السلام عليكم ورحمة الله وبركاته
حبيت أستفسر وين أحصل على محلات مميزه لبيع السبوت لايت والبلاكات التابعه لها
السلام عليكم ورحمة الله وبركاته
حبيت أستفسر وين أحصل على محلات مميزه لبيع السبوت لايت والبلاكات التابعه لها
عليكم السلام اختي
البضاعه الصينيه غزت سوقنا وصارت تنباع بكل المحلات الغاليه والرخيصه. بالرغم من ان بعض المنتجات الصينيه جودتها عاليه بس انا شخصيا ماارتاح لها. قبل فتره بسيطه درت السوق وماستقريت الا عند محل مريستال القصور. عنده نوع سبوت لايت الفريم اسباني والليتات انجليزيه.
بعض المحلات للاسف يبيعون منتجات صينيه الصنع على انها صناعه اسبانيه، فحاسبي من هالشي
Apple's User
انا خذت من الصالحية نوعية جيدة لها حول 5 سنين استهلاك دايم وشغالة زين بس مع ترانسفورمر أسباني جيد كبير كان مركب قديم للهالوجين من 13 سنة واستخدمناه للاي دي .. طلبوا مني بيت الوالد اغير ليتاتهم نفس الشركة أقنعوني اركب دايركت بدون ترانسفورمر أحسن وركبت وخلال فترة احترقوا كلهم .. قبل يمكن شهر احترقوا وكلمتهم جاوا بدلوهم على الضمان وركبوا نوع ثاني .. مستغرب غرفة احترقوا كلهم وصالة كلهم صاحيين مع إن الغرفة والصالة استهلاكهم واحد .. الظاهر كهربة الغرفة فيها تذبذب وتحرق الليتات لذلك الترانسفورمر ضروري ولا تصدقين فنيين التركيب لأن يهمهم تزيد مبيعاتهم وترجعين مرة ثانية
لل إل اي دي فيه ترانسفورمر خاص يكفي كم ليت عند الدرويش نوع زين ركبيه وفكي عمرج من العبالة
والسبوتات فيه عند آلترا لايتس نوعية جيدة هنغارية وفيه عند رافكو تعطيج ثلاث مستويات اضاءة بس ما جربتهم لكن ضمانهم فترات طويله .. والأهم الترانسفورمر حتى لو الليت رديء يضبط الكهربة اللي تجي ويخليها ثابتة
وعليكم السلام ..
في بروة الوكرة وايد محلات ليتات وسبوت لايت ..
وبعضهم يبيعون اسباني .. المحلات الكبيرة ..
ونفس هالمحلات لهم فروع في شارع سلوى .. شوفي الضمان قبل ..
:
وايكيا بعد عندهم ونوعيه ممتازة ..
تُنسى ، كأنَّكَ لم تَكُنْ ..
اهم شي الذبذبه يابوعبدالله
يامعماري الحين المحول مايشتغل على المبات الجديده والمحول الإسباني انقرض اللي مكتوب عليه vs ذاك قبل الحين كله إلكتروني
اذكر واحد من الشباب كنت معاه في محل أقول له لاتشتري هالاكتروني ب 3 ريال ماينفع ابيزه المهم شراه
وركبهم والله تقول شراخي في بيته تفرقعو مره وحده بعدين غيرهم بالمحمول الإسباني المحول الواحد 15,ريال وفِي على 22 ريال
الحين اليت يجي في محول منه وفيه داخله
وله عمر افتراضي وكم مره تسكره وتفتحه المتواجد في السوق أكثره بين 15 ساعة عمل الى 25 ساعة عمل وكل مازادة المدة زاد السعر وكل مازاوية اليت فاتحه يزيد السعر
المتواجد بالسوق زاوية 36 درجة
وزاوية 40 , 50 , 60 اسعارها غالية ولا راح تحصل هالزوايه الا بالطلب من فيليبس أو شركات ثانية
وأكثره لون موجود الأصفر 2700 كالفين وإذا جاك لون 3000 كالفين بعد فتره يفتر ألون ويذبذب على قولتك
اما ألون الأبيض يجي 6000 كالفين
الصيني تحصله جميع الدرجات بس بعد فتره يذبذب
التعديل الأخير تم بواسطة Azizuk ; 22-04-2019 الساعة 10:05 PM
الصالحية خلاص انتهت صلاحية ماعد عنده مثل قبل
انت خبرك قديم المحلات تغيرت بضاعتها كانت تجيب الأجود الحين السوق أكثره صيني
وفِي من الصيني ممتاز ودرجة أولى عيب تجارنا مايجيبونه السوق يسترخصونه على ان صيني يجيبون اردا نوع
اجود انواع اليتات سلفينيا - سورا - وجنرال الاكترك - وفيليبس وطبعا المتربع هو اوسرام الالماني
اوسرام متخصص في الكهرباء وخاصة المبات
اللي يحصل اوسرام الماني أصلي ياخذة وهو مغمض بس يتأكد ان الماني لان في منه صيني الصنع بعد ممتاز بس يحرص على الالماني في فرق في الجوده
https://www.osram.com/ds/
هذا موقع سورا
https://www.soraa.com/soraahome
http://www.lighting.philips.com.eg/home
https://www.sylvania.com/en-us/Pages/default.aspx
هذا موقع شركة إسبانية متخصصة في الإضاءة تواصلت معاهم مره وقالو عادي ممكن تشتري من عندنا ونوصل لك البضاعة
https://www.lecsl.es
بس الواحد مايقدر يغامر يشتري أشياء من النت لو يختبر عندك لازم تطلب من النت ومايجيبون لك كمية قليلة لأنهم يتعاملون مع مشاريع كبيرة
هذا موقع في جميع انواع المبات في العالم مع شرح كل شي عن اليد وأنواع المبات والشركات
https://www.1000bulbs.com/category/led-light-bulbs/
هذي صفحه تشرح لك عن ألون والزاوية وعن كل شي
https://www.1000bulbs.com/category/LED-MR16-GU10/
وان افضل اللي بياخذ لمبه سبوت يأخذ نوع GU 10 لا يأخذ MR 16
ال GU10 افضل ماتحتر قاعدة اليت ويكون الهولدر من سيراميك يستحمل الحرارة
ماعليك من الكلام ان اليتات اليد ماطلع حرارة شغل لمبه لِيَد وخله بس خمس دقايق وأمسك القاعدة بتشعر بالحرارة
والدرويش يامعماري ماعاد مثل قبل عنده البضاعة القديمة ذات الجودة بعد اتجه للصيني
مازال عنده البضاعة القديمة بس تخصص الإضاءة تغير انسحبت منه وكالات وايد
بس يوفر نوعية الممتازة حسب الطلب للمشاريع الضخمه اما للستهلاك للزبائن العادية عنده الصيني
التعديل الأخير تم بواسطة Azizuk ; 23-04-2019 الساعة 08:15 AM
عزيز هههههههههههه مشكله اذا الكهربه تذبذب ..
صج والله تعفس الليتات صح كلامه اخوي معماري ..
وعطاني معلومه جديدة ..
تُنسى ، كأنَّكَ لم تَكُنْ ..