السلام عليكم ورحمة الله
صبحكم / مساكم الله بالخير
شحالكم وعساكم طيبين واربكم بخير على ذا الغيبه
عندي سؤال مالقيت له اجابه من فتره وقلت بدخل اسلم عليكم واجدد العهد بكم وسألكم سؤال وبنفس الوقت بأقترح اقتراح
اما بالنسبة للسؤال فـ ودي احد يفهمني وش موضوع اسهم مسيعيد بالضبط
سواء للقصّر او للكبار ، من الاسهم المحجوزه والاسهم المضاعفه ومدى منفعتها بعد هالتعقيدات كلها !
اما بالنسبة للمقترح / فالكل يدري بأن التوجه الألكتروني الاجتماعي انتقل نقله ضخمه جدا وسريعة جدا جدا من عالم المنتديات الى عالم المنصات الاجتماعية بكل فئاتها وانواعها ، ولا زال منتدى الاسهم يتنفس في وقت لم يعد به وجود للمنتديات وقد اختفى اغلبها ، لذلك ليش ما نلحّق على الباقين ويتم نقل المنتدى على شي من المنصات الجديده اللي فيها خصوصية ومايكون العضو مكشوف سواء رقم تليفونه او اسمه او بياناته ، مثل برنامج التليجرام على سبيل المثال
ماردي الصراحه اذا بتضبط او لا ، بس الاكيد ان ذا البرامج خذت عقول الناس وفرضت نفسها غصب ومش غلط نحاول نعيد التفاعلية بمجاراة الادوات الحديثة .
|
رد مع اقتباس