. {{{ معـرض وكـراج شبكـة الاسـهم القطريـة }}} .

[.قطر.]

اها الحين فهمت قصدك

كم تعطيه بالبروده من 100

قريب من الكروزر او بعيد كلش

ياخي انت فنان بالوصف لازم البسك ميداليه هههههههه

ابي ميداليه ذهب عشان ابيع الذهب بعدين

من تطلع الشمس لين المغرب النيسان مكيفه يصير لك عليه اعطيه 7/10 مع انه حاط الحراره 18 بس فليل 10/10 واذا بقارنه مع الكروزر الكروزر ف كل وقت 10/10 حتى الظهر

[.قطر.]

زر الايكو ف الـ 400
يارب مايستعيلون ويحطونه ف السته سلندر

[qatarman8008]

ليش حاطينه زر بروحه..!!
المفروض نفس التويوتا يشتغل ويبند بروحه على حسب الدعسة..

[qatarman8008]

والله ياجماعة ان رايي بالنيسان يختلف عن رايكم..
انا اشوفه خفيف وعزمه محترم جدا وسواقته ريفة وخيفة يفرق بكثير عن التويوتا واللكزس..
فيه كيزات ممتازة مو موجودة بالتويوتا مثل ان تقدر تصكر الباب بالزر اللي برى حتى لو السيارة شغالة..
درايشه تنزل وتطلع بسرعهوبدون صوت..
هذا الشي كان يسبب لي ازعاج في ابتويوتا ..
واذا ركبت عليه بالون تحس انه ثابت مايتغير واجد نفس التويوتا ..
التويوتا اذا ركبت عليه بالون يتم يحذفك يمسن ويسار..

[نفسي عزيزه]

مرحبا قطر مان واهلا وسعلا فيك وفي تجربتك ورايك مهم مهم مهم لان منكم نستفيد ومن تجاربكم

قطر مان انت راعي نيسان ؟

اذا راعيه عادي تفضل اشرح لنا بالتفصيل الممل ترى احنا مانتملل من سوالف المواتر ونحب بالتفصيل اذا لك بارض بيوم من الايام اكتب لنا شنو تفضل بالنيسان وتيوتا بما انك مجرب والكوالتي والمكيف والريافه والصرفيه

رايك مهم جدا يابطل والموضوع موضوعك

عجبني كلامك عن صوت الدريشه معلومه حلوه

النيسان اثبت من التيوتا ؟

[نفسي عزيزه]

زر الايكو ف الـ 400
يارب مايستعيلون ويحطونه ف السته سلندر

ههههههههههههه

يمكن صج يعدل صرفيته مع ان ماعتقد ههههههههه

لان عزمه قوي ومكينته ضخمه

تصدق حتى الهلوكس فيه هالميزه فالطبلون منه وفيه اضافه على زر خاص للايكو عند القير يشبك على طول حتى لو تدعس يتم شغال

المواتر اليابانيه قويه ولك وللزمن بس تشفط بترول هههههه

[.قطر.]

والله ياجماعة ان رايي بالنيسان يختلف عن رايكم..
انا اشوفه خفيف وعزمه محترم جدا وسواقته ريفة وخيفة يفرق بكثير عن التويوتا واللكزس..
فيه كيزات ممتازة مو موجودة بالتويوتا مثل ان تقدر تصكر الباب بالزر اللي برى حتى لو السيارة شغالة..
درايشه تنزل وتطلع بسرعهوبدون صوت..
هذا الشي كان يسبب لي ازعاج في ابتويوتا ..
واذا ركبت عليه بالون تحس انه ثابت مايتغير واجد نفس التويوتا ..
التويوتا اذا ركبت عليه بالون يتم يحذفك يمسن ويسار..

معاك ف كل اللي قلته بس ماجربته مع البالون عشان احكم اذا احسن ولا لا
بس يتم المكيف مب نفس التويوتا والكواليتي شوي اقل من التويوتا

[qatarman8008]

هو عليه ملاحظة انه في الزحمة والصيف تقوم حراؤته..
انا ماصارت معاي كلش لان كله اقبض فيه خطوط نادر ما ادش في زحمة من دوار لي دوار..
اما الكواليتي فكلامك صحيح تحس البلاستيكات ماله رخيصه وبسرعه تخترب من الشمس واسفنج الكرسي يتغير شكله بعد خمس او ست سنين بعكس التويوتا اللي يتم فتره اطول ..
الحين المقارنة بين التويوتا والنيسان نقدر نقول ان مافي موتر افضل من الثاني في كل شي..
لكن على حسب رغبة المستخدم لو يبي موتر خفيف وسواقته ريفه وعزمه حلو ياخذ نيسان ولا يفكر بالتويوتا..
ولو المستخدم يحب موتر ثقيل لكنه اعلى كواليتي وسعره ثابت في السوق ياخذ تويوتا ولا يفكر بالنيسان..

[ya3coub]

قليتات الدنيا كلها فيه

عادي بالعكس وايد حلو مال أخذ لون ابيض و الكرومات كلها اصبغها لسود لمعه او Carbon Flash احس بيطلع شكلع حلو مع عازل 30% كامل

بس المرور ما يخلون الواحد فحاله

[نفسي عزيزه]

يعقوب المرور جننوك ههههههههههه