الطبية

[الوسيط العقاري]

ننتظر من الاخوان المحللين رايهم ف السهم

[الوسيط العقاري]

؟؟؟؟؟؟

[عبدالعزيز 9]

السلام عليكم
ممكن تحليل الطبيه

[SOKRAB]

سهم مضاربات ننتظر ابوشنب يبرم شنبه.

[مضارب دوسري]

من اخطر الاسهم حسب وجهة نظري فالفتره القادمه ... صحيح مضاربي وحسب الهوامير
ولكن في حركات رفع وتصريف تكررت اكثر من مره مما يوحي ان هناك من يريد او ربما يريدون التخارج من السهم ويحاول او يحاولون يرفعون بالقليل عشان يصرفون اكبر قدر ممكن.


ليش من اخطر ؟
لان زملاءه تقريبا اقل من سعره ف حدود ال40% وهم مهما قلنا ضعاف فهم يوزعون وهو لا وراه ارباح ولا توزيعات

وعلى مدى الشهور الثلاثه الاخيره كان زملاءه يهبطون وهذا ممسوك ويحاولون يمنعون انه ينزل تحت ال1.200 بكل قوه وكان يرتفع من قريب ال1.200 كل مره ويروح صوب ال1.4 وحواليها وعقب يصير رش ويوصل لحول ال1.200 وينعاد نفس السيناريو مره ورى مره

[عبدالعزيز 9]

من اخطر الاسهم حسب وجهة نظري فالفتره القادمه ... صحيح مضاربي وحسب تلهوامير
ولكن في حركات رفع وتصريف تكررت اكثر من مره مما يوحي ان هناك من يريد او ربما يريدون التخارج من السهم ويحاول او يحاولون يرفعون بالقليل عشان يصرفون اكبر قدر ممكن.


ليش من اخطر ؟
لان زملاءه تقريبا اقل من سعره ف حدود ال40% وهم مهما قلنا ضعاف فهم يوزعون وهو لا وراه ارباح ولا توزيعات

وعلى مدى الشهور الثلاثه الاخيره كان زملاءه يهبطون وهذا ممسكو ويحاولون يمنعون انه ينزل تحت ال1.200 بكل قوه وكان يرتفع من قريب ال1.200 كل مره ويروح صوب ال1.4 وحواليها وعقب يصير رش ويوصل لحول ال1.200 وينعاد نفس السيناريو مره ورى مره

جزاك الله خير بالدوسري على ثبات سعره ماكسر 1.2 كنت بدخل فيه بس بعد ماشفت تحليلك هونت

[مضارب دوسري]

ويجزاك بمثله هو مضاربي فالنهايه ... ولكن المشكله تكمن لو تعلق الشخص بسهم مضاربي لا توزيع ولا ارباح ولا امل وتوقع يكون مثل المتعلق واللي ما يقدر يسوي شي ولا عنده امل.. السهم القوي حتى لو طاح على الاقل ممكن وممكن بصبر السنين تتعوض وبالتوزيعات تتقلص الخساير ومع تعديل المتوسطات من فتره لاخرى كل ما توفر كاش ينزل المتوسط ويجي يوم ويعوضك .. بس البلا اذا الواحد تعلق بسهم لا توزيع ولا ارباح يصير خلاص ينتظر ربما فترات صعب ذكرها لين يجي يوم ويرجع يتنفس من جديد .. مثل ما صار مع الطبيه وازمة كورونا بعد 17 سنه رجع لاسعار ما قبل 2006

كنت اقول في نفسي هل ممكن هناك متعلق فالسهم من 17 سنه وتعوضت خسايره

[داااايم السيف]

بارك الله فيك اخوي بومحمد
بالفعل هذا الي دون يصير
احيانا التثبيت عند مستويات معينه مهم للتصريف مثل مايكون مهم للتجميع
كيف يعني ،،، عشان بعد فتره لما ينزلونه بشكل قوي باستطاعتهم خلال جلسه او جلستين يصرفون كمياتهم ويعرفون ان في السوق مليان مضاربين يعشقون يشترون من الاسهم لما تكون نازله على امل لما يرتد يصرفون كمياتهم ويطلعون بربح وهذا السيناريو كثير مايخالف المنطق وبعدين يتفاجأ الي اشتروا السهم ان هبوط السهم هو فقط كان تصريف وانهم تورطوا بخساره كبيره في فتره بسيطه
والعكس صحيح عندما يتم الضغط على سهم بأقل الاسعار حتى تتحقق اهداف كبار الملاك وهو انهم يخلون صغار المستثمرين يتمنون فقط استرداد راس المال او حتى تقليص خسائرهم في اسهم القيعان عندما يقررون يرفعونها
عموما كبار المضاربين متحكمين في السهم ومستغلين محدودية عدد اسهمه واستبعد يقدرون يسوون هذا السيناريو مع الريان او بروه او حتى قامكو والدوليه لانه كبار المؤسسات ممكن يعطونهم درس في الخساره يخلونهم يعضون اصابع الندم
عالم اسواق المال فيه المكر الشيء الكثير والي يقرر يضارب ضروري يتحمل عقباته

[Class - Qtr]

السلام عليكم
السهم أتصور في الطريق الي 0.750

[qatar 86]

بعد تداول أخر 3 جلسات أشوف هدف السهم 1.2

قوي قلبك يالصانع وتوكل