افضل لك تروح لمهندس استشاري حلو
بيرتب لك التصميم والارتدادت واخذ الموافقات عليها
افضل لك تروح لمهندس استشاري حلو
بيرتب لك التصميم والارتدادت واخذ الموافقات عليها
جاهد نفسك للوصول لهدفك.
السلام عليكم جميعا
اخوي الجوكر الارتداد الامامي القانوني للمجلس هو مترين فقط,, وبعض البلديات يمشون 1.5م
نفس ماقالوا الاخوان تقدر تستفيد بارتداد اكثر على الواجهة او اذا انت حاب حديقة بالخلف بعد هذا شي راجعلك..
انت ذكرت نقطة لصالحك وانه اخوانك هم جيرانك, في هذه الحالة المفروض انت تستغل ذي النقطة وتسوي اقل ارتدادات ممكنة عشان تكسب مساحة في البنيان. يمكن يقولون لك انت باني نسبة كبيرة على الضلع اليمين, بس بما انه اخوك جارك والضلع اليسار فاضي ان شاءالله امورك راح تمشي.
بالنهاية روح حق مكتب خرائط محترم يضبط الرسومات اذا تبي مكتب ممكن ادلك على ألي سويت عنده, وانت روح بنفسك كلم مدير البلدية عشان الاستثنائات وفالك التوفيق.
انا مخطط بيتي نفسك بالضبط ولكن دمجت الخدم مع المجلس بس في البداية مع سور البيت و الخدامات طبعا في البنت هاوس والمساحة بين المجلس والمطبخ عندي 7x12 خليتها حديقة وحددتها بطابوق الارصفة ورجعت في البيت من الخلف ظ¢ متر لان مافي درايش والجهة الثانية ظ¥ متر
الجفا لاضم خطواتك طلبتك لاتضمه !!!الجفاء كافر وانا وياك من نفس الديانه
ماقصرتووو الله يجزاكم خير
تمت الموافقة والاموار طيبة مع تحفظي لبعض عقلايات موظفين شؤون الفنية للاسف الشديد هذولا مايتعينون لخدمة المراجعين واجد عليهم نسخ ورق وتجميعها ف الارشيف اذا هو بينفع ويفيد او يقعد بيتهم.
الله يوفقك بس كرأي هندسي حسب المعطيات اللي شفتها لو وافقوا لك على الثلاث تجزيئات للملحق والمجلس وبالطريقة اللي شفناها وبنفس الارتدادات بيضرونك ولا بتهمهم مصلحتك .. وأكيد الراي الأول والأخير لك كمالك بس نصيحتي باللي اعرفه صح من الناحية المعمارية الجمالية والعملية
الله يرحم والديك ياخوي معماري لا قصرت معاي ولامع اخواني ف المنتدى
اخوي انا شايف فراغين ياكلون الأرض من غير فايده...مترين و نص بين غرفة الخادمة و المجلس و مترين و نص بين غرفة الخادمة و المطبخ يعني في خمسه متر خساره إضافة الى بناء حائطين و قواعد لهم و كل هذا تكاليف ممكن تجنبها لو بدجت هالمباني الثلاثه مع بعض او على الأقل غرفة الخادمة و المطبخ
سؤال ....ليش غرفة الخادمة 4 في 8.5؟؟؟!! هذه غرفتين صح؟
مرحبا اخوي خلدون بالنسبة لغرفة الخادمة بجنبها غرفة غسيل ملابس وحمام للخدامة.
وبالنسبة للمقترح الاول مثل ماقلت ما اقتنعنا فيه لسببين المساحه الضايعة وخسارة بناء اساس.
تم اخذ المقترح الاخير ودمجهم مع بعض.
ماقصرت ويعطيكم العافية.