المشاركة الأصلية كتبت بواسطة بوخالد911
حيالله اخوي الحبيب بوخالد
السيارات استولت على نص الشارع ووصلت للخط
الابيض الي في نص الشارع سيارات وطراريد وسكوترات
وبقي وبياكم وتناكر ماي وكرفانات متنقلة صرنا شار22ع
في الصناعية
|
حيالله اخوي الحبيب بوخالد
السيارات استولت على نص الشارع ووصلت للخط
الابيض الي في نص الشارع سيارات وطراريد وسكوترات
وبقي وبياكم وتناكر ماي وكرفانات متنقلة صرنا شار22ع
في الصناعية
تجري الرياح كما تجري سفينتنا نحن الرياح ونحن البحر والسفن
لا يمكن للإنسان أن يحتفظ في يديه بأكثر من كرتين من ثلاثه ؛ الصحة والمال وراحة البـــــــــــــال
لا اله الا الله وحده لا شريك له العلى العظيم
لاتصعبون على العالم وخلوا الفقاره ايحطون طبيلات برع ..
تاركين الي سيايرهم ماتعد ولا تحصى وفلوسهم بالمليارات ومركزين على طبيله فقير مسكين ايدفي موتره من الشمس..
دنيا دنيا
الارتداد له دور البعض 30 متر للشارع والبعض 3 متر ظلم
الموضوع جداً مزعج خصوصاً إذا كان بيت على شارعين والطبيلة جايه على الزاوية .
إذا أنت مب من المنطقة وماتعرف ان البيت هذا عنده طبيله على جنب تتفاجأ بالسيارة إما تبي تدخل الطبيلة أو طالعة منها .
والأدهى وألأمر البيوت التقسيم وسط الفرجان 20 نفر داخل البيت وكل واحد مسوي له طبيلة بنفسه . هذا من تشينكو وهذا من بليوت وهذا مركب سناح خيمة .
المشهد تلوث بصري .
التعديل الأخير تم بواسطة eXpert* ; 16-04-2019 الساعة 12:38 PM
قال صلى الله عليه وسلم : « لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا».
دام الطبيلات معلقه ومالها اي عامود او بيب يضرب الارض
البلديه ماتتدخل في منع الطبيلات الخارجيه
واعتقد الناس ماحطت طبيلات برع الا ماعندهم حوش تدخل سياراتهم داخل
وتبارك الرحمن ماشاءالله الي عنده مواتر وايد شيسوي يعني وين يوقفهم
لو 20 موتر ومايضايق الناس برع الشارع اشوف الموضىع عادي
لكن الي يضايق الناس الي يحط طبيلته مع عامود او مسكره كامله
هذي مخالفه والبلديه تنشب لهم
اما المعلقات محد يكلمك
للعلم الكل لي مسوين طبيلات اذا كان هناك شغل في الشارع مثل صرف صحي بتنشال مثل لي صاير في منطقة شمال الدحيل حاليا الحين جايين يسون لهم صرف صحي طالبوا منهم يشيلون الطبيلات انا ضد فكرة الطبيلات الخارجية لانها فعلا تشوه المنظر لكن اذا كان واحد عنده مساحه كبيره قدام البيت عادي
بو محمد. الطبيلات المعلقه بعضها واصل لين ربع الشارع.
فالمواتر توقف و صداماتها واصله ثلث الشارع. هذا قريب من بيتي و ع زاويه وما تمر الا سياره وحده حاكرين جانبي الطريق يا دوب موتر
هذه معلقه و اضرارها اخطر من ام عامود
صار في مواتر مطربله من سنين ولا تسوى الف ريال. يحذفها سكراب و يفك الفريج من الاذى
المطلوب من البلديه لكل موافقه تدرس وضع الطبيله. يمدي. اوكي ما يمدي بلاش منه ولا تصير حوادث
يهال يا ريال يطلعون لك من بين هالمواتر الواقفه و ربعها بالشارع. متى يمديني اشوف البزر و اوقف قبل لا ادعمه
صارت معاي مرتين و الله حفظ اليهال
لو يوقفون ع جنب معليه يمدي اشوف لكن ربع الموتر بالشارع لا والله ما نرضى
بوعبدالله صحيح كلامك
بعض الناس تركب طبيلات معلقه لكن تخرب على مسار الشارع
لكن في نفس الوقت من المسؤول؟
انا مثلآ راعي البيت وين اوقف موتري ؟
مافي مجال ولا في حل ثاني
من هالشكل ناسيين الموضوع لان لو امنعو انهم يوقفون وين بيوقفون
ولو شالو طبيلاتهم بعد المواتر بتشوفها واقفه جدام بيوتهم
يعني ماحليت الموضوع ابد
ماتقدر تمنعه يوقف جدام بيته
ف من هالشكل ناسيين موضوع الطبيلات لان بتشوف المواتر
توقف سواء في طبيله او مافي طبيله
كلام جميل 100%
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
نحتاج تخطيط للطرق الداخلية وبعضها مثل ما قلت كم متر وتستوي من طوفة لطوفة وخطوط بسيطة توضح موقع درام القمامة وتوضح موقف السيارة وأي سيارة تتعدى على الخط واجب الشرطة يخالفونها .. وللعلم فرجاننا كلها فيها دوريات مدنية لمتابعة أمور أمنية كثيرة وهذي ممكن تنضاف لمهامهم وكلها مخالفة لاصقة ونسخة للمرور تنزل في مطراش
لو خلصوا من الطرق تستوي رخص الطبيلات سهلة وواضحة حدودها ولا تحتاج تعب وانا مع السماح بعمل طبيلات خاصة خارج البيت لحاجة الناس لها وما تشوه المنظر الا لو عُملت عشوائياً
ضوابط المشاركة
رد مع اقتباس