صفحة 1 من 2 12 الأخيرةالأخيرة
النتائج 1 إلى 10 من 16

الموضوع: ياشباب انتبهوا من التعامل مع شركة المناعي قسم الصيانه

العرض المتطور

المشاركة السابقة المشاركة السابقة   المشاركة التالية المشاركة التالية
  1. #1
    عضو نشط الصورة الرمزية المخضرم85
    رقم العضوية
    18080
    تاريخ التسجيل
    Oct 2007
    المشاركات
    909

    ياشباب انتبهوا من التعامل مع شركة المناعي قسم الصيانه

    ياشباب انا وديت السيارة للتصليح شركة المناعي للسيارات قسم الصيانه في الصناعيه ورحبوا فيني فالبدايه من مدير وموظفين وقالوا لي بعد الفحص عالسياره قيمه التصليح 33000 ريال قلت لهم ابتدوا فالتصليح وكلي ثقه فيهم وهذا الكلام كان شهر ابريل بعدين شهر مايو اطلبوا عربون للتصليح 7000 ريال ودفعتها لهم وتخيلوا من شهر مايو ومااستملت سيارتي الا بداية شهر ديسمبر .وهنيه بدا الرعب اول ماطلعت من باب الوكالة الا اشوف الناس رافعين يدهم وانا عبالي يسلمون علي الا اثاري السياره يطلع دخان من القزوز والماكينه الا جاني واحد يقول لي يااخوي اشفيك رافع يدك سيارتك كلها دخان ورجعت دخلت لهم الوكاله الا كلهم مستعجبين ومستغربين الا دخلت الموتر عليهم وكلها داخل ادخنه فضيعه والفنين يقولون الموضوع بسيط يوم فتحت البانه طلع منها الدخان واحصل برغي ناسينه داخل الا اسال هاي الفني اقوله وين مكانه قال مااعرف (الفني )المهم ومن كثر الدخان صرنا مانشوف بعض واللي راح واللي جاي يشوف الدخان لا ويقولون بسيط بسيط وقالوا اللي صلحوا السيارة هاي انسان ممكن يخطي مب كمبيوتر هاي للعلم كله في يوم واحد وسلمتهم السياره وقالوا لي بنوصلك البيت وانا في طريقي مع اللي يوصلني قال لي بابا اذا تبي بنوصلك السياره ولكن عطني ميتين وبنيبها لك واليوم الثاني اتصل لي الموظف وقال لي تعال استملها السياره جاهزة المهم خذيتها والحمدلله رحت البيت وبطلت البانه قلت باشيك عالبانه نظريا الا احصل الفني كاتب بالمزيل على الراديتر رقم السياره ومع محاولته لمسح المزيل حكه الظاهر بشي وشمخ وسوا علامة على الراديتر والكور اللي يحمي السياره من تحت كاتب ومعلم عليه بالمزيل نفس الشي رقم السياره وبعد معلم بالمزيل وكاتب رقم السياره على الماكينه وشامخين البانه على حجم نص كف اليد وطعجات بسيطه متفرقه للعلم انا قبل مااودي سيارتي للوكالة مصورة صور وفيديو بعد ومشينا الموضوع والصدام الامامي مارجعوه عدل صار فيه فجه بين اليمين واليسار الصدام غير الطعجات اللي تحت وبعد مشينا الموضوع ومع استخدامي للسياره تقريبا اربعة ايام بدات الماكينه ترج وطلع في الطبلون صورة الماكينه ومنع الانزلاق والكروس وبس هاي كله صار معاي في اسبوع ياليتني سمعت كلام رفيجي قال لاتوديها لهم السيارة يصلحونها لك ماسمعت الكلام صج لي قالوا اللي مايطيع يضيع وعند وقت الشاي كنت اشرب شاي الا اسمع صوت رينغ رينغ الا اطل تحت الا القزوز مب راكب عدل وللعلم يوم وديتها الفحص الفني على اساس اني دافع هالمبلغ الكبير بتنجح السياره قال لي الموظف بابا نسبة الكربون عندك عاليه جدا وماكينة السيارة ترج احسن ركب ماكينة جديد وقال الموظف في الفحص اول مرة تمر علينا سياره فيها نسبة الكربون عاليه جذيه والله على مااقول شهيد
    التعديل الأخير تم بواسطة المخضرم85 ; 08-12-2018 الساعة 10:36 PM

  2. #2
    عضو نشط الصورة الرمزية $الملياردير$
    رقم العضوية
    7313
    تاريخ التسجيل
    Jan 2006
    المشاركات
    839
    الله يعينك يا اخوي ويخلف عليك ... بإختصار من أمن العقوبة أساء التصرف ... لى متى

  3. #3
    عضو فعال الصورة الرمزية QtrGate
    رقم العضوية
    32041
    تاريخ التسجيل
    May 2010
    المشاركات
    2,118
    خذ إيميل الشركة الأم
    وخل واحد يكتب إنجليزي يشرح لهم الي صار وأرفق الفواتير مع تقرير الفحص الفني

    وسو cc حق الشركة والصيانة وأي حد عندك إيميله من الشركة فالدوحه في نفس الإيميل

    وانتظر الرد خلال اول ساعه

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    الله يعينك ولازم تشتكي يوم نسيتها فترة طويلة الظاهر ما اهتموا بها وإدارتهم مب لين هناك .. التيوتا عليها ادارة صارمة ورقابة وحتى في الورشة ناس من المصنع

    كان شغلهم مع سيارتنا وايد زين ومن زمان ما وديناها لهم قدمت 11 سنة بس موجودة احتياط ومن زمان حان بيعها

  5. #5
    تميم المجد الصورة الرمزية راعي الكورفت
    رقم العضوية
    47964
    تاريخ التسجيل
    Sep 2014
    الدولة
    Qatar
    المشاركات
    883
    اشدعوه 33 الف ريال قيمة التصليح؟

    بهذي القيمه تقدر تاخذ لك موتر مستعمل نظيف.

    او كنت شفت كراج غير الوكاله.

    كان عندي جمس سوبربان.


    سعر مكينه مع التركيب والضمان ، مابيتعدى ال7 آلاف.

  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة راعي الكورفت مشاهدة المشاركة
    اشدعوه 33 الف ريال قيمة التصليح؟

    بهذي القيمه تقدر تاخذ لك موتر مستعمل نظيف.

    او كنت شفت كراج غير الوكاله.

    كان عندي جمس سوبربان.


    سعر مكينه مع التركيب والضمان ، مابيتعدى ال7 آلاف.
    إحتمال اصلاح حادث

  7. #7
    تميم المجد الصورة الرمزية راعي الكورفت
    رقم العضوية
    47964
    تاريخ التسجيل
    Sep 2014
    الدولة
    Qatar
    المشاركات
    883
    اقتباس المشاركة الأصلية كتبت بواسطة معماري قطري مشاهدة المشاركة


    إحتمال اصلاح حادث
    هو للاسف ماذكر شنو سبب المشكله.
    حتى تصليح الحادث مابيكون بهذي القيمه.

    بيلاقي ارخص حتى من ال5 آلاف ريال في الكراجات.
    طبعا قطع الغيار اصليه ياخذها من السكراب والشغل مضمون .

    مش احسن له من انه يدفع 33 الف وتطلع له كل هالمشاكل وهو طالع من الوكاله

  8. #8
    عضو مؤسس
    رقم العضوية
    12783
    تاريخ التسجيل
    Mar 2007
    المشاركات
    3,344
    اقتباس المشاركة الأصلية كتبت بواسطة راعي الكورفت مشاهدة المشاركة
    هو للاسف ماذكر شنو سبب المشكله.
    حتى تصليح الحادث مابيكون بهذي القيمه.

    بيلاقي ارخص حتى من ال5 آلاف ريال في الكراجات.
    طبعا قطع الغيار اصليه ياخذها من السكراب والشغل مضمون .

    مش احسن له من انه يدفع 33 الف وتطلع له كل هالمشاكل وهو طالع من الوكاله
    صادق اخوي بالنسبة للمكاين والجيور فيه كراجات متخصصة ومشهورة لاامريكي الياباني والافضل للقطع الغالية ( جير ولا مكينه ولا كمبيوتر ) تغيير ( مستعمل ضمان اسبوع ) افضل من التصليح

    واذا السيارة قديمة و التكلفة عالية جدا يشوف الفرق ويبيعها سكراب افضل
    التعديل الأخير تم بواسطة BoFahed ; 09-12-2018 الساعة 06:20 PM

  9. #9
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة راعي الكورفت مشاهدة المشاركة
    هو للاسف ماذكر شنو سبب المشكله.
    حتى تصليح الحادث مابيكون بهذي القيمه.

    بيلاقي ارخص حتى من ال5 آلاف ريال في الكراجات.
    طبعا قطع الغيار اصليه ياخذها من السكراب والشغل مضمون .

    مش احسن له من انه يدفع 33 الف وتطلع له كل هالمشاكل وهو طالع من الوكاله
    هو وينه غاب عن الموضوع والتساؤلات اللي ثارها الكثيرة

    يقول لي أحد الإخوان على أيام وكالة الجيدة تصليحهم وكراجهم في نفس الوكالة اللي عند الجسر في الدوحة .. يقول كان مدير الكراج فلسطيني ضخم وحطيت سيارتي يصلحونها ومريت اشوف شصاير معاها طلع شالين مفتاح تقصير وتطويل الصوت مال الراديو .. ثاني يوم لا شالين المسجل كله .. يقول رحت للمدير الضخم اشتكي وكان مشغول يتابع فواتير طالعني ونزل عينه وقال وشو بدك نعمل .. يقول وانا اتلفت واحصل بيب سلنسر محطوط على جنب واخذه وارضخه على الطاولة .. الا ينقز هالضخم ويتم يراكض في الكراج وانا وراه

    قبل عادي الوضع أما ألحين سجن ومحاكمات وقصة

  10. #10
    عضو مؤسس الصورة الرمزية تاجر كشخة
    رقم العضوية
    35228
    تاريخ التسجيل
    Nov 2010
    المشاركات
    2,139
    اقتباس المشاركة الأصلية كتبت بواسطة معماري قطري مشاهدة المشاركة


    هو وينه غاب عن الموضوع والتساؤلات اللي ثارها الكثيرة

    يقول لي أحد الإخوان على أيام وكالة الجيدة تصليحهم وكراجهم في نفس الوكالة اللي عند الجسر في الدوحة .. يقول كان مدير الكراج فلسطيني ضخم وحطيت سيارتي يصلحونها ومريت اشوف شصاير معاها طلع شالين مفتاح تقصير وتطويل الصوت مال الراديو .. ثاني يوم لا شالين المسجل كله .. يقول رحت للمدير الضخم اشتكي وكان مشغول يتابع فواتير طالعني ونزل عينه وقال وشو بدك نعمل .. يقول وانا اتلفت واحصل بيب سلنسر محطوط على جنب واخذه وارضخه على الطاولة .. الا ينقز هالضخم ويتم يراكض في الكراج وانا وراه

    قبل عادي الوضع أما ألحين سجن ومحاكمات وقصة
    من يومك ذيب وتحب المشاكل لكن تخيلت شكلك وانت تركض وراه هههههههههه

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •