الأرض العرض 28 والطول 35 ومساحه البناء الواجهه 14 ونص وارتداد خلفي للبيت من الحائط 4 وع الجنب الأيسر 3 أتمنى صوره واضحه
تقدر ترجع الفيلا للخلف الى 3 متر وتكسب حوش امامي
وتقدر تشبك المطبخ مع غرفه الخدم يطلع ارتب وراخص بالبناء . سقف واحد وكلن له بابه
سؤال المطبخ وغرفه الخدم والمجلس كم x كم !!!
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
المجلس 9x17
المطبخ مع المخزن 9x4
غرفة الخدم والغسيل 4x7.35
فكرت فيها اني اشبك المطبخ مع غرفة الخدم بس توهقت ف الدرايش
راح تكون فقط جهه وحده الي فيها درايش اما الباقي مافيها فمحتاج درايش في كل جانب ف المطبخ وغرفة الخدم والغسيل
لو انا مكانك بادمج الخدم مع المطبخ وباسوي بيسمنت بواجهة محفورة ومفتوح للتهوئة بارتفاع بسيط للخدم .. 2.4 تكفي ودرج ينزل لغرفتهم ولغرفة الغسيل وممكن مخزن لو تحتاج صغير
كلام اخوي سعود صح حاول تكسب متر جدام أفضل لك وأصلاً لازم الارتداد الأمامي عندك يكون ما يقل عن 5 متر في الغالب وانت عندك بحدود 9 متر ممكن تترتب صح .. حتى مع ال 4 متر الخلفية لو انت محتاجها للزراعة .. و 4 متر مبحبحة ومساحة جيدة للزراعة
ما ادري ليش مدوش نفسك بتوزيع المباني ولا تهتم بتصميم مدروس من كل النواحي .. لا تنسى الخدمات ومواقف السيارات والمدخل والزراعة .. الخدمات خزان صرف صحي في الغالب يستخدمونه لبعض المناطق ومدخل الكهرباء والتلفون هذي خطوط لازم ما تجي عليها مباني ويدرسها المكتب الاستشاري ( يفترض ) صح
تابعت تصميم حق ولد عمي ونصحته بأُمور كثيرة بعضها سواها وبعضها لا ويوم مريت اشوف الموقع حصلت حافرين وعاملين خزان صرف صحي في وسط حوش الواجهة .. وتمر عليه السيارات .. قلت له كان المفروض يسوونه قريب السور حتى مع خط السور السور ينبني عليه .. والمفروض يكون له بايب طالع من السور يشفط منه دنكر البلدية .. ما تابع معاي بمخطط الخدمات والاستشاري بلا اهتمام يرمي أشياء معينة وسط الحوش .. الأرض قريب 2000 بس خربها الاستشاري واعتقد المالك معاه
حتى السيارات كنت مقترح له طبيلة كبيرة تكفي لست سيارات وحطيت مخطط الحوش في موضوع مراجعة التصميمات لكن اللي سواه غير ومسوي مواقف ل 3 سيارات بس مع إن بيته كبير وعياله أكيد بيكبرون ويحتاجون سيارات ومب دوم خارج البيت أمان
https://i.imgur.com/ju3tzsT.png
هذا المخطط اللي اقصده وفي الواقع الخزان حطه مقابل الباب اليمين يتخيل السيارة لازم تدخل وتشفط منه .. بيت الوالد الله يغفر له في نفس المنطقة وخزان الصرف معمول مع السور وبايب له طالع على برا ينفتح وينشفط منه
بالنسبة للسؤال مسموح أو لا اتوقع لا لأن لازم بين كل مبنى مترين ارتداد أقل شيء وبعدين لكثرة المباني الصغيرة وترتيبها