+++ تطبيق نظام الدوام المرن +++

[khaldoon]

اخ خلدون احنا بعدنا ماوصلنا لهالمرحلة.. حدنا ساعة مرنة او ساعتين لان الادارة في مفهوم الكثيرين هي وينك ؟ ليش ماكنت في مكتبك

لو ما نبي نوصل لهذه المرحلة معناته ما نبي نتطور و نتغير و العالم كله بتغير من حولنا......انا جربت هالسيستم مع مديري و قبل.....تعرف ايش كنت اسوي....ما ابي اشتغل في وقت الدوام....و لو تميت بالدوام ما راح اخلص الشغل المطلوب مني في وقتها...كنت بقعد اعد ساعات و بس ....ايش كنت اسوي....أقوله ايش الشغل اللي تبيه مني يخلص اليوم.... يقولي كذا و كذا.....أقوله طيب بكره يكون على طاولتك اول ما تيجي الدوام....سلامو عليكو ...و فعلا هذا اللي يصير

اشتغلت فتره في موقع و كان مطلوب مننا نداوم عشر ساعات باليوم لمدة ست ست أيام بالاسبوع بينما عقدنا يقول 8 ساعات باليوم لمدة ست أيام يعني بزيادة 12 ساعة بالاسبوع و بدون اووفر تايم و يقولون لنا احمدوا ربكم انكم لاقيين شغل....ايش تتوقع مننا....كنا نحضر عشر ساعات فعلا بس انتاجيتنا ما توصل خمس ساعات باليوم بسبب الإحساس بالظلم و التجبر و الافتراء علينا

[R 7 A L]

يازينه
بس للاسف بعض اصحاب السلطه في بعض الجهات يقول بدل وجع الراس خل الدوام ثابت وهو زين اذا داوم اربع ساعات في اليوم

[ضوى]

الله المستعان ، 30 سنة نفس الدوام نفس الوقت نفس الروتين ، الحمد لله على كل حال بعد انا مرتاحه واخر راحه ولله الحمد بس الدوام فعلا طويل

[دينالي]

ساعات العمل المرنه المعمول فيها ساعه قبل او بعد اما بس الواحد يكمل ثمان ساعات فمش عملي خصوصا لو في مراجعين
ممكن واحد يداوم من اربع الفجر او العصر لما مافي حد بالدوام وبتصير لعبه

[qatari911]

يازينه
بس للاسف بعض اصحاب السلطه في بعض الجهات يقول بدل وجع الراس خل الدوام ثابت وهو زين اذا داوم اربع ساعات في اليوم

وفيه بعض الموظفين يداومون ساعتين ويطلع يتمشى ويرد البيت عادي واخر الشهر يستلم راتبه كامل ولا يحس بذنب او يسأل نفسه اذا راتبه حلال او حرام من كثر طلعاته ودوارته بالشوارع وماتشوفه الا عند التقييم يصارخ ويقول ليش تقييمه جيد او جيد جدا والبعض ممتاز على شنو ماندري
الله المستعان