~:: { بيت العمر .. متجدد حياكم } ::~

[sara jsm]

تبين خصومات فوزينا بالالغاز وعطينا كوبونات..
والا بس تبين خصومات..!!

بس ابي خصومات

12 الف
انتي ام اربع عيون ههههههه
لازم تنزيلات او عرض او ماقدر 12 وايد

باطرش لك رقم واحد هناك اسمه حسين وبارتب لك الموضوع ..
بس ابي بقشيش

[qatarman8008]

ثانيا: تصميم البيت وحجمه..
يجب مراعاة ان يكون تصميم البيت بسيط غير معقد ..
لاحظنا ان في بيوت لما تدخل تحس انها كثيرة الاعمدة او كثيرة الاقواس وصار يفقد لمسة الفن فيه يوما بعد يوم لان هالاشياء تكون موضة لفترة زمنية ثم تنتهي..
او انه وقت تنفيذها على ارض الواقع تظهر بشكل غير المتوقع مما يعطل البناء ويضيف تكاليف اضافية لاعادة الرسم والتخطيط واعادة صياغة عقد المقاول وقيمته ويفتح باب لخلافات كثيرة بين المقاول وصاحب البيت..
ايضا يجب مراعاة ان يكون حجم البيت معقول لا كبير ولا صغير لان الكبير يكلف كثير وشفنا ناس بنوا بيوت كبيرة جدا مساحة الدور الواحد حول 450 متر وقفوا البناء في المنتصف لانه لم يستطع تحمل التكاليف الاضافية ..

[qatarman8008]

اختيار شركة تصميم البيت تلعب دور محوري هنا حيث انه تكون حساباته دقيقة جدا لحجم العمدان والجسور والحديد والصبيات..
ممكن يكون تكلفة عمل الخريطة عشرين الف ولكنه افضل من اللي يسوي خريطة بعشرة الاف وتطلع غلط..
تكلمت مع اكثر من شخص عن هالموضوع صار معاهم ان المقاول بالغ في احجام العمدان والجسور وحجم الحديد لما جا يبني طلع عليه سعر المتر عظم حول 950 ريال بينما البيوت الثانية في نفس الفترة الزمنية كانت 850 ريال..

[sara jsm]

تصدق قطرمان لو يرجع فيني الزمن كنت عدلت خريطه البيت كلها ..
خاصه بمكان المجلس الخارجي ومدخل الباب .. يالله الحمدلله على كل حال ..
واصل نقاطك يااخوي ..

[qatarman8008]

لو تعديل بسيط مو مشكلة لان الانسان دائما يرسم صورة بيته بمخيلته ويحاول يقرب لها قد ما يقدر..
انا اتكلم عن اللي يغيرون تغيير جوهري..
يعني في احد المرات دشيت بيت في احدى مناطق الدوحة معروض للبيع وكان مساحة الارض حول الف وميتين ومساحة البناء فيه كل دور حول اربعمية..
كان راعيه مشطبه واستلم مفتاحه واليوم الثاني عرضه للبيع..!!
طيب ليش قال لي صاحب البيت ما عجبه ..!!
يعني حرام والله كل هالتعب وفي الاخير ماعجبه..

[معماري قطري]

محل العاصمة للبلاط والارضيات ..*
فرع الدائري الثالث .. بعد وكاله تويوتا ولكزس ..
سعر المتر بـ 42
الصناعه قطريه .. لكن بمواد ايرانيه ..
السمك المتوفر 2 سم / 4 سم
عيبه اغلب القطع والموديلات بالطلب خلال 45 يوم التصنيع ..

تبين ماي نصيحة

إبعدي عن القطري في البلاط الا لو بتحطينه مخفي تحت زولية والسبب يصنعونه ببقايا بناء ومخلفات ( بودرة ) والبودرة كلها شوائب .. يتشرب ماي وشكله يتغير ويتفتت بدون سابق انذار .. إشتري تركي أو ايراني منشأ هناك أفضل وهالنصيحة نصحتها واحد مسوي مجلس وليوانه كبير وتغير بسرعة والعتبات تفتفتت أطرافها

[معماري قطري]

اصلآ هذه نقطة ايجابية للخطة ( د )
انتظر دخول اخوي ( معماري ) لتشاور وتنفيذ
بس هنا في الاستراحه فضيحة لازم في قسم البناء استر

والله يا سعود الظاهر كل الخطط فشلت .. سارة استوت قطر واحنا دول الحصار من فشل لين فشل

[معماري قطري]

الجري زين اذا بيستون

باخذ الفرن الي خذتيه ان شاء الله بس المشكله المقاس يدش عندي او لا هههههه شكله فيه عرض

هي تحتاج فرن كبير تطبخ وايد كيما وشباتي

[معماري قطري]

انا كنت باخذ جنرال بس نفسي عزيزة قال فوجي وجنرال نفس الشي ..
وابوي الله يحفظه قالي الشركة الام فوجي وعقب جنرال فاتكلت على الله بفوجي ..
لكن الملاحق اجلتهم وشكلي باخذ جري ..
نبي خصم قطرمان

:



120 العرض في 60
سعره 12 الف وشوي وانا خذته حزة خصومات بنص السعر
الحلو انه بو 6 عيون ياابواربع عيون
مافي فايدة

أعرف ملاك الشركتين فوجي وقري فوجي رقمه عندي قري أقدر اجيبه وتامرين أمر بس دلينا وين البيت

[معماري قطري]

اختيار شركة تصميم البيت تلعب دور محوري هنا حيث انه تكون حساباته دقيقة جدا لحجم العمدان والجسور والحديد والصبيات..
ممكن يكون تكلفة عمل الخريطة عشرين الف ولكنه افضل من اللي يسوي خريطة بعشرة الاف وتطلع غلط..
تكلمت مع اكثر من شخص عن هالموضوع صار معاهم ان المقاول بالغ في احجام العمدان والجسور وحجم الحديد لما جا يبني طلع عليه سعر المتر عظم حول 950 ريال بينما البيوت الثانية في نفس الفترة الزمنية كانت 850 ريال..

الفرق 100 ريال في المتر اضربها في 1000 متر مثلاً تطلع 100000 .. انا دوم نصيحتي شوف البدائل الارخص والأفضل تحمل حتى لو شكلها شوي أقل درجة من غيرها .. نوازن دوم حتى نحصل على شيء مناسب .. وما نسترخص الاستشارات الجيدة حتى لو كلفتنا 50000 وحولها .. لو بادفع 10000 وباخسر بسببها 100000 وفوقها غير أخطاء ووجع قلب أحسن لي أدفع 50000 أو حتى 100000 وأحصل شغل مضمون ومدروس صح وبدون وجع راس