اي ماشاءالله اللون الجرذاني حلو وايد .. الله يهنيه .
اللويث وايد
عندنا صالة كنت مسويها رياضية بقياس 8.5 في 6.1 هذي بقدرة الله تحولت مخزن .. واليوم أقول لأُم العيال تخلي خدامتين ينامون في غرفة ثانية عندنا تحت .. قالت ما تدري مخزنين فيها جدور وصحون .. آخرتها بنسوي مزاد علني للبيع حق هذي الخشاوير
صحيح تقدر تخلي الرف الأول 30 سم والثياب معلقة نصها بارز عن الرف .. 30 سم وعندك الليتات كانت على بعد 40 سم بتعطيك زاوية رؤية لكل الكبت
انا شسويت لغرفة الملابس عندي .. ما كنت مقتنع اني اركب كبتات لكن أم العيال أصرت كنت ناوي اسوي تقسيم خشب بدون أبواب ووصلنا لحل إننا نسوي النص بأبواب والنص الثاني أبوابلس .. الرف العلوي فوق 60 سم .. والسقف مرتفع للرؤية الجيدة داخل الكبتات نزلت الإنارة بسلاسل وركبت نيون اللي يسمونه كول داي لايت .. من الدرويش له حول 7 سنين شغال عسل وينور داخل الكبتات بزاوية جيدة ومناسبة
تقدر بعد تركب سبوتات موجهة ومعلقة كذلك .. تقدر تركب سبوتات موجهة في طرف الرف العلوي الداخلي للكبت وانا ركبت نيون ما يبين كنه مخفي لكن ينور فوق راس الواقف وينور بزاوية على الكبت