLOR="#2F4F4F"]مكينة ال V 8 من تويوتا ولكزس تم توثيق براءة ابتكارها في أمريكا وتون تيربو لاحقين المرسدس اليابانيين بس أتوقع بتكون مكينة تستاهل


COLOR]

اللكزس خفيفة ومع محرك تون تيربو و ثمان اسطوانات قاصدين يدخلونك في عمود. شف السيارة القوية ما راح تعطيها حق الا اذا ناوي تدعم المرور بفلوس المخالفات.

[.قطر.]

فيديو فيه تسريب ع الخفيف للداخليه من جهات متعدده
مادري من متحبل لهم من فوق الجسر هههههه
شكلها الداخليه بتكون حلوه عكس الصور المسربه

بس اللي استغربت منه حسيت الموتر مب اوسع من داخل الا شي بسيط جداً شكله النيسان بيتم اوسع

[.قطر.]

يبين نفس حجم القديم واخيرا صار 2008-2021 قديم كم لبثنا هههههههه
ماحسه بيصير اوسع بوايد لاحظوا الجامه اللي جدام تقريبا نفس القديم





كتابه لاندكروزر بدون قليت نفس 1998-2002 جان مايسوون فيس لفت ويحطونها في قليت نفس 2003-2006 <<<<<<< عطاهم فكره من الحين شيسوون في الفيس لفت ههههه

[معماري قطري]

اللكزس خفيفة ومع محرك تون تيربو و ثمان اسطوانات قاصدين يدخلونك في عمود. شف السيارة القوية ما راح تعطيها حق الا اذا ناوي تدعم المرور بفلوس المخالفات.

كنت قبل مثلك قناعتي لين جربت سيارة قوية وتوين تيربو وثمانية سلندر تكفيك قومات سريعة تحس إنك لاصق في الكرسي وصرفية البترول أقل .. وأقل بوايد بعدين هذي مكاين حديثة ومطورة وقريبة للمكاين القديمة اللي بدون تيربو وبضغط بسيط بس من أهم عيوبها تشرب البترول

اللكزس أو المكينة التوين تيربو بتجي منها قوات مختلفة تبدأ من 500 حصان وتنتهي ب 750 والمشكلة لو ركزوا على المكينة وباقي التجهيزات الميكانيكية ونسوا البريك ووسائل السلامة والمفروض يكون فيه توازن .. اللي ما عجبني في اللكزس البريك وسكانها ثقيل وثباتها على اللفات شوي لك عليه وطبيعي هذي جيب .. من أيام سقت لاندروفر دفندر الجديد وايد ناعم بريكه قوي وسكانه خفيف .. تمنيت اللكزس بعد تقدر تخليها نازلة للسواقة على الطرق المرصوفة حتى لو بسرعة للثبات .. الرنج لو سرعت به ينزل الهيدروليك شوي

[معماري قطري]

هم يبغون يضربون سوق المرسدس جي 63 في القوة وأتوقع في السرعة وباقي السيارات السوبر سريعة وقوية مثل البنتلي وغيره أو على الأقل ينافسون .. ما ننسى القوة بالأحصنة معاها قوة عزم وهذا شيء مهم للسواقة في الرمل وللسحب

[سالم الزهران]

ارحب يبو عبدالله، يمكن اشارككم بخبرتي البسيطة طالما جبت سيرة اللكزس، الملاحظ على اللكزس فيه ضعف في نطام الستيرنق كله.. تحس فيه اظنه جاي من جهة الضغط داخل العلبة الرئيسية حقت السكان.
الفرامل أحياناََ تخوش معك يعني الاي بي أس مدري شلون يمكن كفاءته على السرعات العالية / أو ردة فعلة تكون قويه تخوف (مثل فرملة الغشيم).

اما من ناحية ريافة اللفة فاظنك تتكلم عن جيوب اللكزس لان السيدان اللي أنا استخدمها فيها ثبات ممتاز خلني اقول لك ممكن تاخذ ملف صعب ونت على سرعة 140 بدون لا تهتم واعرف أن الاخوان اللي يسرعون ممكن ياخذ الملف بسرعات أعلى (هذي اللكزس السيدان).
لكن ظهر في اللكزس عيوب لان الناس تضغط عليها أكثر لاعتقادها أن مكوناتها شيء أرقى في الصناعة وهي من الداخل تويوتا عادية ان جيت للمكينة وان جيت للجيربوكس. لكن للاستخدام العادي المحافظ ما راح تطلبك.