صفحة 2 من 2 الأولىالأولى 12
النتائج 11 إلى 15 من 15

الموضوع: موقع مناقصات

  1. #11
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اسمحوا لي اخواني الجوكر وسارة حكمكم خاطيء ومعاكم حق فيه لأن الاستشارات والمقاولات خربوها ناس قلة يمكن دخلاء على هذي الصنعة والعيب في قوانين البلاد وأجهزتها الرقابية والإدارية لهذي الشغلات .. للحين ما زال فيه ناس شغالين بهمة ومهنية بس بعد لازم يضمنون لقمة عيشهم حسب الاتفاق وحسب أُصول المهنة

    كم مقاول قابلت ينصحني نصيحة واضحة ومخلص بها وكم استشاري كذلك ولكل شغلة ناسها .. مثال مقاول بغيته يسوي لي كل شيء وحسب تفاصيل وعقد واضح ودقيق .. قالها صراحة انه نسق وجاب أسعار من مقاولين ثانيين للخشب وللأعمال المعدنية وللتكييف .. والأسعار بعضها طلعت غالية وحتى اسم المقاول مسجل في العقد المبدئي .. مع التفاوض مع الاستشاري وصلت لحل إن المقاول الرئيسي يسوي كل شيء ما عدا شغل الحديد درابزين وأبواب والخشب هو عليه الفريم الاساسي اللي اسمه سب فريم يتركب عليه الفريم .. والصبغ والجبس ورخام الدرج أما باقي أعمال البلاستر والكهربة والارضيات عليه حتى خارج الحوش وعليه حماية الموقع ومسؤوليته حتى في وجود مقاولين ثانيين

    كل أعمال المياه وتركيب الحمامات عليه وعلي التوريد وهو مسؤول يستلم ويعاين ويحافظ على القطع .. اللي صار المقاول كان ماسك الموقع من البداية للنهاية وكان ناصح أمين لي هو والاستشاري ويتابع الاستشاري بتخصصات احتاجها مثل الكهرباء والميكانيك واستفدت من مهندسيه وايد .. من ضمن الأشياء اللي سويتها معمارياً كان درج معلق من تحت وفوق وبارز بشكل خطر بدون عمود تحته يتوازن بالشد من جهتين .. هذا تصميمه صعب وكان المقاول خايف من التصميم ومخلي الدعامات الحديد تحته فوق شهرين

    الاستشاري راجع تصميمه وتخوف وجاوا كم مهندس انشائي وقتها وطلبوا من المقاول تمديد حديد 20 ملم بكامل الطول من أسفل الدرج وقاعدته لين الصالة العلوية حتى ينربط الدرج ربط قوي .. بالصدفة كنت موجود ووضحوا لي تخوفهم وحلهم المقترح والمقاول نفذه بالحرف وبدون أي تكلفة اضافية

    لو بنجي للحسابات شركات رخيصة درجة رابعة وحتى غير مصنفة عطوني فوق 3 ملايين عرض سعر وهذا المقاول عطاني 1.1 مليون وهو درجة أُولى وقوي .. وفي المناقصة خذت سنة في ركضة مع الاستشاري واجتماعات لين قدرت اقرر ولا رحت لرخيص بغالي بل توفقت في غالي برخيص والحمد لله

  2. #12
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اخوي معماري لاتتكلم عن مقاولين قبل 10 سنين ..
    لين جيت تبني انت وعيالك ( وربي يكون في عونكم مقدما ) راح تتذكر كلامي ..

    قال نصيحة قال
    وقت الصج كل نصيحة فوقها همجه
    تُنسى ، كأنَّكَ لم تَكُنْ ..

  3. #13
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة sara jsm مشاهدة المشاركة
    اخوي معماري لاتتكلم عن مقاولين قبل 10 سنين ..
    لين جيت تبني انت وعيالك ( وربي يكون في عونكم مقدما ) راح تتذكر كلامي ..

    قال نصيحة قال
    وقت الصج كل نصيحة فوقها همجه
    خلال العشر سنين ممكن ساءت الأُمور بس نجحنا في بناء ثلاث بيوت وعمارة صحيح بدون مبالغات الا شوي في بيت مثل الحجر والمصعد وشوية تغييرات إخوي الله يغفر له أقدم عليها وصحيح الاستشاري لف ودار معاه .. كان يستشيرني ولا ينتبه لما اقول وهذا تركه عرضة للطمع وخصوصاً الاستشاري من جنسية عربية معروفة باللف والدوران

    دوم فيه أعباء على المالك ودوم الاختيار الصح هو اللي ييسر بناءه .. فيه مالك ما يهمه يقعد يبني 10 سنين وخطته مبنية على هذي الفترة حتى التدفق المالي عنده محسوب على هذي الفترة .. وعامل حسابه من ناحية الحارس ومجهز له غرفة ومكينة كهرب ومتحمل الوضع .. وفيه مالك محدد سنتين ويسكن وهذا اللي لازم ينتبه لعقده ويحاول يتصرف أول بأول ولازم يكون المبلغ متوفر ومتوفر احتياطي لأي أمر طاريء

    إذا فيه انحدار ومؤكد فيه في مجال البناء فالمسؤولة عنه جهات الدولة المختصة وذكرت هالنقطة ووضحتها مرات عديدة وحددت نقاط حلها

  4. #14
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    بالنسبة للعمارة تعقيدات الدفاع المدني أخرتها وزادت التكلفة قليل بس بعد توفقنا في بناءها وفي تأجيرها والحمد لله .. والقصة مع الاستشاري التعيس طويلة وكان يسوي مشاكل من لا شيء فقط لأني فرضت عليه مقاول وهو كان يبي ثاني المدير من جنسيته وفرق السعر 600 الف ريال المالك اللي بيدفعها .. بدال ما تكمل في سنة خذت حول 4 شهور زيادة بس الحمد لله دخلت راسمالها من فترة ليست بالقصيرة

    أما البيتين اللي بدون تغييرات كانوا للوالد الله يرحمه خلصوا بسرعة وبنيانهم جيد لأن المقاول قوي ومتمكن وعطانا سعر جيد بحدود 2300 للمتر المربع تسليم مفتاح

  5. #15
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    يعني هذا هو ماتغير شي لا من قبل ولا من بعد ..
    بس البوق والغش صار بتطور اكثر ..

    :

    المشكله ماعندنا قوانين في المقاولات والبنيان ..
    لازم تكون في جهة رسميه تضم هالقسم معاهم وتحدد المعايير ..
    عشان مايصير غش واستغلال ..
    تُنسى ، كأنَّكَ لم تَكُنْ ..

صفحة 2 من 2 الأولىالأولى 12

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •