السوق باحدى الانديه بقطر

[يمامـة]

اتفق معاج أختي يمامة و هذا الصح.

و عن يوم للعائلات او النساء موجود و للعلم البطاقات تتوزع يدخلون الشباب اصحاب المحلات و يدخلون ربعهم ولا جنه صار شي و يرد يطلع واحد و فمخباه 3 بطاقات و دخل ربعه !!!!
جنه ما سوو شي.

اهو شي حلو خف الضغط على نادي قطر بس ايضا نادي قطر كان متروس عاهات للأسف عندنا مشاريع و اشياء حلوة و قاعده تخترب والله يستر على كورنيش لوسيل لأنه اشوفه تابعهم بنفس المنوال.

عندنا اشياء جميلة بس في فن و ابتكار باشلون يخربون هالأماكن او تشوه سمعتها مو بسبب منظمين بسبب مرتادين.
لو قلنا بنقطع النايت ماركت ترا ربعنا اللي بينضرون مو الإداره الإداره استلمت الفلوس مقدم اريدي, بس لما هاي اللي جايين للفت النظر محد يعبرهم و اهم و غيرهم واحد ممكن انه يخفون.

يا ولدي يعقوب..
ما في شي اسمه اذا محد بيعبرهم الوضع بيكون اوكي.. فالانجذاب سنة في هالكون..
طبيعي جدا تلقى هالاشكال تلفت النظر..


حتى نادي قطر.. خوسيه لما راح كم مرة سألته وانا امدح الفكرة انها حلوة
تجمع الشباب في مكان واحد بدل الحواطة اللي مالها داعي..
رد علي بكل عفوية اللي مخربين المكان البنات مالهم داعي وجودهم في هالمكان..


هو تكلم من باب رفضه لوجود بنات في مثل هالمكان .. بس تخيل مع الأيام اعتقد
انه بيكون عنده عادي.. و مثل ما صار عادي عند كثيرين ان حريمهم و بناتهم يروحونه هالأماكن
علشان كوب قهوة او كرك..


فانتوا يا شباب ارفضوا الوضع الحالي بشكل ودي .. مب غلط تكون اوبن مايند
لكن في حدود يعرفون فيه محارمكم ان هالشي غلط و هالشي صح..

الوضع الحالي غلط بكل احواله..

اختلاط
طيب
مكياج
تزين
تعدل

شباب منبهر بالبنات
و بنات منبهرين بالشباب

أماكن مفتوحة يرتادونها ..

مب كل مكان يصلح للبنات ابدا.. هالشي لازم يكون نابع من المسؤولين في البيت
و اللي هم الرجال.. و اذا كان لابد من تواجدهم فيها يصطحب خواته معاه و ياخذهم هالاماكن ما يتركهم
بروحهم صافين في سياراتهم مابين الشباب!!

فمن غير المعقول.. البنت تروح مع صديقاتها و الاخو يروح مع اصدقاءه
ويتقابلون في نفس المكان !!


شلي يصير لو الأخ خصص يوم حق خواته؟

لما الرجل يتشبص في مسؤولياته.. صدقني العاهات اللي تتكلم عنها ما بتكون
بالشكل المنفر و المنتشر في الأيام هذا..

و الله يهدي الجميع.

[بوخميس]

الدولة مكلفة على نفسها ومسوية يوم رياضي

و 365 يوم حق الاكل، صارت الدوحة كلها مطاعم برغر وكافيهات

[7aayaahh1]

كل الكافيهات والمطاعم حق هالفئة وناهيك عن المولات بشكل عام لفئة معينة إلي هي فئة الشباب فطبيعي يحصل بينهم ميل !! لكن ما شفت مول يهتم بكبار السن ما عندهم غير سوق واقف حاطين لهم طاولات عليها أكل والأكل عاد الله خير بدون أودام وآخر غش وتعالوا دوروا كراسي ما في إهتمام أبدا .. وش فيها لو كان المول يشمل بضاعة للكبار وللشباب ليش حاصروهم بسوق واقف بس !

[naklan]

مب لازم تتوقف الحياة او نلغي الفكرة الجميلة
لسوق الليل علشان شوية شباب اوبنات طائشين
السوق فكرته جميلة في منطقة مقطوعة من
المطاعم والكوفي شوب

اقترح على الحكومة استغلال الارض الكبيرة
في الطرف المقابل خلف محطة البترول ويعمل بشكل
دائم سوق ليل شعبي مثل سوق واقف منوع
النشاط وفيه مافي سوق واقف
يخدم المنطقة المتكدسة
سكنيا بلا متنفس

[معماري قطري]

الدولة مكلفة على نفسها ومسوية يوم رياضي

و 365 يوم حق الاكل، صارت الدوحة كلها مطاعم برغر وكافيهات

أحلى برغر ذقته في حياتي هوم ميد وتسويه أُم عبدالله الله يحفظها أوقات كوجبة تغييرية غدا أو عشا .. ينطلب من الملحمة لحم خالص بدون شحوم وفرش مع توابل بسيطة

[معماري قطري]

مب لازم تتوقف الحياة او نلغي الفكرة الجميلة
لسوق الليل علشان شوية شباب اوبنات طائشين
السوق فكرته جميلة في منطقة مقطوعة من
المطاعم والكوفي شوب

اقترح على الحكومة استغلال الارض الكبيرة
في الطرف المقابل خلف محطة البترول ويعمل بشكل
دائم سوق ليل شعبي مثل سوق واقف منوع
النشاط وفيه مافي سوق واقف
يخدم المنطقة المتكدسة
سكنيا بلا متنفس

مناطق كثيرة بلا متنفس ما ادري ليش تخطيطنا المدني والحضري ما فيه أبسط الأشياء

نحتاج بنجري قريب في كل فريج .. خبازين بكم نوع وشكل ولون .. صيدليات وبقالات صغيرة تسوي هرن يخلصك في دقايق .. نبي محطات بترول وزين قربت تخلص محطة في الفريج عندنا قبل يقولون تنفجر وتفجر الفريج كله .. صيدليات وصالونات وشوارع تجارية بحق تجارية مب مختلطة مع البيوت وبدون خطة واضحة من الأساس

التخطيط تحسب حساب كل شيء بشكل مسبق من البداية مب تغير وضع داعوس لشارع تجاري فجأة

[بوخميس]

في مناطق عندهم تكدس من كل شي

احنا في فريجنا (الهلال القديم) راس مالنا حلاقين ودكانين ودوبي واحد وبدون مخابز أو بنجرجية أو غيره

واظن نفس الوضع في اسلطة وهلال العلي والمناطق القريبة منا

[ضوى]

كل ما أفكر اروح ولدي يقولي ارتاحي يمه إنتي مكان مافي شي وكله تحنين اشلون هناك ��

[عطر فرنسي]

الدولة مكلفة على نفسها ومسوية يوم رياضي

و 365 يوم حق الاكل، صارت الدوحة كلها مطاعم برغر وكافيهات

[المعز لقطر]

مادام كل شي تحت السيطرة ما يخالف
حتى لو رحت انت وبناتك --- بينظرون للحركات وتقول بعقلها الباطن كلام
التنظيم والامن ضروري للمتابع لان الحرية غير مطلقة