استشاري تعديل خرايط

[A M A]

السلام عليكم

عندي فيلا حاب أعدل فيها وأكبرها .. وأظيف عليها مجلس خارجي

محتار بين هالاستشاريين الي مريت عليهم لتعديل الخرايط:

1- سكتش للاستشارات الهندسية
2- الحطاب للاستشارات الهندسية
3- الأقصى للاستشارات الهندسية
4- شعاع للاستشارات الهندسية

شوركم؟

[سعود.]

سكتش ممتاز بس غالي .
الباقي ايضآ من اشهر المكاتب في الدوحة .
الاقصى عن تجربة ممتازين .

الافضل تروح نفس الاستشاري الي صمم لك في البداية .

[معماري قطري]

الأقصى سمعتهم زينة

وشفت شغل حق بو كشيشة وايد مرتب ونظيف

سكتش عندهم معماري زين بس الانشائي وايد مبالغ فيه

[معماري قطري]

تبي أفضل منهم كلهم عندك اتحاد قطر للتخطيط شغل ممتاز وكافة التخصصات معماري مدني كهرباء وميكانيك وحتى انترير دزاين ولاندسكيبنغ .. بس حسب الضغط عليهم أوقات يسعرون غالي حتى العميل يتركهم لكن فاوضهم .. مكانهم ورا الجبر للنظارات والجبر لبرك السباحة على شارع السينمات ( الدائري الثالث )

[معماري قطري]

فيه مكتب في المنصورة كله انسى اسمه بعد حليو .. أول مدخل المنصورة من طريق المنتزة يجي في عمارة يسار

ومكتب جماعة العمارة العربية لي تجربة قديمة معاهم وهو مكتب مفتوح من حول 35 سنة ومديره السابق يتابع ولده اللي الحين يديره ويشتغل فيه

[معماري7]

جرب مكتب النيل ادارة جديدة مستلمة المكتب / وخبرات كبيرة في قطر
ممتازين جدا

اما اعلاه فكلهم مكاتب معروفة

موفق ان شاء الله

[$الملياردير$]

لا النيل ولا شعاع ....اركض اركض اركض هههههه

[SouthK]

كلهم سمعتهم طيبة و الحق ينقال لكن الاحسن روح لمن صمم لك البيت احسن!

[معماري قطري]

كلهم سمعتهم طيبة و الحق ينقال لكن الاحسن روح لمن صمم لك البيت احسن!

لو البيت قديم والخرائط مفقودة ما بيفيدك وايد اللي صمم البيت لأن التصاميم متشابهة .. إحنا بنظرة بسيطة نقدر نحدد موقع العمود والأساس ونتتبع الكهرباء والمياه وغالب الاستشاريين ما يحتفظون بالخرايط

إتحاد قطر للتخطيط ادارتهم هندية وشغلهم منظم .. من بديت معاهم كانوا في الجسرة ومأجرين كم شقة من ضمنها شقق للتخزين للخرائط أيام الرسم اليدوي .. كانوا مركبين مكيفات اضافية تشتغل بالتناوب ومسكرين الدرايش بسيليكون وكم طبقة تغطية عن النور .. المخزن يستوي خرمس في عز النهار والسبب إن الضوء يخرب الورق والحبر مع مرور الوقت وكذلك درجات الحرارة المتغيرة

ألحين الوضع وايد أسهل والتخزين الكتروني وسهل الوصول للي تبي .. بس حبيت عندهم اسلوب الشغل والنظام وحبيت انقل تجربتي معاهم من حول 25 سنة في أول زيارة لمشروع بيت شخصي لأحد الإخوان وكان بيت كبير من بيسمنت وثلاث أدوار وبتفاصيل معمارية حلوة .. وبعدين تكررت اللقاءات في أعمال حكومية بين كبيرة ومتوسطة وفيها كلها ما حصلت الا كل أريحية ومهنية في التعامل معهم .. توفى مديرهم ندكارني وكان معماري مميز وناجح وخلفه نائبه شيفا وهذا اختصار اسمه يمكن الثلث والا اسمه غلج وطويل .. شيفا من أفضل المهندسين الانشائيين في قطر وطلبته يعدل تصميم بيتي حيث عمله واحد ثاني عندهم وكنت احس فيه مبالغات وطلبت الغاء 5 أعمدة بقواعدهم وتم لي ما طلبت

مفكر في زيارتهم قريب لتصميم بيتي الجديد بس ارسى على آخر التعديلات المعمارية وهم يكملون باقي التخصصات وإن شاء الله ابدأ في 2020 أواخرها مع بداية 2021 لو كانت الأسعار معقولة وخف الضغط على بناء منشآءات كاس العالم