السلام عليكم ورحمة الله وبركاته
من كم يوم و بالصدفة شفت فيديوات تنتقد دبي كوجهة سياحية
اليوتيوبر أجانب و الكلام موجه للأجانب .. والتعليقات على الفيديوهات أشد و أمر
قبل الحصار كنت أزور دبي بمعدل شهري و يمكن أكثر من مرة في الشهر حسب حاجتي للتسوق .. كنت أحب دبي وأحب فنادقها الفخمة بالذات
و موضوعي هذا ما اقصد فيه مهاجمة امارة دبي فأتمنى محد يوجه الحوار للاساءة
القصد من الطرح الله يسلمكم بعض النقاط الي أتمنى المعنيين يتداركونها عندنا عشان تبقى الدوحة وجهة سياحية واستثمارية جذابة على طول
أول محور اللايف ستايل
وايد أجانب كانوا ينقدون على دبي بعض الضوابط الأخلاقية
السبب ان دبي روجت نفسها على أساس الانفتاح المطلق لكن تبقى عندهم قوانين تتعارض انتوا فاهمين التفاصيل ما يحتاج أشرح
الحل: توجيه السياحة وتكون الصورة واضحة و مسوق لها على ان قطر وجهة سياحية أو معيشية محافظة لها قوانين خاصة فيها ما تشبه أي مكان في العالم
المحور الثاني البنيان والعمارة
وحدة من الكومنتس الي شفتها كانت تتكلم عن عقارات دبي انها فاضية أجارات غالية بدون سبب حقيقي
تنفيذ سيء يركز على الواجهة و الانتريور يكون متواضع
الحل: عندكم
المحور الثالث وضع العمالة
مثل دبي العمال عندنا عددهم أضعاف المواطنين
الحمدلله مساكن العمال تطورت عن قبل لكن لا زال في مجال للتطوير و رفع المستوى
بما اني على اطلاع على سوق الاجار في الدوحة اعرف ان اغلب التضييق يكون من الاجانب انفسهم
يعني يجيك آسيوي يأجر من عندك فيلا يقسمها بشكل فظيع و ما يحتاج اذكر باقي التفاصيل الي تعرفونها
موضوع الأجارات عندنا بروحه يرفع الضغط ..
خلونا نتناقش في النقاط المذكورة او اذا تحبون تضيفون من عندكم
حياكم الله
|
رد مع اقتباس
المشاركة الأصلية كتبت بواسطة بنت شرق
