. {{{ معـرض وكـراج شبكـة الاسـهم القطريـة }}} .

[معماري قطري]

احب مشاركاتك بوعبدالله لان عندك معلومات وافيه ومنك نستفيد

تبغي الصج صادق بكلامك

بوعبدالله تتوقع صج المبيعات زادت على الكروزر الجديد عالميا وعندنا او بس تسويق ؟

ردك وافي بس احبك اذا تشرح هههههههه لان فعلا كلامك موزون

يا اخوي واضح معرض ليوا وغيره من المعارض فيها السيارات متكدسة ويبون يسوقون بأسعار عالية .. هذي التعاملات مثل التخزين ورفع السعر للبيع تعتبر محرمة وهم والوكلاء اللي يساعدونهم مشتركين في الإثم

لا تنسى السيارات تيبس توايرها وهي واقفة وبعضهم تحصل لهم مخازن في زروع وملاك للمخازن ذي يتعاملون مع الوكيل ويشجعونه .. يجيب كميات كبيرة ويخزنها هناك ويخلي المعارض تبيع كميات ويرجع يمدها شوي شوي وكله بفرق كبير عن كل دول العالم والدول حولنا .. العتب والله على الجهات الحكومية المختصة والا هذا لو يصير في دولة مثل أمريكا بتحصل ناس وايد مسجونين والاف بي آي مسوين مداهمات مفاجئة .. ذيك دول فيها اسلام بدون مسلمين واحنا عندنا مسلمين بعيدين عن الإسلام وهالشيء يتكرر في كل سيارة

[معماري قطري]

بتجي فترة اللي يتابع المعارض يحصل السيارات تنشال ويقولون انباعت وصحيح ينباع قليل منها لكن الكثير يودونه أماكن ثانية .. إكتشفت بالصدفة أرض في الفريج كبيرة مصفوفة فيها السيارات ملاصقة في بعض ومحاطة بجدار عالي ما يبين شيء .. حتى المالك يقرب لي ولا علم حد ومنطقة مب منطقة تخزين لكن يالله ربح زين وكلها سيارات تيوتا بكافة أنواعها .. المشكلة التخزين على الارض الطبيعية ومعرضة للشمس والمطر .. ونفس الشيء شفت تخزين في زرع بعد بطريقة مكشوفة يغسلون السيارة قبل ليسلمونها العميل ويخفون عيوبها من يباس التواير واهتراء حتى وايرات المكينة لو بقت فترة طويلة

[نفسي عزيزه]

لاحول ولاقوة الا بالله وحسبنا الله ونعم الوكيل

والله يابوعبدالله اول مره اعرف هالمعلومات ومثل ماقلت حرام جذي وظلم للمشتري

وانا لاحظت هالشي مؤخرا ان السيارات تختفي فجأه وشكيت لين الحين اثبت شكي

ردك وافي يالذيب ومنك نستفيد يابطل

[نفسي عزيزه]

في مشهور مره كان يصور لاندكروزر رفيجه وهو معاه بالسياره يقول له شرايك بالموتر قال له طيب بس ضيق ماصغروه لكن لعبو بالمساحات صار ضيق سوء توزيع بالتصميم لصالح المكينه ترجع وره فطولوا البانه عشان لما يطير الموتر ينزل سيده عكس الموديل الي قبل ينزل خشمه قبل وسبب مشاكل في استراليا المهم بعد عشر دقايق نمسح الفيديو مسحه عشان مادري من كلمه وقاله لاتجيب طاري المساحات الداخليه وانه ضيق ومسكين مسح الفيديو وانا اعرف هالرجال مؤدب ومايبي يخرب على حد او يقطع رزق حد

[معماري قطري]

لاحول ولاقوة الا بالله وحسبنا الله ونعم الوكيل

والله يابوعبدالله اول مره اعرف هالمعلومات ومثل ماقلت حرام جذي وظلم للمشتري

وانا لاحظت هالشي مؤخرا ان السيارات تختفي فجأه وشكيت لين الحين اثبت شكي

ردك وافي يالذيب ومنك نستفيد يابطل

حوطتين في فريجنا وحدة مؤكد حق موزع رئيسي لتويوتا صغيرة شوي بس الجديدة كبيرة وايد تشيل حول ألف سيارة

خذ لك لفة بقوقل ايرث صوب فريج الغانم الجديد أو شمال منطقة عين خالد وبتشوفهم ما تخطيهم .. إستوى بيع السيارات عندنا مثل البورصة مضارب وتخزين وبيع بالقطارة والحكومة لو بتتدخل بسهولة بتكشف كل شيء .. كم سيارة دخلت وكم سيارة انباعت وكم سيارة تخزنت في العراء .. اذكر السالفة لواحد قال بغيت بيكم للبيت بسعر 105000 خصموا لي 5000 ودققت فيه صدامه مصبوغ وسالتهم يقول ليش مصبوغ قالوا نازل عليه وصخ حمام .. طلعوا مخزنينه في زرع يقول رديته وقلت ابغي جديد وبادفع ال 5000 اللي خاصمينها

عيبنا ما عندنا حماية مستهلك وثرى المخازن هذي مب قانونية اراضي محوطة ولها باب وفيها كبينة حارس .. شيصير لو يستوي حريق والتأمين بيدفع والتحقيقات شلون بتكون؟

[معماري قطري]

في مشهور مره كان يصور لاندكروزر رفيجه وهو معاه بالسياره يقول له شرايك بالموتر قال له طيب بس ضيق ماصغروه لكن لعبو بالمساحات صار ضيق سوء توزيع بالتصميم لصالح المكينه ترجع وره فطولوا البانه عشان لما يطير الموتر ينزل سيده عكس الموديل الي قبل ينزل خشمه قبل وسبب مشاكل في استراليا المهم بعد عشر دقايق نمسح الفيديو مسحه عشان مادري من كلمه وقاله لاتجيب طاري المساحات الداخليه وانه ضيق ومسكين مسح الفيديو وانا اعرف هالرجال مؤدب ومايبي يخرب على حد او يقطع رزق حد

اللي يعطيهم قوة وأقصد كل الوكلاء يقومون بعمل سامي وشهم للدولة يساهمون في جوائز الرياضة ويقدمون سيارات بمقابل لكبار المسؤولين أول بأول هذاك قطري قوي أما اللي من طبقتنا قتري عادي

[نفسي عزيزه]

مبارك عليكم الشهر الفضيل



ركبت عازل النهدي vip 35 % شرايكم بعوازل النهدي انا اول يوم لي ماقدرت اعرف قوته يبيله لين ينشف الماي منه وكم يوم واقول لكم رايي

شنو افضل عوازل للسيارات تعزل صح تحس بالفرق واضح

انا جربت في كووول وكانت تجربه ناجحه بس حبيت اغير

[.قطر.]

السلام عليكم ورحمه الله وبركاته
مادري اذا تذكروني <<<<<< صاحبنا يبي يسولف ماعنده سالفه

شلونكم شخباركم من زمان عنكم شالجديد

[.قطر.]

جربت الموتر الضيق

الVXR وعر من ورا تقول ريش مب طيات وينزل بالقو من ورا عقب المطب
بس وايد نشيط وبريكه قوي وسكانه خفيف ومريح عالخطوط
بس فيه حركه غريبه مادري بسبب التون تيربو اذا شليت ريلك عن الريس تحس الموتر بيوقف مكانه ماعرف شلون اشرح جنه كان 6 سلندر صار 3 سلندر ههههه


الGR احسن من الفكسار من ورا يعني مقبول الى حد ما
والبدي احسه مب ثابت يتمايل مع اللفات والبريك بسبب ان فيه E-KDSS واعتقد عمدان توازن بعد ف يعطيك مرونه وثبات

كشخص متعود عالثمانيه ماحبيت السته فيه حنه شوي عكس الثمانيه ناعم وهادي ماتحس باهتزازات من المكينه

بس لاحظت المشكله ف الاثنين انه تحس راكب منز وايد البدي يتحرك فوق وتحت اذا دست منهول ولا سادين حفره ارتفاعها مختلف عن الشارع ولا الشارع فيه تموجات خفيفه


مايندرى اللكزس اشلون بس غالي وحسيته اوسع من الكروزر يوم ركبته ف الوكاله ركبي مايضربون على اقل حركه ف الطبلون والباب

[.قطر.]

بدايه الغيث قطره لين مايدشنونه اتوقع مثل هالوقت السنه اليايه
ويارب يتسرب او صور تجسسيه وهو مغطى لان المواتر اليابانيه بالموت تطلع قبل التدشين

بدا يختفي الثمانيه سلندر صوته غير وحنه المراوح اللي تطرب