الجامعة مشروع تجاري وتضييع للوقت

[ابو عبدالله.]

اديسون له سيره ذاتيه غير مشرفه في سلب اختراعات الغير اخوي

ابحث عن قصته و ستعرف الكثير

بل غيتس لم يخترع البرمجه بل كانوا فريق طلبه يعملون في كراج منزل و استخدم الكثير من اصدقائه الجامعيين في وضع الافكار و امور كثيره ما كانت بتحدث لولا الجامعيين

عندهم اسلوب تصرف. نعم سواء كان سليم او غير سليم استطاعوا النجاح و جزء كبير منه كان على ظهور الجامعيين

الغير جامعي يسد نقص التعليم بامور كثيره سواء بالكورسات او تطوير قدراته او البحث عن حلول لمشاكل العمل لا يستطيع الجامعي حلها. لا لعجز. بل لثقل العمل و انشغاله عن توفير وقت لدراسه هذه المشاكل وحلها

انا من اشد المتفقين معك بأن يمكن لغير الجامعي ان ينجح و يضرب به المثل ويتحول من شخص عادي لمسؤول لا يجادل في خبرته. و ينتقل بعضهم من مستوى الدخل المحدود لمستوى الغني بفضل اصطياده لفرص العمل و الامتيازات و الراتب العالي بجهات كبيره و تخصصات نادره


لكن لا اجادل احد بأن الجامعي عنده اساس سليم في تخصص معين

يعني اذا الجامعي متقاعس و صاحب الثانوي اثبت قدرات افضل ارقي صاحب الثانوي
و اذا الاثنين تساووا في اثبات القدرات. برقي الخريج لان عنده اسس في التخصص افضل من صاحب الثانوي

اشجع الجميع ع الدراسه الجامعيه. و اشجع من لم يجد فرصه الدراسه ان يجتهد و يطور قدراته و المجال مفتوح للجميع

الله قسم الارزاق وكلن بياخذ نصيبه لا الخريج يضمن وضع احسن من الثانوي. ولا الثانوي يضمن وضع افضل من الخريج

المكتوب بيجيهم الاثنين

[ابو عبدالله.]

للعلم. الجامعه ليست من اختراع شخص

من اسمها جامعه. و جامع وهي معنى لجمع من البشر مثل المسجد الجامع. للصلاه و تعلم فقه الدين
يراد بها التعلم و التثقف و رفع القدرات

الجامعات بها مراكز ابحاث تخترع و تعالج و تضع النظريات و تحلل و بالنتائج توضع الكتب و المعلومات العلميه و المناهج لتنشرها لطلبه

مركز علمي و مصدر للتعلم

[معماري قطري]

الشهادة الجامعية هي اداة..
مثل السيارة لما تكون جديدة وكبيرة وقوية وغالية..
والخبرة والابتكار والابداع هي اساس قيادة السيارة..
يعني في سباقي السيارات دائما تجد الاول والثاني رغم ان كلهم لديهم سيارات وبدؤوا بنفس الوقت ومشوا بنفس المسار ..
واللي ماعنده شهادة جامعية نفس اللي عنده سيارة قديمة صغيرة..

تشبيه واقعي وفي محله

بالنسبة للي نجحوا في حياتهم واللي ابتكروا ابتكارات علمية قوية فهم متعلمين من الأساس وتابعوا بالمثابرة وبتطوير النفس في مجال خاص بهم استكشفوه وبنوه .. بيل تيس كان ولد مدينتنا أيام الثمانينات إشتغل بعد طرده من المدرسة على تطوير برامج تشغيل الكمبيوتر

هؤلاء قلة وفقهم الله لمثابرتهم لكن هناك كثرة لم يتوفقوا وعاشوا وماتوا محتاجين وعملوا في أعمال وضيعة .. حتى بعض هؤلاء تعبوا في البداية حتى أسسوا عملهم ونجحوا فيه

لو الجامعات والهيئات التعليمية غير موجودة لعشنا عصور ظلامية جديدة ولما استطعنا نتخاطب كتابةً بلغة صحيحة ومعروفة وسهلة .. جدي رحمه الله تعلم قراءة القرآن كبير وكان لا يتقن القرآءة لكنه سعيد بما وصل اليه .. والدتي حفظها الله تتأسف لعدم قدرتها على القراءة والكتابة ولعدم تعلمها وتعرف أسمائنا بالشكل في التلفون وتتمنى لو تستطيع التعلم على الجوال الحديث وتستانس لو راويتها بعض المقاطع

العلم نور ونعمة حثنا عليها رسولنا الكريم صلى الله عليه وسلم ولا نتمنى أحد يقتنع بعدم تعليم نفسه وأبناءه

شالفرق بين طبيب تخرج بالغصب وعلى الحافة وطبيب تطور في أرقى جامعات العالم لين حصل أعلى تدريب وتعلم وأجاد في مجاله؟ طبعاً الكل بيروح للناجح وطيب السمعة والفخور بحمله لعدة شهادات

في الأخير فاقد العلم لا يعطيه ولا يحث عليه والمتعلم يعتز بشهادته وعلمه وهذا حق له

[معماري قطري]

يعطيكم العافية ، الي اقترح الجامعة انسان ، والانسان غير معصوم عن الخطا ، وياما حكومات ودول وضعت قوانين واكتشفت انها غلط وغيرتها ، ففكرة الجامعة عبارة عن كذبة اوخدعة خلقت من عدم ، وهدفها في نظري جني ارباح من الطلاب ، واقنعوا الناس بفكرة ان الجامعة هي الي تعلم وتطور وتاسس من جدي الفكرة راسخة عند البعض ومب قادرين يغيرونها ، يوم اقول ان توماس اديسون اخترع الليتات وطور فكرة القطار بدون مايدرس هندسة كهربائية ، فهذا يعزز فكرة ان اي انسان ممكن ينجح بدون جامعة ، بشرط يكون انسان عنده مسوولية وعنده اخلاق ويبي ينجح في حياته ، فالاخلاق هي الاساس ، ياما مهندسين ودكاترة نصابين وغشاشبن ومايحترمون الغيز ومتكبرين وفاشلين في حياتهم الاجتماعية والعملية .

جامعة ميامي جامعة خاصة غير تابعة للدولة وغير ربحية يعني تصرف مدخولها على المباني والمعلمين .. فيها عدة تخصصات منها علوم البحار ومستشفى جامعي فيه طلبة ومعلمين جامعيين ويؤدون خدمة للمجتمع كذلك ضمن تخصصاتها المحاماة .. القسم الهندسي فيه كافة التخصصات وكل وقت يضيفون تخصص جديد ودقيق ويتم التدريب على كل مشاكل العمل .. حتى بعض مدرسينا كنا نزورهم في مقر عملهم الآخر أو الاستثماري

هناك قسم الفنون وفيه مدرسة العمارة ومدرسة الموسيقى وكلهم قرب بحيرة .. انا كنت بين مدرسة الفنون في أقصى الجنوب الشرقي من الجامعة ومدرسة العلوم في أقصى الشمال الغربي آخذ مواد من هنا ومواد من هناك وتخرجت ببكالوريوسين والحمد لله فخور وأتمنى عيالي يكونون مثلي

[مرتبش]

مؤوسس ابل هو من وضع الخطوط المنوعة في الكمبيوتر لما طور جهاز الماكنتوش.. والسبب انه درس كورس خط اثناء دراسته الجامعية اللي لم يكملها.
شوف الفكرة كيف استخلصها من مادة فنية تعتبر عندنا غير مهمة كالطب والهندسة... المفروض نشجع الشباب على المزيد من الدراسة والتخصصات ولانكون سلبيين

[قطري2022]

يعطيكم العافية اخواني
بالنسبة للاساسيات الي في الجامعة ، اختا مانطبق منها الا شي بسيط جدا ومايتعدى صفختين او ثلاث من الي درسناه ، وهالكم صفحة ممكن يعلمنا اياها زميل العمل الاقدم او ناخذها في دورة مبسطة من جهة العمل ، واغلب الي درسناه ينسي كالفلسفلة والاحصاء والمواد الي فيها قوانين مالها علاقة بالتخصص ، فهل من العدل اني ادرس خمس سنوات لمواد مالها علاقة بتخصصي ومابنساهم ولا بستفيد منهم ؟ ومواد التخصص ، هل من العدل ادري سبع مواد واخرتها بستخدم منها صفختين ويمكن نص صفحة؟

[khaldoon]

أصدقائي أيام المدرسة غير المتعلمين المح في كلامهم عقد الشعور بالنقص من المتعلمين و راح يظلوا يشعروا به في كل مرة يتقابلون مع اصدقائهم المتعلمين و هالسبب في الحقد اللي هم فيه ابتعدت عنهم لانهم بس يحاولون يجرحون بي لاني مهندس و انا ما ودي ابهدلهم و انهم ماديا احسن مني لانهم اشتغلوا مع ابائهم التجار

الفلوس بتروح و بتيجي بس الشهادة الجامعية بتظل موجودة ما تروح و راح يظل اسمك مهندس او دكتور او محامي او معلم او أي شي حتى لو بتترك العمل بشهادتك الجامعية و بتبيع بطيخ

[khaldoon]

أيام الجامعة لقيت سواقين باصات الجامعه كبار بالسن و يضربون بعض بالشلوت و هم يلعبون و يتسلون مع بعض و يجوا يطلبون منا نكتبلهم فواتير النزين بس يعبون خزانات الباصات بالبترول.....تدري ليش يضربون بعض بالشلاليت و هم يلعبون...لانهم لسه بعقلية الرابع ابتدائي رغم كبر سنهم

[Qtr37]

هالكلام يقولونه غير الجامعيين او اللي ما يحبون الدراسة

قل هل يستوي الذين يعلمون والذين لا يعلمون

[قطري2022]

انا مالعيت دور المدزسة بالعكس دور المدرسة مهم ويغني عن الجامعة ، هم لو كملو المدرسة كانت عقلياتهم تحسنت وصارو اوادم بدل الشلاليت ههههههههخ
وبعدين ااعالم فرض ان الواحد لازم يكمل جامعة علشان يصير مهندس او دكتور او محامي ولا الموضوع مب محتاج جامعة ، وانا سمعت محاميين قالو الي درسناه ماله شغل بواقع العمل ، لكن لو الواحد كمل مدرسة وتعلم شغله بالممارسة بتشوفه مبدع ، جرب اقرى كتاب انف واذن وحنجرة وافهمه عدل او خل احد يشرحه لك ، واذا ماقدرت تعالج بجدارة تعلل حاسبني