سوزوكي الجمني الجديد 2019 ونظام الحجز الفاشل

[اللوز]

السلام عليكم
اكتب لكم مشكلتي وانا كلي حسرة لما وصل اليه نظام الحجز عند مبيعات السوزوكي
المشكلة تتلخص في انه بغيت احجز موتر سوزوكي جمني الشكل الجديد 2019 قبل ما يوصل ذهبت لقسم المبيعات بالشركة من قبل 3 شهور تقريبا فسألوني المبيعات عن المواصفات والالوان فاخترت اللون الازرق واللون الاخضر الجير الاتوماتيك
وبعد فترة من وصول المواتر والدفعة الاولى راحت اتصلوا علي يوم الخميس الاسبوع الماضي الساعة 10 صباحا وكنت في اجتماع بالعمل واتصلت لهم الساعة 11 صباحا فاخبروني بان الموتر انباع !!
معقولة خلال ساعة ينباع الموتر وقالوا لي ان الموتر اللي وصل جير عادي علما باني حاجز اللون الازرق والسيارة الثانية لون اخضر جير اتوماتيك
فقلت لهم ما هي الالوان التي سوف تأتي قالوا بنكلم الادارة
والحين مر اسبوع ولحد اتصل !!
والله لو يعطوني الموتر بلاش ان النفس عافته من بعد هذا الموقف
حسبي الله عليهم من مبيعات

[Rider]

ياخوي لا تزعل نفسك ترى سازوكي ومايستاهل زين انك ماخذته

[اللوز]

ياخوي لا تزعل نفسك ترى سازوكي ومايستاهل زين انك ماخذته

الشيخ كان عندي 2016 جير عادي وبعته
ويوم راويت صورة الموتر الشكل الجديد للمبيعات قالو لي هذه صورة تخيلية ويمكن ما يتغير الشكل الى 2025
على اساس اني آخذ اتوماتيك 2017
انا مش مزعل نفسي
انا اللي مزعلني عدم احترام الزباين وعدم أعطاء الأولوية لمن قام بالحجز مسبقا

[الاسطوره]

اذا ماتبيه كلمني باخذه

بس مش معقول بعد ساعه ينباع ع طول مر عليهم اخوي وسو لهم سالفه لاتسكت

[ya3coub]

اخوي دفعت فيه عربون او لا؟؟؟

اذا دافع عربون تقدر اذا ما دفعت شي للاسف ما تعتبر انك حجزت لانه غيرك كثير ينطرون

[لطيف الروح]

السوزوكي الجمني الجديد 2019 ماعليه كلام
السيارة شكلها حلو و قوية جداً و مريحة مقارنة بالموديل القديم
السيارة عليها طلب غير طبيعي مش عندنا بس و انما على مستوى دول الخليج و العالم

[مجلان]

الافضل كبسوله ربع تويوتا

[بوخالد911]

تسويق فااشل.

[اللوز]

اذا ماتبيه كلمني باخذه

بس مش معقول بعد ساعه ينباع ع طول مر عليهم اخوي وسو لهم سالفه لاتسكت

الشالفة اخوي انا حاجز لون ازرق وسيارة ثانية لون اخضر جير اتوماتيك
وهم اتصلوا لي وقالو لي انباع الموتر لانك ما رديت علينا خلال ساعة والموتر جير عادي !!
علما باني مسجل اسمي والمواصفات عندهم من قبل ما ينزل الموتر

اما سو لهم سالفة ولا تسكت
هاذيلا نفس الميت الضرب فيهم حرام
وانا الحمد لله تعلمت الرقي في التعامل مع الناس لكن للاسف هم يبون يخلون الواحد يترجى علشان ياخذ الموتر من عندهم

[اللوز]

اخوي دفعت فيه عربون او لا؟؟؟

اذا دافع عربون تقدر اذا ما دفعت شي للاسف ما تعتبر انك حجزت لانه غيرك كثير ينطرون

مرحبا اخوي يعقوب
انا ما دفعت عربون لان لحظة حجز السيارة قلت لهم ادفع عربون قالوا لي ما يحتاج تدفع عربون
وهذا كلامهم الفاشل !!