كيف يمكن تغطية مجمع ( مول ) الحزم بالكامل لتبريده خلال فترة الصيف ؟
كيف يمكن تغطية مجمع ( مول ) الحزم بالكامل لتبريده خلال فترة الصيف ؟
التعديل الأخير تم بواسطة jajassim ; 25-11-2018 الساعة 12:51 PM سبب آخر: 000
(وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ)
السلام عليكم
ممكن عن طريق مظلات متحركة وطريقة تبريد مثل الملاعب
مول فاشل بكل المقاييس اعتقد الي صممه يضن انه في سويسرا
سواه مكشوف على مقاس مدائن صالح انا رحت مره احسن مافيه
المواقف والفت الي تطلع فيه فوق وبعدين تحصل نفسك في
مدائن صالح وما تعرف وين تروح ووين ترد
اعتقد ان عمل زجاج ومكيف من الأعلى للمرات ممكن يصلح وضعه
شوي واذا فيه ركائز جسور ممكن تنطلق للأعلى منكن تضليله
وتكييفه نفس نضام مطار تايلند نفس الخيام
وتسمح للنور الطبيعي الدخول
,
,
مرحبا
شكرا على الموضوع
المول من ناحيه جماليه وديكور وجلسات فهو رقم ( 1 ) في قطر بلا منازع
ومخسرين عليه ومتعوب عليه
ومحطه سياحيه لكل سائح يزور قطر
أضاف قيمه للسوق القطري وأضاف متعه للجلسات الخارجيه في الأوقات الجميله من السنه
( من المفترض ان فيه تبريد بطريقه الملاعب )
وما اعرف شنو السبب ما كملوا النظام
مالك السوق في اكثر من مناسبه ولقاء ذكر ان الجو بيكون فيه مناسب طول السنه
عموما ( تبريده جدا سهل )
ومن الضروري تبريد الممرات الرئيسيه
لان وضع السوق الان يشتغل 6 شهور فقط
وعنده خساره 6 شهور للأسف
وهذا يكبد المشاريع خساره كبيره جدا
فيه مطاعم عالميه واعتقد الوضع بيكون متعب لهم وصعب عليهم
او ان الايجار يخفض الى 50 %
,
,
ممكن معتمدين تكنولوجيا التبريد المساحي بدون سقف .. أصلاً لو التكييف انعمل في أنابيب تمر تحت الأرض يوصل الهواء بارد بدرجة حرارة معقولة لحد 22 أو 23 المريحة للإنسان .. وبسبب كثافته يبقى قريب من سطح الأرض ويكون المكان كله بارد وتكلفة التكييف تكون معقولة
إحنا نكيف البيوت المبنية والغير معزولة وشرط البلدية قبل العزل من فوق بس .. صحيح من فوق أكثر شيء تسطع الشمس لكن كذلك الهواء الحار اللي يدخل من تحت ومن الجوانب يرتفع لفوق لأنه أقل كثافة بعد ما يصخن بحرارة المنزل جدران وأرضيات وينزل علينا هواء التكييف .. اللي يرتفع لفوق يحصل العازل ولا يحصل مهرب مثل قبة أو سقف غير معزول فيتبادل الحرارة مع الخارج فيستوي تكدس حراري ينزل علينا
لذلك لو بنعزل عدل لازم نعزل الجدران والأرضيات والأسقف ونخلي نقاط تبادل حراري معينة كالمناور السقفية أو نرفع السقف من 4 متر وأكثر حتى تزيد عندنا الطبقة الخاملة الحارة .. مع عزل الجوانب نقضي على جزء كبير يدخل ويرهق المكيفات ويستهلك طاقة أكثر
(وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ)
البادجير ربعنا في المكتب الخاص معترضين عليه يقولون تراث فارسي .. وجامعة قطر متبعة مبدأ البادجير .. وميزته جمال معماري وقبل كان الهواء يدخل من فوق ويبرد المكان ويعتمد على سرعة الهواء مهما يكون اتجاهه يحوله تحت .. حل تهؤئة لكن تكييف يحتاج دراسة أكيد .. اللي في الارض يدفع هواء دفع خفيف ويكون طبقة باردة الهواء الحار يروح فوق وهذا يرتفع حسب حرارته لو الجو حوله شبه ساكن ما فيه رياح جانبية أو الرياح الجانبية مكسورة بحواجز معينة
شوف مثال واقعي تكييف المساحات الكبيرة في الحرم بواسطة فتحات في أسفل الأعمدة .. نفس الشيء فتحات الهواء سفلية ويطلع منها الهواء أقرب شيء للانسان