افضل خلق للثوب وافضل خياط

[بوخالد911]

جرب رامين للأقمشة، سوق العسيري (44432086)، سوق واقف (44438535).

عندهم شيكيبو وتيوبو جودة عالية واقل من سعر السوق

رامين

دووووووم اخذ من عنده.
تيوبو خامة ممتازززة. باردة وخفيفة.
أظن السعر ب 450 ريال

[qatarman8008]

[بوخالد911]

ممتازززز

[Azizuk]

تجار الاقمشة بقطر هم اربعه يعتبرون هوامير السوق بالنسبة للاقمشة الرجالية وباقي السوق كل واحد يختار له اسم من هالتجار وينزل بالسوق الاسم اللي يبيه

اللي يبي التميز يروح الخان عندة جميع المستويات من النوع الى سعره مناسب الى الانواع الغالية العمادي عنده قماش ممتاز بس بشكل عام شكيبو مسيطر على السوق

وعندكم تتركس مازال ينزل بالسوق وممتاز وسعره مرتفع شوي

اكثر المحلات تعرض عليك شكيبو وتويوبو

في نوع قماش يجيك طايح حلو بس مب على اي شخص يناسبة ماتبين في الخيوط

اذا جيت تاشتري قماش اطلب منه يعطيك سعر الجملة معظم اسعار الجملة بين 450 الى 500 ريال ويوصل 600 على حسب الجودة

وفي ارخص على 300 ريال بس جودة مهب ذاك الزود

وعلى حسب اذا عرض عرضين والا عرض واحد

الشباب حاليا طايحين يجيبون الاقمشة من الكويت تنوع اكثر جودة سعر

بالنسبة للخياطين هذا عاد عالم ثاني اذا انت ضعيف ممكن اي خياط يخيط لك اما اذا انت متعافي وعريض لا والله يبي لك خياط يضبط لك الثوب عليك

خياط لكزس بمعيذر ممتاز بس مب اي واحد ياخذ عليك القياس احسن واحد فيهم الشيبه الضعيف

قبل خياط علي بن علي ممتاز بسوق واقف كان باكستاني

لازم تجرب كذا خياط على ثوب ثوب تفصل عندة وتشوف من افضل خياط يناسبك

اهم شئ بالثوب قصت الكتف تحت الابط اذا ضبطها باقي الثوب يطلع مرتب

بعض الخياطين يسوي الثوب قصه واحدة من فوق لين تحت تشوف الواحد كانه لوح والا عامود يمشي

السوري اللي كان بالمرخية كان ممتاز بس مادري وين راح على ماضن كان خياط الزبارة