صفحة 12 من 27 الأولىالأولى ... 2101112131422 ... الأخيرةالأخيرة
النتائج 111 إلى 120 من 269

الموضوع: من @ ( الذكريات) @

  1. #111
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    زمان ، شرى لنا الوالد سياكل.. تمت مخشوشه في البيت شهرين ونحن ما ندري عنها، خاشتها الوالده عنا ؟ لليوم مدري ليش و اعتقد احد قالها ان العيال يطيحون ويتكسرون او شيء من هذا القبيل.

    الغريب في شراء الوالد للسياكل رغم انه يكرهها والاغرب تصرف الوالده.. اكثر شيء اتذكره هو كثر السكينة والطمأنينة اللي كانت بالبيوت، لو طاح علبة جبريت في المطبخ نسمع صوته في اخر البيت. كان الصباح يبدأ بسماع صوت المخمة في الليوان ومن جدام ابواب الغرف مع اختلاف البيوت في منطقتنا عن البيوت الخليجية التقليدية لكن البهو اللي وسط البيت كان موجود في بعض البيوت عندنا.

    صوت الراديو والاشغال اللي كانت تنشغل فيها المرأة فعلاً كانوا مالين وقتهم ولا عندهم فراغ،، تبطل دولابها او شنطتها وتطلع قماش تجلس تخيط فيه شهر لين تسوي منه نفنوف ولا لباس.

    الله يذكر زمان الراحة ويذكر أهله بالخير ويجزاهم خير ويجعل لمن سبق منهم الجنة بلا حساب

    اللهــــــم ارحم أخي فايز واسكنه فسيح جناتك وسائر أموات المسلمين

  2. #112
    عضو مؤسس الصورة الرمزية كلاسيك قطر
    رقم العضوية
    28048
    تاريخ التسجيل
    Sep 2009
    الدولة
    في قلب قطر
    المشاركات
    6,738
    من فتره جاني ولد خالتي يسالني

    يقولي اتخبر كيوتل مسوين جهاز ويغنون على الجهاز

    يلي يقول فيها قطر قطر كيبل فيجن

    قلتله ذكرتني فيه الاغنيه
    وبس ومن يومها ادور الاغنيه هاذي
    وماحصلتها
    مادري اذا حصلتوها في مكان بس ماعليكم امر تحطونها اهني او ترسلولي ع الخاص
    كلاسيــك قطـــر


    حسابي في تويتر
    قطر زمان
    https://twitter.com/qtrzaman

    نتشرف فيكم
    حسابي قطر زمان في سناب شات

    https://www.snapchat.com/add/QtrZaman

  3. #113
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    يمكن الاخوان يفيدونك يا كلاسيك .. و شكلك هاوي تراثيات مثل الكثيرين من جيل الثمانينيات.. وفقك الله ،

    اللهــــــم ارحم أخي فايز واسكنه فسيح جناتك وسائر أموات المسلمين

  4. #114
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    من الذكريات في آخر الابتدائي كنا نجيب فطور معنا وكل يوم على واحد .. ونروح في الفسحة ورى شجرة في حوش المدرسة ونتريق، كان الافطار مميز لانا نجيبه من برع ويوم عن يوم يختلف.. المهم شافنا واحد من الطلاب ومب أي واحد، ابوه وكيل المدرسة وخفنا يعلم .. قام واحد من الشلة قاله بكره تفطر معنا و الولد ما صدق لان نحن نعتبر كبارية المدرسة.. فواثقين محد يعلم من بقية الطلاب بس هذا خاف منه رفيجنا وقام عزمه!
    بالنسبة لي ما عجبتني الفكرة كلش ، لاني ما احبه ولا احب ابوه و فوقها الولد بيستقعد لنا، لا وكان أمتن واحد في المدرسة :/

    الحاصل ان الرفاقه يحاولون يصغرون السالفة ونا شايفه بتفشل مدري ليش!

    اليوم الثاني سبحان الله كان الفطور علي، جبت لهم حسب طلبهم نواشف جبن وطرشي وتونه وزيتون وقشطة ومن هالمعلبات! وحضر الضيف الثقيل ! و يوم استوت السفرة و جينا نسمي الا يطلع لنا الضيف بطلعه غريبه؟

    يقول (وين العسل ؟ جايبين قشطة بدون عسل )

    اطالع للزملاء ويطالعون فيني بخجل ونا اقول له؟ يا الاخو ما نقدر نجيب عسل لانه ما ينقط مثل هذي و تعرف شغلة! ونا من داخلي ودي ادفره و ابرد حرتي..

    سبحان الله ابو نقلوه تأديبي من مدرستنا وخذ ولده معاه و الله فكنا و يحق لنا نتصدق ،، وسقى الله أيام المدارس وشقاوتها.

    اللهــــــم ارحم أخي فايز واسكنه فسيح جناتك وسائر أموات المسلمين

  5. #115
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    من الذكريات المدرسية بعد، ومب متأكد اذا سبق وذكرتها أو لا ؟ في الإذاعة المدرسية فقرات منها (الحديث الشريف)! واغلبنا حافظ بعض الأحاديث فإذا نسي واحد من الصف اللي عليه الإذاعة نكتب له حديث بسرعة ؟

    السالفة الغلط اللي كنت اسويها شخصياً كنت اكتب لاحدهم حديث او للصف حقنا و اكتب معه التخريج من راسي جذي !

    (المؤمن القوي خير وأحب الى الله من المؤمن الضعيف)

    رواه مسلم / رواه الترمذي ... اي شيء .. المهم انه رواه و السلام عليكم ورحمة الله وبركاته! ههه

    اللهــــــم ارحم أخي فايز واسكنه فسيح جناتك وسائر أموات المسلمين

  6. #116
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    كان عندنا مدرس مصري دبدوب و اسمراني و الساعة غاتبة في يده من المتن.. يوم من الأيام قابلته صدفه يشتري زغاليل (فروخ الحمام) ويكاسر اللي يبيعون و يبغي الزغاليل بس بدون الحمام الكبار!

    سألت واحد ليش يشتري بس الزغاليل؟ تفاجأت يوم قال لي (هذيلا المصريين ياكلون الزغاليل ويسوون عليها طبخات)!
    والله انا زاد عجبي واستغرابي ،، الحين الاستاذ احمد هذا كم يبي له زغلول عشان يشبع؟ مررره مب داشه في راسي؟

    المهم يوم علمت الطلاب، بين مصدق و مجذب لين تشجع واحد منهم وسأل الاستاذ أحمد عليوه ، قال له يا استاذ انتم تاكلون الزغاليل؟
    قال له : آه ياض ... انت عندك زغاليل ياض .. متقولش ليه .. كم عندك زغاليل ؟

    قمنا نضحك و الاستاذ مستغرب ، لانه بصراحة يقدر ياكل قعود ههههه

    الله يرحمه حي ولا ميت و يجزاه عنا خير .. نعم الاستاذ كان.

    اللهــــــم ارحم أخي فايز واسكنه فسيح جناتك وسائر أموات المسلمين

  7. #117
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة سالم الزهران مشاهدة المشاركة
    من الذكريات المدرسية بعد، ومب متأكد اذا سبق وذكرتها أو لا ؟ في الإذاعة المدرسية فقرات منها (الحديث الشريف)! واغلبنا حافظ بعض الأحاديث فإذا نسي واحد من الصف اللي عليه الإذاعة نكتب له حديث بسرعة ؟

    السالفة الغلط اللي كنت اسويها شخصياً كنت اكتب لاحدهم حديث او للصف حقنا و اكتب معه التخريج من راسي جذي !

    (المؤمن القوي خير وأحب الى الله من المؤمن الضعيف)

    رواه مسلم / رواه الترمذي ... اي شيء .. المهم انه رواه و السلام عليكم ورحمة الله وبركاته! ههه
    تُنسى ، كأنَّكَ لم تَكُنْ ..

  8. #118
    عضو مؤسس الصورة الرمزية كلاسيك قطر
    رقم العضوية
    28048
    تاريخ التسجيل
    Sep 2009
    الدولة
    في قلب قطر
    المشاركات
    6,738
    اقتباس المشاركة الأصلية كتبت بواسطة سالم الزهران مشاهدة المشاركة
    يمكن الاخوان يفيدونك يا كلاسيك .. و شكلك هاوي تراثيات مثل الكثيرين من جيل الثمانينيات.. وفقك الله ،
    اي والله طال عمرك
    واتمنى احد يرد علينا
    كلاسيــك قطـــر


    حسابي في تويتر
    قطر زمان
    https://twitter.com/qtrzaman

    نتشرف فيكم
    حسابي قطر زمان في سناب شات

    https://www.snapchat.com/add/QtrZaman

  9. #119
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    أحد الزملاء كان مدخن شره و حصله مشوار مع ناس الى اصدقاء لهم في قبيلة مجاورة لنا، يقول الزميل راعي السالفة:

    وصلنا لخوينا عند آل فلان و قلطنا المجلس و تقهوينا و جانا الشاي و بديت اقلب مخباي وادور على الباكيت ولكن لاحظت المجلس ما فيه طفاية سجاير.. قلت له الله لا يهينك ابغي ادخن وما اشوف عندكم طفاية.. فال لي راعي البيت.. الله يحفظك حنا ما ندخن في مجالسنا طول ويعتبر عندنا منقود و اذا بتدخن عز الله انك أول واحد يدخن بمجلسي واظني بستوي الاول في الجماعة اللي مجلسه فيه دخان.

    يقول استغربت لكن بحكم الميانة قلت والله انا بدخن والله يعينك تعرفني من سنين أنا مبتلي ولا اقعد ولا اقوم الا بسجارة!

    رد عليه راع البيت: قال والله ما في بيتنا طفاية و لكن اصبر نطرش احد يروح البقالة يجيب لنا وحدة بسكات. يقول الرجل استحيت يوم عرفت السالفة صدق و قلت له حاشا .. ولاني مدخن نهائياً.. حتى لو الطفاية جدامي...

    يقول الزميل، توسعنا في موضوع التدخين مع الربع وجلس راعي البيت يتكلم عن دور العادة ذي في تقليل عدد المدخنين في جماعتهم،، لان مجالسهم صار لها اعتبار اثر في نفوس الناس لين فعلاً اشعرهم بخبث هذا الشيء .

    الزميل (المدخن) يقول: الباكيت اللي شريته والله ما فتحته وكان آخر باكيت شريته لاني فعلاً عزمت اني اترك الدخان .. والله وفقني بعد هذاك المشوار.

    اللهــــــم ارحم أخي فايز واسكنه فسيح جناتك وسائر أموات المسلمين

  10. #120
    عضو مؤسس الصورة الرمزية كلاسيك قطر
    رقم العضوية
    28048
    تاريخ التسجيل
    Sep 2009
    الدولة
    في قلب قطر
    المشاركات
    6,738
    عندي سوال شباب وين كانت أول الإشارة الضوئية في قطر؟
    كلاسيــك قطـــر


    حسابي في تويتر
    قطر زمان
    https://twitter.com/qtrzaman

    نتشرف فيكم
    حسابي قطر زمان في سناب شات

    https://www.snapchat.com/add/QtrZaman

صفحة 12 من 27 الأولىالأولى ... 2101112131422 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •