السوق باحدى الانديه بقطر

[ya3coub]

كل شخص عليه من نفسه اذا صان نفسه و بدا بالتغير اللي يبيه فالمجتمع بنفسه بدون ما يدقق و ينشغل بغيره احنا بخير.


اللي بيغلط يعرف وين يغلط و اللي عدل عدل لو وين ينحط.

هاي قناعتي لو تركنا التدقيق على الناس انا اروح النايت و ترددت عليه من بدايته عند ربعي و انتبه بعض المرات لبعض العاهات اللي هناك بغض النظر عن لبسهم.
بس وايد مع اهلهم و وايد بنات مع رفيجاتهم و وايد شباب ايضا نفس الشي.

طالما رايح حق ربعي اكل و اونسهم و اطلع ما انتبه للي موجود بكثرة انه شخص رايح يطالع بس و للأسف يطالع غيره بدال ما يطالع الالمطاعم و المشاريع

[دينالي]

انا مارحت النايت ماركت ولا شفته
بس اللي بيغازل مابيعوقة نادي ولا بيوقفه اختفاء السوق واللي بتلبس لبس مبالغ فيه تلبس عشان سنعها كذا مو عشان النادي
ملاحظتي على النايت ماركت ان وجودة بيأثر على المحلات والمطاعم اليديده اللي قريبه من منطقته وبيوقف حالهم ست شهور
لو يراجعون موقعه بيكون احسن لان في ذيك المنطقة في وايد شباب فتحو مشاريع صغيرة والنايت ماركت خرب عليهم

[بومحمد المطاوعه]

انا مارحت ولا اتشرف احشر نفسي وسط هالوكر

ولا بروح ان شاءالله رغم الي سمعته والي اشوف بعض البشر
يصورون بنات الناس ويطرشون فالسناب او في الواتساب
وانتشر كم مقطع لبنات فاصخات الحيا
لا من عباه ولا من ديكورات الوجه

مستغرب من الناس الي تصور وترسل
ومن هالبنات والعياذ بالله
الي مالهم ولي يسنعهم
بعيد الشر

صحيح في كم شخص اعرفه فاتح له مشروع هناك
و يتصلون لي يعزموني والي يقول تعال ولك كم وجبه مجانا
بس حياك

اقولهم السموحه المكان لايليق بي ولا بموت من اليوع

الله يهديهم ويهدينا ويثبتنا على الطريق المستقيم

[Rider]

والله افكر صاحب الموضوع يتكلم عن المطاعم لي عند نادي قطر توني اعرف انه فيه شي جديد عن نادي الدحيل بس هو عبارة عن شنو بالضبط يعني هو محل ولا سيارات تبيع مشروبات وأكل
بس من باب الفضول ولا مستحيل اروح هالامكان

[شبعان]

[لـبـيـه]

الفكره حلوه وزينه وسياحيه وترويجيه

الشره على الي يخلي شوفاته يروحون بملابس فاضحه ومكياج فل واثلاث او اربع بنات في موتر قاطين الشيل واغاني ويلفون بدون حيا

والله عيب مادري هالبنات شلون عايشين ماعندهم اهل ولا اخوان ولا يخافون حد يشوفهم من أهلهم والله مادري ولا اقدر اعبر

[يمامـة]

المشكلة ما ادله والا ولدي قال لي عنه كان ناوي يفتح بس توفق في نادي قطر

فكرة هذي المناطق والنوادي لإشغال الناس في شيء يجيب مردود لهم مفيدة بس لازم ننتبه لأي مساويء .. أما عن الجاذبية خلاص استوت بالماينس

مشكلتك لها حل..
ولدك الله يبارك له فيه بيدليك..

أهم شي اذا بتروح له تكون لك حاجة مب طماشة..

[يمامـة]

كل شخص عليه من نفسه اذا صان نفسه و بدا بالتغير اللي يبيه فالمجتمع بنفسه بدون ما يدقق و ينشغل بغيره احنا بخير.


اللي بيغلط يعرف وين يغلط و اللي عدل عدل لو وين ينحط.

هاي قناعتي لو تركنا التدقيق على الناس انا اروح النايت و ترددت عليه من بدايته عند ربعي و انتبه بعض المرات لبعض العاهات اللي هناك بغض النظر عن لبسهم.
بس وايد مع اهلهم و وايد بنات مع رفيجاتهم و وايد شباب ايضا نفس الشي.

طالما رايح حق ربعي اكل و اونسهم و اطلع ما انتبه للي موجود بكثرة انه شخص رايح يطالع بس و للأسف يطالع غيره بدال ما يطالع الالمطاعم و المشاريع

كلامك بجمله يا وليدي يعقوب مب غلط و مية مية و لا فراخ الجمعية..

بس

نتوقف عند نقطة انكار المنكر..
العاهات هذي الواحد ما يتعنى و يروح علشان يشوفهم هالعاهات اللهم عافنا مما بلاهم
يطلعون في هالاماكن بهدف لفت الأنظار بأشكالهم او تصرفاتهم او حركاتهم او ازعاجهم..

من جذيه اتفق مع اخوي بو محمد المطاوعة .. مثل هالاماكن يزيد فيها الهرج و المرج و المصخرة
و اللي راح لها مرة و تأذى نفسيا من اشكال العاهات يترك المكان للعاهات هذه علشان المنظمين
مرة ثانية يخصصون يوم للبنات و يوم للرجال اذا كان الهدف الاستفادة الربحية من هالمكان..

اما تركه لمجموعة قزني و اقزك اللي ينفرون خلق الله من هالاماكان اشوف انهم هم الخاسر الأكبر.

[يمامـة]

الفكره حلوه وزينه وسياحيه وترويجيه

الشره على الي يخلي شوفاته يروحون بملابس فاضحه ومكياج فل واثلاث او اربع بنات في موتر قاطين الشيل واغاني ويلفون بدون حيا

والله عيب مادري هالبنات شلون عايشين ماعندهم اهل ولا اخوان ولا يخافون حد يشوفهم من أهلهم والله مادري ولا اقدر اعبر

اتفق معاك و بقوة..
على الرغم من وجود كثيرات محترمات يحبون يرتادون مثل هالأماكن لكن للأسف
مثل هالأماكن ما تنفع من غير محرم هذا أولا..
ثانيا صاروا البنات ما في شي يردعهم ابدا.. ماخذين راحتهم لا خوف من الله و لا من كلام الناس..

و الله يهدينا و يهديهم
اللهم امين.

[ya3coub]

كلامك بجمله يا وليدي يعقوب مب غلط و مية مية و لا فراخ الجمعية..

بس

نتوقف عند نقطة انكار المنكر..
العاهات هذي الواحد ما يتعنى و يروح علشان يشوفهم هالعاهات اللهم عافنا مما بلاهم
يطلعون في هالاماكن بهدف لفت الأنظار بأشكالهم او تصرفاتهم او حركاتهم او ازعاجهم..

من جذيه اتفق مع اخوي بو محمد المطاوعة .. مثل هالاماكن يزيد فيها الهرج و المرج و المصخرة
و اللي راح لها مرة و تأذى نفسيا من اشكال العاهات يترك المكان للعاهات هذه علشان المنظمين
مرة ثانية يخصصون يوم للبنات و يوم للرجال اذا كان الهدف الاستفادة الربحية من هالمكان..

اما تركه لمجموعة قزني و اقزك اللي ينفرون خلق الله من هالاماكان اشوف انهم هم الخاسر الأكبر.

اتفق معاج أختي يمامة و هذا الصح.

و عن يوم للعائلات او النساء موجود و للعلم البطاقات تتوزع يدخلون الشباب اصحاب المحلات و يدخلون ربعهم ولا جنه صار شي و يرد يطلع واحد و فمخباه 3 بطاقات و دخل ربعه !!!!
جنه ما سوو شي.

اهو شي حلو خف الضغط على نادي قطر بس ايضا نادي قطر كان متروس عاهات للأسف عندنا مشاريع و اشياء حلوة و قاعده تخترب والله يستر على كورنيش لوسيل لأنه اشوفه تابعهم بنفس المنوال.

عندنا اشياء جميلة بس في فن و ابتكار باشلون يخربون هالأماكن او تشوه سمعتها مو بسبب منظمين بسبب مرتادين.
لو قلنا بنقطع النايت ماركت ترا ربعنا اللي بينضرون مو الإداره الإداره استلمت الفلوس مقدم اريدي, بس لما هاي اللي جايين للفت النظر محد يعبرهم و اهم و غيرهم واحد ممكن انه يخفون.