ماهو يقولك .. البيت الاول بيعه والثاني اجره والثالث اسكنه ..المشاركة الأصلية كتبت بواسطة qatarman8008
بس مافي بيت خالي من الاخطاء ..
مرات اشوف بيتي من برع اقول ليته ليغو واحرك فيه اماكن الاشياء ..
بس خلاص الواحد بيتم طول عمره يبني عيل متى بيسكن .. الله يسهل
تُنسى ، كأنَّكَ لم تَكُنْ ..
اكيد ابي نصيحتك وكلنا نبي نصايحك .. باعصرك عصر في هالموضوع
ان شاءالله باخذ ايراني لانه سميك والوانه حلوة .. باصورلكم قريب ..
اسم الله عليكم ..
خلاص باطرش لكم اللوكيشن بس انطر علي لاني طالبه دوريه عند الباب
ابشر بس هاتوا معاكم غسولكم
تُنسى ، كأنَّكَ لم تَكُنْ ..
طبعا تصميم الخريطة ياخذ وقت والتعديل والتغيير فيه ايضا باخذ وقت ويجب اعطاء هذه المرحلة مايكفيها من الوقت بدون استعجال او تسرع..
اعمل خريطة وسوها 3d وشاور فيها ذوي الخبرة والمقاول ايضا عشان تكتشف اذا فيها عيوب او اذا فيها شي غير مضبوط او ربما يكون فيه فكرة جديدة انت ما مرت على بالك..
ثم بعد كذا تبدا تطبع الخرائط وتعطيها للمقاولين وتاخذ الاسعار منهم..
طبعا المقاول الصادق هو اللي نزل وشاف الارض بنفسه وحفر وخذ الخريطة وسوى حساباته من الى غير كذا اعتبره مقاول نصاب ولاتتعامل معاه..
الشي الثاني هو انك لما تتعامل مع مقاول انزل شوف المشاريع اللي سواها واذا قال لك انا اشتغل من الباطن عشان كذا اللوحة مش مكتوب عليها اسم شركتي اسحب عليه..
ايضا الشي الثالث تروح تسال عنه في البحث والمتابعة وفي المحاكم والنيابة العامة تشوف هل عليه قضايا او شكاوى هالشي راح يمنع وقوع مصيبة لاسمح الله..
معظم المقاولين ماسكين المواطن الغلبان من اليد اللي تعوره وهي كلام معسول جدا قبل توقيع العقد ولكن يبدا يختلف مية وثمانين درجة وقت بدا الشغل وطبعا يوقف الشغل ويخلي المسكين يراكض بهالمحاكم سنة وسنتين والبيت واقف..
يقول لك الارضية طلعت رخوة ولازم نزيد السعر والارضية مالحة ولازم نزيد السعر والعقد اللي وقعناه قديم والاسعار ارتفعت ومن هالكلام..
ايضا من اساليب المقاولين البواقين انه يدرو على الخلافات ..
تجده غير متعاون ابدا في اي شي تطلبه منه ومتضايق ولا يبي حتى يتكلم معاك للاسف انا ما ادري اشلون هالاشكال قدروا يحصلون رخصة بمزاولة هذه المهنة..
المفروض ابموضوع يكون فيه لايسن لمزاولة المهنة اللي عنده لايسن توقع معاه واللي ماعنده مانوقع معاه..
وفي حالة كثرت الشكاوى عليه يتم سحب اللايسن منه لكي لا ينغش به الاخرون..
بعد كلام اخونا قطرمان.. مابش كلام
في موازين حسناتك...
اللهــــــم ارحم أخي فايز واسكنه فسيح جناتك وسائر أموات المسلمين
عزيز اخوي بوزيد..
على جذي كل المقاولين حراميه الا من رحم ربي ..
سبحان الله الشركات كلها تشوف بيتك مشروع كيكة وكلن يبي ياكل منها شوي ..
والشاطر ( الحرامي العود ) هو اللي يغشك اكثر ويبوقك اكثر ..
:
امس كنت مع واحد سوري يبي يشطب لي البيت .. قلت له سعرك وايد مرتفع ..
قال انتي عارفه الحصار وهالامور .. قلت له الدوله وفرت لكم كل شي بديل عن الكجره اللي كان في السوق .. قام قال والايجارات بعد مرتفعهالموضوع مزعج لازم يكون في تقنين لنسبه الاسعار مب كل واحد وكيفه ..
تُنسى ، كأنَّكَ لم تَكُنْ ..
تشطيب البيت عند الهنود..
من الااااااااااااخر..
اذا تعرف حد عدل طرش لي رقمه ..
لان واحد من الاخوان هني بعد طرش لي رقم سوري ..
وهذولا احسهم عصابه كلن يعرف الثاني ..
تُنسى ، كأنَّكَ لم تَكُنْ ..
شركة التجهيزات المتحدة
44719570 / 44715352
طريق سلوى / جنب انصار جاليري
متخصص في الادوات الصحية وتجهيز الحمامات ( تكرمون )
والحوائط والارضيات والابواب والمطابخ والخزائن ..
بضاعتهم اغلبها المانيه ومتوفر ايضا الصيني جودة عاليه
المطابخ الايطاليه .. شامله ( الخزائن - الثلاجة - الفرن - المغسله والولف )
الاسعار بين 24000 لغايه ال60 الف .. حسب عدد الوحدات والمساحة ..
:
ابواب الخشب الخارجيه .. هالنوعين خشب فرنسي قيمة الباب الواحد 48000
اللون ناااااااااار ♥
:
الابواب العاديه للغرف .. عازله للصوت والحرارة ومقاومة للحريق 90 د
سعر الباب الواحد يتراوح بين 3650 غير شامل المفصلات والتيجان ..
:
المغاسل والمراحيض والبانيوهات والخلاطات اغلبها ماركة duravit الالمانيه ..
وهي كـ جودة افضل من جروهي بمراحل ..
الاسعار تختلف من 2000 وطالع ..
تُنسى ، كأنَّكَ لم تَكُنْ ..
ضوابط المشاركة
رد مع اقتباس
