العفو يا اخوي ما سويت شيء
عن قوة الصبغ من هذي الأنواع وهي عديدة صبغوا بيت عندنا في الفريج من سنوات طويلة حول 25 سنة وكان بانيته شركة الشيبة للمقاولات ووقتها كانت شركة قوية ما ادري للحين شغالة أو لا .. البيت طوال هالفترة ما تغير وكان اللون بيج مايل على الرصاصي خفيف
صبغ شبيه له وموجود في قطر هو جوتاشيلد .. جوتاشيلد جوتا من جوتن وشيلد تعني الدرع وهو حقيقة درع .. انا جربته وصبغت بيتي بعد ما شفت عمارة مصبوغة منه .. من ثلاث طبقات برايمر ومعجون + رش بتشكيلة حسب الرغبة وهذا الرش من نفس الصبغ وحتى المعجون ويعطيك طبقة حماية وعزل خفيف ويسد أي فجوات في البلاستر أو شقوق شعرية .. بعده يجون غاطين أو ثلاثة صبغ منهم أساسي ومنهم لامع ويعتبر حماية أخيرة
تجربتي لها فوق 4 سنين وللحين الصبغ جيد وتقدر تشوفه لو حبيت .. حصلت له أسعار متفاوتة من 110 - 90 - الى آخر شيء 35 ريال اعتقد مع شوية تكسير لتمديدات لليلتات اضافية ولدكتات للكاميرات مع ازالة الصبغ القديم والأقل اللي اشتغل لي خذ وقت طويل مع هالشغلة
لو بيتك جديد سهالات