العنصريه في كل مكان ،، المجنسين ف دول الخليج والدول العربية هل لهم حقوق كامله؟ باوروبا وامريكا تقدر ترشح نفسك لأي منصب وحتى للرئاسة لو كنت من المواليد ،، حتى لو ما ينتخبك اي حد لكن تقدر تخوض التجربة وتدخل السباق ،،، وفي امثله كثيرةالمشاركة الأصلية كتبت بواسطة SouthK
كلامج ما له اي صحة و مجرد استنتاجات قائمة على تفكير نمطي بحت!
المجنسين في أي دولة في العالم مستحيل تتم معاملتهم بمعاملة المواطن الكاملة مهما كانت قوانين الدولة اللي عايش فيها لان هذا فيها انتقاص من حق المواطن و ان اختلفت القوانين و النظم.
الكلام اللي يوصلني من عدة جنسيات يشتغلون في قطر انهم كمهاجرين يعاملون في المعاملات العامة كالمواطن الاصلي لكن هناك تفضيل ظاهر و مبالغ فيه مع المواطنين الغير مهاجرين أو مجنسين و الاسباب تكون ايدوليجية و احيانا عرقية و دينية!
دول الخليج و الدول العربية اجمالا المواطنين ما يعاملون مثل بعض و الحقوق فيها مفاضلة فتبغين المجنسين ياخذون أي حقوق؟ المجنس غالبا من وراه فايدة للدولة اللي عايش فيها فتكون المصلحة متبادلة بينه و بين الدولة اللي هو متجنس لها!
في أمريكا و اوروبا المناصب لها شروط و أحكام و ما راح اطول في التفاصيل لكن المواليد تختلف حقوقهم مع اختلاف الدول و القوانين و المصالح العامة و الخاصة.
نقطة بس حبيت انوه لها و شفتها جدامي :
في السويد يحق للمقيم التصويت على بعض القوانين .. ما اتذكر التفاصيل أو الشروط اللي تنطبق على المقيم لكن هذا الشي بحد ذاته مميز و لما سألت عن الاسباب قالوا لي ان للشخص المقيم الحق في الادلاء بصوته دامه موجود في البلد!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
ضوابط المشاركة
رد مع اقتباس