::~{ فنــدق سوق الوكــــرة }~::

[sara jsm]

بسم الله الرحمن الرحيم



صباح / مساء السعادة والنور والرضا ..
اقدم لكم تغطية صغيرة .. لاجمل فنادق قطر بالنسبه لي ... فندق فيه الفه وحب وحنيين .. لـ جييل الطيبين ..


~[ فندق سوق الوكرة تيفولي ]~


‏

:

‏

:

‏

:

‏

:

‏

:

‏

:

طبعا الفندق مقسم قسمين ...
الشمالي والجنوبي .. وتتكون من غرف وسويتات ارضية .. يعني مافي دور ثاني ...

:

‏

:

‏

:

‏

:

‏

:

‏

:

‏

:

‏

:

‏

الحلو والمميز في الفندق انه محافظ على الطابع التراثي القديم وماغيروا فيه وايد .. والسدر في كل مكااااان ...
المكان عبارة عن حيشان ( جمع حوش ) وفي كل حوش فيه كذا غرفه .. نفس بيوت قبل الحوش والليوان وعقب الغرف .. يعني ممكن عيله كبيرة تحجز كلهم في نفس الحوش ..

:

‏

هذا الحوش اللي سكنت فيه .. خذت سويت ( صاله وغرفه وحمام الله يعزكم ) بس الحجم صغير لان المكان قديم ومترمم مب نظام الفنادق العادية ..

‏

هذي صورة الصاله ( من النت ) السهم على باب الغرفه .. تفتح الباب سيده عالصاله مافي ممر نفس الفنادق .. وعاليمين غرفه وعاليسار دورة المياه ..

:

‏

هذي الغرفه ..

‏

الحمام عزكم الله ... طبعا مافيهم بانيوهات ( جمع بانيو ) لان المالك مايبي يخرب في البيت الاصلي .. حتى السقف خشب ..

:

‏

هذي اطلاله الغرفه عالحوش على طوووول ههههههه وترى مافي وايد خصوصيه او عزل للاصوات ... اذا زحمة كانك قاعد في فريجكم

:

باحط لكم الحين بعض الصور من خدمات الفندق ..

‏

مطعم خارجي في حوش كامل ..

:

‏

‏

صالة البوفيه .. طبعا منفصل عن الفندق مثل ماذكرت كل شي في حوش بروحه ..
البوفيه رحته حق الريوق مرة وحدة ... الاكل لذيذ بس مافي خيارات كثيرة .. فالاحلى الواحد يروح يخمس في المطاعم اللي عالسيف

:

‏

منطقه النادي الصحي

‏

‏

هذا قسم النساء .. ماقدرت اصور قسم الرجال ..

:
:

الفندق بالكامل مسور محد يقدر يدخله من برع او من السوق ... كل باب عليه امن وحارس .. وفي بيبان تطلعك عالسيف على طول وعليه حراسة ايضاً ..

:

‏

:

‏

:

‏

هذا انستغرامهم .. واسعارهم حلوة .. انا حجزت في الويكند سويت مع الفطور ( الليلة ب 500 وشوي )
انصح الطيبين يجربون المكان .. لانهم بيتذكرون ايام قبل ومع صوت اذان الفجر والحركة في المكان شي جميل ... عن نفسي احب هالاجواء ،.. وراح اكرر التجربة باذن الله ..


‏

:

ان شاءالله عجبكم الفندق وعجبكم الطرح ...

~[ ترى الحلآ في أهل الوكرهـ ماله آسباب .. فطرة خلقهـ الله وصارت وراثهـ ]~


:


اختكم : sara jsm

[سالم الزهران]

تراثكم من اكثر الاشياء اللي تشد الزائر... اشكرك ع الصور يا اخت سارة

[sweet qatar]

تغطية ولا اروووووع سويره

ماشالله ابدعتي

فكرة تحويل بيت المزروعي والمفتاح لفندق فكرة عبقرية

وان شالله السوق ينشط ويستفيد

مافي احلى من التمشاية على السيف عقب صلاة الفجر .. يا زين اهل الوكره

[ya3coub]

ماشاء الله و اخيرا التغطية

شكله بين و بين كلشي حلو بس موضوع انه الغرفه جذي عالحر يعني فالليل كلشي يبين.

بس للتجربة بنشوف بكلمهم ان شاء تلله

[السيف5]

يعطيك العافية على التغطية المميزة
يبيله تجربة

[بوخالد911]

شكرا للتغطية.

[sara jsm]

تراثكم من اكثر الاشياء اللي تشد الزائر... اشكرك ع الصور يا اخت سارة

العفو اخوي سالم .. وان شاءالله باعزمك عليه على حسابك انت وعائلتك لما تتحسن الاوضاع

:

تغطية ولا اروووووع سويره

ماشالله ابدعتي

فكرة تحويل بيت المزروعي والمفتاح لفندق فكرة عبقرية

وان شالله السوق ينشط ويستفيد

مافي احلى من التمشاية على السيف عقب صلاة الفجر .. يا زين اهل الوكره

حبيبه قلبي بعض من مما عندكم ؛) .. والصراحة اشكرج لانج شجعيني عالمكان ^_^

:

ماشاء الله و اخيرا التغطية
شكله بين و بين كلشي حلو بس موضوع انه الغرفه جذي عالحر يعني فالليل كلشي يبين.
بس للتجربة بنشوف بكلمهم ان شاء تلله

لا لا يعقوب الغرف ارضية ولاغرفه تطل عالبحر .. لانه دور ارضي
ممكن تروح تشوف المكان قبل لا تحجز لان الصور شوي ظالمة المكان ..
ونسيت اذكر ان الفندق مافيه بركة سباحة ..
منور الموضوع اخوي يعقوب ..

[الحياة الخالدة]

مساء النور أختي سارة
تغطية رائعة وصور حلوة
شوقتينا نحجز فيه .. في أقرب فرصة مناسبة بإذن الله
عندي وحدة تموووووووت في الوكرة وطاريها هههههههههههه

يزاج الله خير

[نفسي عزيزه]

الوكره ذكريات احلى ايام عمري فيها

تغطيه حلوه

مادري ليش حسيت بطباخ وعيش يوم شفت الموضوع ههههههه

جان صورتي عيوش بعد يوعان

الموضوع 1000/1000 ولاغلطه

[sara jsm]

يعطيك العافية على التغطية المميزة
يبيله تجربة

العفو اخوي .. انصحك فيه والله

:

شكرا للتغطية.

العفو بوخالد منور اخوي

:

مساء النور أختي سارة
تغطية رائعة وصور حلوة
شوقتينا نحجز فيه .. في أقرب فرصة مناسبة بإذن الله
عندي وحدة تموووووووت في الوكرة وطاريها هههههههههههه
يزاج الله خير

هذي بالذات تحجزون لها على حسابي هههههههههههههه
شفتي اشلون ظلمتيني لما قلتي حوش بيتكم ههههههههه
بيعجبج المكان انا متاكدة ^_^ يا هلا بج

:

الوكره ذكريات احلى ايام عمري فيها
تغطيه حلوه
مادري ليش حسيت بطباخ وعيش يوم شفت الموضوع ههههههه
جان صورتي عيوش بعد يوعان
الموضوع 1000/1000 ولاغلطه

هههههههههههههه اي هذا اللي ناقص قلنا كل شي مال اول ..
بس مافيه عرس ولا دكان ولا خبار
منور يالجار الموضوع .. حياك الله