لا تقدموا على الزواج إن لم تقتنعوا به

[شبح الصمت]

يعطيك العافيه قطري

وبرد هالرد

لا تناقلون تجاربكم الزوجية الفاشلة في وسط المجتمع حتى لا ينصدم منها الغير مقبلين على الزواج

[قطري2022]

يعطيكم العافية باجماعية الخير
انا مع الزواج لان الزواج حلو واستقرار وراحة نفسية ، هذا بالنسبة للي انطبقت عليهم الشروط الي هي الاستعداد التفسي ااتام للزواج ثم القناعة التامة بالشكل ثم التوافق التام للاطباع والافكار ، لكن اذا اختفى احد هالشروط بتصير حياة مشتتة او وجود خيانات زوجية او طلاق ، انا دارس الموضوع من خلال حالات الطلاق ، يعني في حلين ، ياعدم اازواج في حال عدم توافر جميع الشروط ونكون حلينا المشاكل قبل حدوثها ، او يتم الزواج مع غياب احد الشروط ونختلق مشاكل من عدم ، ياما زواجات صارت بدون التهيؤ النفسي للزواج والالتزام وانتهت بالطلاق

[قطري2022]

ياما بنات تزوجو وتطلقو بعد كم شهر بسبب غياب احد الشروط ، مب لو تمو في بيوت اهاليهم احسن بدل كسرة القلب والصدمات ؟

[قطري2022]

يعطيك العافيه قطري

وبرد هالرد

لا تناقلون تجاربكم الزوجية الفاشلة في وسط المجتمع حتى لا ينصدم منها الغير مقبلين على الزواج

الزواج مشروع ولازم ينجح
وعلشان ينجح يبيله قواعد سليمة مب خذوه فغلوه ، الزواج هدفه الاستمرار باستقرار ، لانقعد نخش عيوب المجتمع ونخلي المشاكل تتكاثر ، حالات الطلاق اغبها سببها غياب احد الشروط الي ذكرتها او كلها
الزواج مب حقل تجارب

[حمــد]

مب مقياس اخوي هالشروط ياما ناس قد المسؤوليه وواعين وبالنهايه تطلقوا .. احنا نشوف الحالات الفاشله ونقيس عليها لانها ظهاره بالمقابل العديد من الحالات الناجحه موجوده دايما نرى السلبي اقصد

[قطري2022]

مب مقياس اخوي هالشروط ياما ناس قد المسؤوليه وواعين وبالنهايه تطلقوا .. احنا نشوف الحالات الفاشله ونقيس عليها لانها ظهاره بالمقابل العديد من الحالات الناجحه موجوده دايما نرى السلبي اقصد

هلا الشيخ
صح ممكن يكونون قد المسؤولية وتطلقوا ، تصير ، بس شنو ممكن يكون سبب الطلاق مثلا ؟ انا اقول ان يامافي قبول تام للشكل او مافي توافق افكار واطباع ، انت شنو تتوفع الاسباب ؟

[Rider]

الزواج ياخوي مب مشروع مثل ماتقول اقولك الشباب والشابات تغييرو في هذا زمان ومهما سويت لهم خلاص هم كذا مايتحملون مسؤليه عيل ليش أبائنا وامهاتنا ماشفنا عندهم الفشل لي تتكلم عنه

[قطري2022]

الزواج ياخوي مب مشروع مثل ماتقول اقولك الشباب والشابات تغييرو في هذا زمان ومهما سويت لهم خلاص هم كذا مايتحملون مسؤليه عيل ليش أبائنا وامهاتنا ماشفنا عندهم الفشل لي تتكلم عنه

هلا اخوي رايدر
اقصد انه مشروع معنوي هدفه الاستقرار والحياة السعيدة
اباتتنا تربو ع المسوولية غالبا ، الاجيال القديمة موضوع ثاني مختلف عن الي يصير من 15 سنة لحد الحين ، طريقة التربية اختلفت ، صار تركيز اغلب الاباء والامهات ع التعليم والمظاهر والبرستيج ، اقل مثال شوف الحين الي عمره عشرين مايحتزم الي عمره ثلاثين واربعين ، بعكس قبل ، كان الكبير له احترامه وله معاملة مختلفة ، في والدين مايعرفون يقنعون عيالهم بالاخلاق الصحيحة وفي المهملين وقي الي يلقنون عيالهم اخلاق سيئة ، فلما العيال يتربون في هالبيئات الي سلوكها مستمد من عادات خاصة وليش عادات اسلامية ، اشلون تتوقع اذا كبرو بيحترمون ازواجهم وزوجاتهم ؟ وغير ان في اهالي يقولون ماعليكم من الشكل واهم شي الاخلاق ، ولما يازوجون يكتشف الواحد انه مب قادر يتقبل شكل الطرف الثاني فيصير الطلاق ،وفي الي يلاحظون عدم توافق للافكار قبل الملجة ويقولون الاهالي اصبروا بتتغير الافكار بعد الزواج ، ويكنشفون ان الافكار ماتغيرت ويصير الطلاق ، لو تطبقت للثلاث شروط الي قلت عنها مابتشوف الطلاق زايد

[Rider]

وصلت خير ياخوي يعني المشكلة فالاجيال الحاليه بس تاكد مادام مافيه لا دين لا اخلاق لا تنطر شي يتغير

[قطري2022]

وصلت خير ياخوي يعني المشكلة فالاجيال الحاليه بس تاكد مادام مافيه لا دين لا اخلاق لا تنطر شي يتغير

صبحك الله بالخير ياخوي الكريم رايدر
بس ترى مب شرط الاوليين كلهم عاشو مستقرين وزواجاتهم كانت صحيحة، لان بعد في ازواج حاليا اعمارهم فوق 65 ولهم عشرين وثلاثين سنة مب متفاهمين وبينهم ومشاكل ومب طايقين بعض ، لكن عايشين مع بعض علشان العيال او ان ااطلاق عندهم عيب ، وسبب مشاكل عدم قناعة بالزواج او بالشكل او عدم توافق افكار واطباع ، وبعضهم من كثرة همومهم من الطرف الثاني وعدم استقرارهم الاسري صادهم السكر والضغط وااقولون ، يعني لو كان في رضا من الطزفين لبغض ماصارت مشاكل