أهل القرى الباقين من كبار السن، ابغي ارد السلام من بعيد لكن بعض امهاتنا يمسكونا يسلمون علينا ويلمونا ويبجون.. مرة كنت مستغرب قلت للي معي، هذي العجوز بهدلتها ليش تلمني وتفداني بالشكل هذا، قال لي ما ينحب الا الشقي.. للاسف انا احكم علي نفسي وعلى جيلي اننا مش احسن منهم لا في النية ولا في الصبر ولا في مواصلة الناس.. الاولين وبس
يا اخوي خاطري ارجع ضعيف
الشنطة اللي على الطاولة يدوية سامسونايت أعتقد عندي للحين
مع رفيقة حياتي الإبرة وهذي كانت مزعجة تعور قبل وكنت مهمل أخلي الأنسولين في مخباي عادي والمفروض بين 2 - 8 درجات
الله يذكره بالخير دكتور محمد الخيارين غير لي الأنسولين وكلم الدكتور المختص هناك يغيره وكان اللي يعطونا في قطر أما مستخرج من خلايا الخنزير ( تكرمون ) أو البقر وحولوا لي النوع للإنساني 100%
ما اعتقد الصور فيها شيء يزعل
هذي يميني ألحين رئيس قسم الجلدية ويساري كنت متمني أشوفه وكان شريكي في السكن فترة ابراهيم عباس الله يغفر له توفى من فترة حول سنتين أو ثلاث .. كأننا في مدرسة المشاغبين
الأنسولين يسوي مواقف وله مع كل مريض قصة، بس من الذكريات بعد مرة خرجت مع الاخ بو عبدالله وتمشينا بالدوحة وكنت شايل هم العشا لاني ما اتعشى هذا روتين حياة، بعد التمشية راح ابو عبدالله يبنا نتعشى، من حسن الحظ انه مضيع الأبرة.. فقلت الحمد لله هذا انت فكيتنا من العشا.. لكنه ما طاع راح يبغي يشتري من صيدلية.. حتى اني قلت يمكن انه جاع.. المهم ما حصل أبرته ومع ذلك تعشينا عشا طير وكان يسولف ويشرب عصير وخلا الثقيل علي.
الله يجزاك خير يبو عبد الله و الأهم هو الاختلاط بالناس و التعارف الطيب.