من الملاحظات انكم ماتستعجلون في الاختيار
عندي ملاحظات كثيرة على الشركة لكن ماراح اذكرها
الا بعد ما تتعدل ان شاء الله
شادوز ديزاين
شركه مجربه وفنانين للأمانة
جربت شركتين مختصين بالتصاميم والديكور ورخص البناء
الأولى ديوان التصميم والبناء كان شغلهم ممتاز واسعارهم نصف اسعار السوق يعملو ن الشغل كامل من تصاميم ورخص وديكورات داخلية وهاد رابط شركتهم
https://www.instagram.com/p/BzGmO-0g...d=q3g4fgje5eh0
وقريب لي اشتغل مع شركة ثانية اسمها جي اتش دي وكنت اتابع معاه وكان شغلهم ممتاز ولكن اسعارهم غالية جدا
وهاذ رابط شركتهم
https://www.ghd.com/Modules/ProjectS...id_=17&lang=en
والله يوفقكم
شركة b5 ممتازين
والافضل اذا فاضي سوى التصميم برا ارخص بكثير
للاسف الشديد ما انصح في المكتب نهائيا
الاسباب كثيرة منها المصداقية 0%
وقاعد الحين اجاريهم عل وعسا اخذ الي لي او اخلص معاهم مع التكنيكل دروينق
غالبية مكاتب التصميم الداخلي مكاتب ابتزاز والسبب عدم وجود قوانين ورقابة وردع قانوني لهذي المكاتب ( تقصير حكومي )
نعم مثل ماتفضلت للاسف الشديد مافي شي يردع هذي المكاتب من الابتزاز
المكتب يتعامل مع الاستاف المهندسيين خارج الدولة في مصر وهو ع كلامه انا يتابع لكن للاسف لايتابع ولا ينسق
يعني تضييع بينهم.
انا احاول اني اوصل للكفيل او صاحب المكتب اشرح له الموضوع عل وعسا اني القا حل مع هذا المكتب.
ما اعتقد حد مجبور على تصميم داخلي .. التصميم المعماري لو كان متكامل يسد النقص والتأثيث يدخل فيه ذوق أصحاب البيت وميزانيتهم المتبقية للتأثيث ومهما يكون عامل متغير الأساسيات هي اللي شبه ثابتة
بالعكس يامعماري مهندس الديكور الداخلي مهم جدا وخاصة اللي يبي يصمم ديكور داخلي فخم
يحتاج له تأسيس من البداية على سبيل المثال نقاط الكهرباء الجدارية والاضاءة الارضيّة وبعض اللمسات الفنية كالتوزيع الإضاءة وماشابه توزيع الوحات الفنية في بعض الأماكن ديكور ألفت اضاءة الدرج الداخلي الجانبية توزيع أطقم الحمامات ومكان الشور والجاكوزي والكثير من الأمور الي راح تفكك في المستقبل تعال وكسر ومدد هذا غير القهر اللي يصيب الواحد والعامل النفسي
بالعكس انصح اَي شخص يبي يبني ان يشوف له مصمم حتى لو يرسل الخرائط في دولة ثانيه أرخص له او ان يستشير حد من الأصدقاء وينصحه على الأقل في الأساسيات الديكوريه
لان تعال كسر وعدل ومدد كل هذا جهد وتعب وخسائر واضعاف في الحوائط والخرسانة هذا غير الشلوخ والتشققات اللي تطلع من بعد التكسير
انا انصح الشخص المقتدر يحط له مهندس تصميم أو على الأقل يدفع قيمة استشارة
أو يكثف ويدخل على القنوات على اليوتيوب ويستفيد من نصائح الآخرين يوجد الكثير من المصممين الديكورات لهم قنوات للاستفادة منهم وبالمجان
ينصحونك باختيار الألوان قطع الاثاث غرف النوم دورات المياه المطابخ توزيع تشكيلة الأرضيات وخاصه اذا شكل الباركيه نوع الإضاءة وتوزيعها والكثير الكثير من النصائح
التعديل الأخير تم بواسطة Azizuk ; 10-07-2019 الساعة 05:24 PM