السلام عليكم ورحمة الله وبركاته
ازعاج ليل ونهار تملك في جورجيا وتملك في تركيا شسالفتهم وليش منتشرين بقوة وبارقام قطرية يا عن طريق الرسايل القصيرة او مكالمات او واتس اب فعلا شي زاد عن حده وهل اقدر اشتكي عليهم كلما اسوي حظر يطلعوا لي غيرهم
السلام عليكم ورحمة الله وبركاته
ازعاج ليل ونهار تملك في جورجيا وتملك في تركيا شسالفتهم وليش منتشرين بقوة وبارقام قطرية يا عن طريق الرسايل القصيرة او مكالمات او واتس اب فعلا شي زاد عن حده وهل اقدر اشتكي عليهم كلما اسوي حظر يطلعوا لي غيرهم
القطريين فلوس كتير
المشكلة يحط لك صور البيت او الشقة قريب بحر وطبيعة ولكن على الواقع يطلع المكان في قلعة وادرين ووسط زروع
على كثر هالدعايات اعتقد من حقنا المطالبة باشتراك مجاني.. يعني ندفع اشتراك لنستلم دعايات يربحون منها شركات الاتصالات.
لازم هيئة الاتصالات تشوف حل ازعاج من الرسائل الدعائيه
اقدارنا مكتوبه ,,,,, فلنعش بهدوء ..
نحن نتعرض لغزو من دعايات sms
و دعايات انتسغرام ودعايات السناب
وفي كل مكان دعايات
السؤال هل الكم الهائل من الدعايات يحقق مردود للجهة المعلنة
أو هل فيه ركود اقتصادي و الناس ما قامت تشتري
المشكلة ان الشركات الكبرى داخلة مجال الإعلانات و بقوة مثل قوقل
صرنا نشوف الإعلان اجباري
,
,
مرحبا
شكرا على الموضوع
الازعاج له ( سببين )
1- السوق تعبان والمبيعات قليله لذلك في تكثيف على الحملات الدعايه للعقار لانه اكبر المتضررين
2- يمكن انت من النوع الي تحضر معارض للعقارات فصار رقمك ( منتشر ) عند اهل العقارات
اتفق معاك انه اصبح شي مزعج
وأيضا هناك ( وقاحه ) تلاقي شركه من دبي
تروج للعقار في دبي في هذا ( الحصار ) يتصلون فيك وانت في قطر بكل وقاحه عشان تشتري في دبي
وهم يمنعون اهل قطر من متابعه عقاراتهم القديمه هناك
,
,
,
,
موظف بشركه عقاريه لو كلمته عن عقار. ينشر رقمك عند كل ربعه. بكذا شركه و تضل كم سنه يتصلون ع بالهم فلوسك منثره
ايضا موظفي بنوك يوزعون ارقام عملاء لربعهم بالشركات الخاصه عشان يسوقون منتجاتهم
وكلن له نصيب من العمولات او بيع ارقام مرشحه كزبائن دفيعه
سنه 2004 ايام اسهم صناعات. خولوني الاخوان و العائله ببيع اسهمهم و توزيعها عليهم
فوصل الحساب لمليون و شوي قامت تجيني اتصالات من شركات والي اروح معاه. يعلمني من عطاه الرقم. طلع موظفين بالبنك يعطون ربعهم بالشركات
حتى اتصال من دبي وحده مسويه انها غلطانه بالاتصال و تقول حول لي مبلغ للتذكره بجيك زياره ههههه
التسويق وصل لمرحله ذكيه و مخفيه في رصد العملاء المحتملين و الدفيعه
للامانه. محد اتصل بعد ما وزعت فلوس الاسهم ع العيله و الحساب صفر.
لكن المسجات الي تجيكم. تجيني
اوريدو من زمان قالوا عن امكانيه طلب وقف الاعلانات. لكن الطريقه منسيه ولا توضيح بموقعهم عن كيفيه وقف الاعلانات
بأي حق شركات الاتصال تسمح للشركات و المحلات المختلفه انهم يرسلون دعايات في كل شي...عقارات و دروس و دورات و مراكز علاج و بيع عسل و منتجات ......بأي حق
انا بعد تيجيلي هالرسايل.
افضل حل هي التطنيش