من @ ( الذكريات) @

[معماري قطري]

الأنسولين يسوي مواقف وله مع كل مريض قصة، بس من الذكريات بعد مرة خرجت مع الاخ بو عبدالله وتمشينا بالدوحة وكنت شايل هم العشا لاني ما اتعشى هذا روتين حياة، بعد التمشية راح ابو عبدالله يبنا نتعشى، من حسن الحظ انه مضيع الأبرة.. فقلت الحمد لله هذا انت فكيتنا من العشا.. لكنه ما طاع راح يبغي يشتري من صيدلية.. حتى اني قلت يمكن انه جاع.. المهم ما حصل أبرته ومع ذلك تعشينا عشا طير وكان يسولف ويشرب عصير وخلا الثقيل علي.

الله يجزاك خير يبو عبد الله و الأهم هو الاختلاط بالناس و التعارف الطيب.

والله نسيت يا بو زيد أذكر عشانا في الفندق في مكة بس في الدوحة تلاقينا بس ما اذكر

ألحين من اطلع شنطة الإبرة معاي عندي وحدة حمراء فاقعة وعليها شعار الصيدلية تلفت النظر وعندي رصاصية مكتوب عليها كافيار ايراني هذيلا الثنتين تحط فيهم ثلج ويحفظونه فترة طويلة بارد .. الحمراء صغيرة وخفيفة .. عندي ثانية بيضاء عبارة عن ثلاجة يو اس بي صغيرة تشتغل على كهرباء وبطارية ويو اس بي بس شغلة شيلها الشناط عمليات أكثر والحمراء تدخل درج السيارة وتأمن من حرامي يشوفها يحسب فيها مليون ريال

[sara jsm]

ههههههه عادي قولي ذي إنتي وتحصلينج مولودة قبل ليكتشفون التصوير

ها ها ها ها

:

مع رفيقة حياتي الإبرة وهذي كانت مزعجة تعور قبل وكنت مهمل أخلي الأنسولين في مخباي عادي والمفروض بين 2 - 8 درجات

يااخي قول الحمدلله انها ابرة سكر و وراها اجر مب ابرة مخدرات ههههههههه

[معماري قطري]

ها ها ها ها

:


يااخي قول الحمدلله انها ابرة سكر و وراها اجر مب ابرة مخدرات ههههههههه

الحمد لله ولا أفوتها من كنت 17 للحين وألحين 4 إبر قبل ثنتين بس الدواء عن دبل لأنه مخلوط نوع طويل الأمد شوي ونوع سريع

تطري علي سوالف صارت معانا قبل .. كان عندنا كلب الله يعزكم سلوقي مسمينه بلوج ولا أدري ليش مختارين هالإسم وكلبة اسمها ودعا .. الكلبة بيضاء وبلوج بني فاتح أزعج غنم واحد من شيابنا الله يرحمه وكان عصبي طرش سايقه بشوزن خلاه يرمي الكلب ومات وأعتقد كنا نشوف وإستوت كراهية بيننا وبين الشيبة خذنا الكلب ودفنناه وجانا واحد من الكبار قال ما يصير تدفنون الميت بدون ما تصلون عليه ونسويها بقناعة نصف كلنا جنب القبر ونصلي

كان اسطورة هذا الكلب وكنا صج نحبه .. واحد جاب ألعاب نارية قمنا نحطهم قريب مجلس الشيبة اللي سايقه قتل الكلب ونطل عليه وكنا ملقبينه لقب مب زين ويطلع يبي يمسكنا ونولع الألعاب النارية وقبل ليمر تبدأ تنفجر وحدة وراء الثانية وإحنا نضحك عليه .. كنا نحس إننا انتقمنا منه وهو ولا درى بنا

ودعا عقب رفيق دربها بلوش استوت تماشي كلاب ثانيين جعر مب سلوقيين ووصخين .. ثرى انا كنت متابع للأحداث بس ما لي يد في مجريات الأُمور ولا في التخطيط الاستراتيجي للعمليات .. عمي اللي تقريباً في سني وإخواني اللي كلهم أصغر منه وعمي الصغير كانوا عصابة بقيادة عمي والكلاب هو المالك الحصري لهم .. المهم قرروا يسوون حملة تطهير عرقي للكلاب الجعر ويمسكونهم ويودونهم فوق بيت ينبني يربطون رقبة الكلب بسلك معدني ويربطونه في طابوقة فوق ويرمونه من فوق السطح وينشنق الكلب

[sara jsm]

لا اله الا الله ..
ويقول الاجانب والمراهقين مسوين ازعاج عند المجمع !!
وانتو شنو يالمجرمين ههههههههه اعنبوه حتى ابليس مافكر بهالطريقة ..

[معماري قطري]

لا اله الا الله ..
ويقول الاجانب والمراهقين مسوين ازعاج عند المجمع !!
وانتو شنو يالمجرمين ههههههههه اعنبوه حتى ابليس مافكر بهالطريقة ..

انا كنت شاهد على الأحداث ولا شاركت

كان من ضمن تعذيب الحيوانات صب بترول على القطاوة وتوليع النار فيهم عاد في ليل أسود وكانت الفرجان قبل مظلمة مب مثل هالوقت ليتات كل صوب

خلينا من الرعب وشوفي العالم مع أول بدايات تصوير الأفلام

[sara jsm]

سبحان الله اشلون الحريم مستورات وهم مش مسلمات ..
يلعبون تنس بالدراعة الله يهديهم ويهدينا ..

[سالم الزهران]

كتبت ذكريات من صباح الله ورديت حذفتها.. جرني لها معماري ومشاركته الأخيرة

[معماري قطري]

سبحان الله اشلون الحريم مستورات وهم مش مسلمات ..
يلعبون تنس بالدراعة الله يهديهم ويهدينا ..

شفتي شلون يلاحقون السيارات

تدرين قبل يوم شافوا السيارة أول ما دخلت السيارات علينا حطوا لها جت وعشب يبونها تاكل والسالفة متناقلة ما ادري صج أو لا

[sara jsm]

والله انت ادرى .. كنت في ذيك الحقبه ..
انا اشدراني .. توني مواليد الفين

[معماري قطري]

والله انت ادرى .. كنت في ذيك الحقبه ..
انا اشدراني .. توني مواليد الفين

حتى يدي ما لحق عليها ويمكن لحق وكان صغير