الحل السهل للي يبي يعزل بيته نص عزل حتى وهو جاهز وخالص .. يركب ألواح فوم خارجية ويحط عليها بلاستر ويصبغ .. أقل شيء فوق الجسور الطابوق فيه شوية عزل مقارنة بالجسور لكن لو عزل الحوائط كلها بيرتاح ارتياح حراري والمكيفات بترتاح عنده ولو يدفع كهرباء بيوفر
الحل السهل للي يبي يعزل بيته نص عزل حتى وهو جاهز وخالص .. يركب ألواح فوم خارجية ويحط عليها بلاستر ويصبغ .. أقل شيء فوق الجسور الطابوق فيه شوية عزل مقارنة بالجسور لكن لو عزل الحوائط كلها بيرتاح ارتياح حراري والمكيفات بترتاح عنده ولو يدفع كهرباء بيوفر
ومنكم نستفيد يا سادة.
ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
[/COLOR]
سفرتي الى سنغافورة + استراليا + بانكوك 2008
سفرتي الى بانكوك مارس 2009
بو خالد العازل الحراري الفوم اللي كثيرين يستهونون به سماكة 5 سم تعادل سماكة 100 سم خرسانة .. لو حد عنده جهاز قياس الحرارة بالإشعاع بيعرف شكثر حرارة زوايا السقف مع الجسر الخارجي وزوايا التقاء الأرضية مع الجدار الخارجي وكلما يبعد جهة الداخل تقل الحرارة شوي شوي لكنها تتسرب لداخل البيت
بيوت اوروبا يستعملون عوازل متطورة 15 سم وبعضهم أكثر وبشوف عيوني شفتهم يركزون على مناطق الجسور الخرسانية بمواد عزل غير .. البيسمنت كان جدران وسقف معزول بطبقة حول 10 سم حتى ما تتسرب حرارة التدفئة له ولا تتسرب البرودة للغرف فوق
العزل مب بس مهم حق الارتياح الحراري هو والعزل المائي مهمين لديمومة الهيكل الإنشائي وبقاء الطابوق بدون شلوخ وتشويهات
أحد الإخوان يبني وقرب يخلص الخارج حجر يقول لي ما سوى بيسمنت بس يوم حفر طلع له ماي واضطر يسوي أساس قطعة وحدة وكلفه .. وبالحمايات التقليدية اللي يعرفونها استشارينا .. شرحت له طريقة تصريف المياه الجوفية بمنهول وكنكري جنب الحوائط حتى الماي ينزل بسرعة ولا يلتصق في الحوائط ويتسرب للداخل .. بعدين أي مياه جوفية تطلع تحت الأساسات لو ما حصلت طريق للخروج طلعت لداخل الأرضية وخربت الأساسات والبيت
إقتنع وألحين يبحفر وبيسوي منهولين وبيمدد بايبات تشفط المياه للمنهولات ومنها بمضخة للخارج .. صج استوت عليه شغلة بس ممكن يسويها بسهولة وشغلات أساسية لازم نسويها لحماية استثمارنا عمر طويل حول 50 سنة وأكثر
العوازل دراسة متخصصة وانا خذتها من الأساسيات في الجامعة وتعمقت فيها خلال دورة في الأُردن مع دكتور شيبة كان يشتغل في ألمانيا .. زيادتها ربح لك والمهم عملها صح والتركيز على الأجزاء اللي تسرب حرارة وبردودة أكثر شيء
نظام الغلافين يخلي لك غلاف داخلي معتدل الحرارة وبارد نسبياً ويحتوي على الهيكل الخرساني وغلاف خارجي معرض لعوامل الجو القاسية من برودة وحرارة وبينهم يفصل العازل
الله يذكر شغلي السابق بالخير ومسؤوليني اللي ما قصروا معاي وانا قصرت