السلام عليكم
ابي حد يساعدني اللي عنده ارقام عمالة جيدين في تركيب السيراميك واسعارهم معقولة
|
السلام عليكم
ابي حد يساعدني اللي عنده ارقام عمالة جيدين في تركيب السيراميك واسعارهم معقولة
((سبحانك اللهم وبحمدك،،اشهد أن لاإله الا انت،،استغفرك واتوب اليك))
إذا بتعتمد على سوالف اللي يركبون بيخربون شغلك .. أفضل شيء تحدد مواصفات التركيب وتجربهم في مساحة صغيرة وأكيد أفضل بكثير تتفق مع فورمن أو مقاول يتابع وعليه مسؤولية
انا دوم افضل التركيب على أرضية خرسانية أو للحوائط بلاستر مخشن وبلاصق قوي وأعرف شلون مقادير وطريقة الخلط واتابعهم
مهم بعد ما تتفق تقول لهم باشيك لو فيه تطبيل مب معطيكم الدفعة الأخيرة الا تصلحونه ولو بتشتري انت المواد وهم عليهم الشغل سجل في العقد ان استلام المواد ومعاينتها عليهم وانهم مسؤولين عن فقد البلاط أو مواد التركيب وحدد نسبة الفاقد ب 10% بتكون كريم معاهم
شوف يوتيوبيات البناء فيها أمثلة كثيرة للتركيب وشرح كذلك
مثل ماقال لك اخوي معماري انا سويت نفسك استعنت بعمال من برع لتركيب سيراميك للصالات عندي وكان تركيبهم سيئ جدا الان اضطريت اني اكسر واركب رخام لان صادتني عقدة من السيراميك مع العلم باني ليحين ماسكنت ونصيحة لاتاخذ قطع السيراميك الكبيره حدك 30x30 واذا في واحد شاطر ركب 60x60 وموفق خير ان شاءالله
الجفا لاضم خطواتك طلبتك لاتضمه !!!الجفاء كافر وانا وياك من نفس الديانه
إذا بيركب على أرضية خرسانية مستوية أي حجم مب مشكلة بس اللي يركب يركب بغراء لاصق وينفذ شروط التركيب والخلط اللي يحددها المُصَنع حق هذي المادة ويحط المونة على البلاط وعلى الأرضية وبعضهم تمشي على جهة وحدة .. لكل مادة شروط خاصة بهاالمشاركة الأصلية كتبت بواسطة عضو قديم
أذكر شريت مادة لصق قال لي مسؤول المبيعات تقدر تلصق على أي سطح وكان عندي خشب مارين بلايوود واللي يعرفه سطحه ناعم ومصقول ركبنا عليه وفي دورة المياه وملامس للأرضية يوصله الماي أغلب الوقت .. الحمد لله 12 سنة حتى ما ادري ان الخشب موجود تحت البلاط الا لو ضربت عليه يجاوبني انا هنا في الخدمة
البائع قال تحط كمية قد النص ريال في الزوايا بس وكانت تبيعه شركة ساتكو اللي سكرت وموجود شركات كثيرة تبيع مادة مماثلة
الأحجام الكبيرة ضعيفة وحساسة لأي تغير في الأرضية .. مثلاً تجينا الأرضية منحنية شوي بتتعرض البلاطة لضغط أكثر من الدوس اللي تحته فراغ وبتنكسر
التركيب ما يعني المادة واللاصق وبس بعد الأرضية اللي تحت مهمة
بعدين اللي يركب لو مقاول متمرس وتهمه سمعته تكون فيه ادارة تجيب اللي يركبون مناسبين للشغلة المطلوبة والشروط والمواصفات ويكون فيه فورمن يتابع صح وعليه مسؤوليات أما العامل العادي بيورط المالك
ضوابط المشاركة
رد مع اقتباس