سامحني يا اخوي يعقوب سهيت عن هالموضوعالمشاركة الأصلية كتبت بواسطة ya3coub
أظن للفرز مشترطين 600 متر أقل شيء ويمكن يتساهلون في 500 لكن 250 وايد قليلة بالنسبة لدول العالم الثانية ما عند بعضها مشكلة أرضك وانت حر فيها
|
سامحني يا اخوي يعقوب سهيت عن هالموضوع
أظن للفرز مشترطين 600 متر أقل شيء ويمكن يتساهلون في 500 لكن 250 وايد قليلة بالنسبة لدول العالم الثانية ما عند بعضها مشكلة أرضك وانت حر فيها
ذكريات يا اختي وما شاء الله عليج شكلج انتي المليونيرة لو باشترك باستفيد انا المجهود وانتي الفلوس توكلي على اللهخلاص باسوي بينك عقد بالباطن لامن شاف ولا من دري
واشتغل من تحت لتحت والله بتكسب ذهب فوق الكنز اللي خاشه ورى ثلاجة المطبخ
:
يالله قولنا قصة اول يوم داومت فيه ؟
بداية دوامي الله يرحم الموجودين وبعضهم من ربعنا .. قال الوالد رحمة الله عليه تعالوا باوديكم تدريب صيفي ووقتها ما كنا نعرف الطيارة الا لو شفناها في الجو .. السالفة في 1978 كنت 14 وقتها لكن بريء مب مثل أطفال الحين يعرفون كل شيء .. رحنا معاه كنا 4 وجلسنا ننتظر الزعيم محمد بن عبدالله العطية في مكتبه .. أول ما دخل الكل قام وانا انتبهت وسويت مثلهم التفت حق ابوي وقال له قايل لك يا عبدالله ابي بس واحد أكبرهم مب كلهم وإبوي يبتسم ويحاول إنه يقبلنا كلنا .. قال السنة الجاية الباقيين ودخلوني .. تدريب وحر وشمس ولباس ثقيل لكن كنا مشتطين كلنا واستوت لي صداقات سريعة .. كان أصغرنا عمره 10 سنين وكنت انا آخر الملتحقين ربعي قبل استلموا راتب وكانت الرواتب مع التاريخ الهجري وقبل نهاية الشهر بيومين أو ثلاثة .. كان معين لنا سواق سوداني عصبي وشرير نسيت اسمه تقريباً على لساني وانساه .. المهم كنا نتسابق الساعة 11 ونص من يصيد آخر مكان في بدي اللندروفر حتى نشم شوية هواء .. معانا الوزير خالد بن محمد العطية كان عمره 12 تقريباً والصغير اللي عمره 10 سمعت إنه توفى الله يرحمه ولا بمتأكد ممكن تشابه أسماء وكذلك واحد مناعي استوى محامي واشترك مع خالد في مكتبه بعد سمعت إنه توفى .. النكتة يوم توزيع الرواتب وكانت 1865 ريال ولا كنت ادري إن فيه راتب .. قالوا لي ربعي صف معانا بنستلم قلت لهم ابوي ما قال لي فيه راتب قال بس تدريب بسيط ووقفت بعيد عنهم .. لزموا علي وصفيت وبصمت واستلمت وأول مرة وقتها امسك 500 ريال لا الا 3 خمسميات فجأة استويت غني
باقول لكم بعدين سالفة الرماية
جاتنا بنت حليوة سميناها لطيفة بنت ولدي عبدالله اللي يبي يحجز يدفع من الحين
الله يبارك لكم فيها ويرزقكم برها..
مابه مشاكل والله يجزاك خير يا بو عبد الله عالرد. بس لو اعرف وين ممكن اروح علشان اجيب هالرد رسميا.
بو عبد له عيل بنسميك بابا عود الف الف مبروك والله يجعلها باره بوالديها و فيكم ان شاء الله ز جداتها يا رب العالمين.
بابا عود
تُنسى ، كأنَّكَ لم تَكُنْ ..
آمين والله يرزق الجميع
الله يبارك فيك ويحفظك سموني اللي تبون توني طفل
هذي لو تروح التخطيط معاك سند الملكية هم يقولون لك شالممكن .. كان قبل فيه لهم مكتب صوب المنطقة اللي شرقي سوق الجبر ما ادري اذا للحين أو تغير الوضع .. كذلك ممكن تستفسر في البلدية اللي تابعة لكم لكن 4 وايد ما اتوقع يوافقون
كلها سنة ويجونج أحفادبابا عود
سوري على المداخله اخوي يعقوب ..
اتوقع مستحيل يوافقون الفيلا الوحدة 250 !!؟ كم مساحة المبنى ولاتنسى الارتداد ..
برأيي ماينفع لا سكن ولا ايجار .. اما 500 مساحة معقوله ..
اظن يعطون التصريح للفيلا الوحدة كـ مساحة كامله 450
:
كانت عندي ارض دولة مساحتها 1200 وشوي ...
كنت باقسمها لـ فيلتين .. قالوا ممنوع لازم على سند ملكية وحدة واذا باسوي مايكون بينهم سور يعني في حوش واحد .. هالكلام قبل 7 سنين .. لكن القوانين تغيرت مع الكثافه السكانيه والاراضي صغرت اغلبها مب نفس النظام القديم ..
اسال في البلديه اخوي يعقوب واستفسر منهم عدل .. عندهم الموضوع ..
:
هههههههههههه عيالك عيالي اعتبر صرت جدته دامكم بتعطونا بنتكم
بوعبدالله شعور ولد الولد غييييير عن الاحساس بالابوه ...
بتموتووون عليها وباذكرك .. 😍
الله يحفظها يارب وتشوفها قاعدة على كرسيك اللي صارله 20 سنه وتتعبث في كمبيوترك
تُنسى ، كأنَّكَ لم تَكُنْ ..
ضوابط المشاركة
رد مع اقتباس
