ارجع حق شركة عربي واطلب واحد اسمه بوشمن هندي ممتاز بس ماتحصل تحت هو شغال قسم المشاريع
اطلب منه يغير لك نظام التدوير ويركب لك مضخة زيادة 2 حصان أكبر بنظام تحكم بالتناوب كنترول بنل*
الخزان الصغير الأبيض هذا وضيفته يخلي الماي دايمن مضغوط في النظام حتى لو الماي مايستخدم تحت الخزان تتركب لك مضخه زيادة عشان تساعد قوى الدفع
هذا الجهازين اللي قلت لك عنهم فوق في الموضوع تتركب له مضختين اكبر وتحتاج قاطع كهرباء 15a أمبير
يُبين على الجهازين حق تدوير الماي الحار جدا صغار ماتستحمل عدد هالكثر من الحمامات
بعدين حجم السخان هذا 80 غلون انت على عدد الحمامات تحتاج سخان حجم 120 غالون اكبر
التعديل الأخير تم بواسطة Azizuk ; 07-04-2019 الساعة 10:00 PM
عذرا شباب لحماية السخان من الصداء ( قضيب المغنيسيوم الانود ) مش الكثود Protective Magnesium Anode Rod—Provides added protection against
corrosion for long trouble-free service
هذا المغنيسيوم الانود لازم يتبدل بين فترة وفترة لانه يتاكل بسبب الاملاح والاحماض الناتجة من عملية التسخين الكهربائي
هذا شكل المغنيسيوم قبل وبعد التاكل
التعديل الأخير تم بواسطة Azizuk ; 08-04-2019 الساعة 11:49 AM
ما شاء الله عليك بوسعود
انزين كيف نعرف الكمية الي نحتاجها من البرشر او حجم السخان ؟
هل بعدد الحمامات الله يكرمك ويكرم كل من قرا
قال الإمام أحمد بن حنبل "تسعة أعشار حسن الخلق في التغافل"
طال عمرك انت اذا رحت اَي محل قول له عدد الحمامات وانت بكرامه وموقع تركيب النظام اذا فوق البنتاهاوس وإلا السطح
لان اذا كان النظام راح يتركب فوق البنتاهاوس طريقة خطوط التوزيع افضل
عندك راح تقل الاكواع في أريحية في نزول الماء حتى لو مافي مضخة اسهل وسرعة وصول الماء لكل دورة مياة
اذا كان نظام السخان راح يتركب على السطح راح تزيد الاكواع وعملية توزيع خطوط الأنابيب اكثر وأطول مسافة تحتاج نظام ومضخات تدوير دفع أقوى وحجم السخان اكبر
لان السخان اذا عدد الحمامات أكثر وتم استخدام اكثر من دورة مياه مرة وحدة والخاصة الفترة الصباحية شي طبيعي راح يقل عندك دفع الماء الساخن لان السخان مايمدية يسخن الماي
البيت الكبير يحتاج عدد سخانات اكثر واكبر حجم
حتى نوع الكهرباء في سخانات تجي 3 فيز وفِي سخانات تجي 1 فيز
ال3 فيز تحتاج قوة قاطع كهرباء أقوى وتحتاج 5 خطوط أسلاك كهربائية هذا النوع يسخن أسرع بس سعر أغلى من ال 1 فيز
اذا بيت كبير تبي تبحبح نفسك تركب عدد 3 سخانات حجم 120 غالون بنظام عدد 2 مضخة قوة 2 حصان وعدد 2 مضخه تدوير حجم mr 63 3 speed circulation pumps
خزان ضغط النظام مهم لان يخلي النظام طول الوقت مضغوط حتى لو ماتستخدم المضخات في ناس تقول ماله داعي وممكن النظام يشتغل بدون الخزان بس بالخزان افضل
الكلام يطول عن موضوع نظام السخان وكل شخص وحسب إمكانيته وكم يبي يدفع
مهم جدا قوة قاطع الكهرباء يكون مناسب حجم قوة السخان يعنى مب تركب سخان يحتاج 32A أمبير على قاطع كهرباء 15 أو 20A أمبير وبعدين تقول ليش يفصل عندي
كل شي له حسبه في الكهرباء وخاصة في السخانات والمكيفات والأفران
وآسف على كثر البربرة الزائدة اللي مالها داعي لان في متابعين تعورهم رؤوسهم من كثر الكلام والشرح
ماقصرت اخوي Azizuk
الله يسلمك اخوي 86
نسينا نذكر الفلتر الرملي هذا بعد لازم يكون مناسبة حجم النظام
اذا نظام كبير تحتاج اقل شي حجم 14 وتختار نوع اللي ينظف نفسه بنفسه إلكتروني
حجم بين 14 الى 18 مناسب حق نظام حجمه كبير
على فكره بعد هذا لازم يتبدل بين فترة وفترة من الزمن لان يعشش في الدود أوقات
الفرق بين الأكبر واللي أصغر منه دوم بسيط
النظام الأمريكي غرفة المضخات والصخان تحت ومسكرة أو في القراج .. ولو شقة تحصلها في كبت داخلي مع الغسالات .. أشوف ترتيبهم زين