صفحة 3 من 27 الأولىالأولى 1234513 ... الأخيرةالأخيرة
النتائج 21 إلى 30 من 269

الموضوع: من @ ( الذكريات) @

  1. #21
    تميم المجد الصورة الرمزية R 7 A L
    رقم العضوية
    34949
    تاريخ التسجيل
    Oct 2010
    الدولة
    Qtr
    المشاركات
    35,984
    في نهاية السبعينات كان بيتنا في منطقة اللقطه كنت صغير ذاك الوقت كان بيتنا قريب من مزرعة الربان الي الحين
    صارت مدارس الفرقان كنت اطلع حافي الحق اخواني الكبار يدخلون المزرعة مع عيال الفريج يصيدون حمام يطردوني والحقهم وفي وسط المزرعة يلعب فيني الشوك واقعد اصيح ولا حد حولي ارجع البيت وتشيل الوالدة الله يعطيها الصحة والعافية الشوك وانا زعلان حدي عليهم وكل مره اقول بلحقهم ونفس الشي كانت المزرعة على اخر ايامها وكانت مهمله واغلب الشجر ميت كان فيها بركاتين ماي كبار وحده منها بغيت اروح فيها ومنها جاتني فوييا من السباحة
    ارتقوا فإن القاع مزدحم

  2. #22
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    يوم من الأيام وحدة من خواتي الكبار، تركت كتابها في الدريشه واكله الغنم. المهم الوالدة قالت روحوا علموا الاستاذة!

    مدرسة البنات كانت توها متأسسة يمكن في عام تسع وسبعين و سالفتنا ذي يمكن حصلت في الأربع وثمانين. كان في المدرسة معلمتين فلسطينيات وأخوات بعد.. الكبرى أسمها جميلة والثانية وداد وكان معهم وحدة سودانية فقط. المهم الفلسطينيات مع أبوهم ساكنين بنفس القرية و جدي رحمه الله عطاهم بيت.

    نرجع بكم حق الوالدة يوم تقول لي رح مع اختك عند الاستاذة وقلها كتاب اختي كلته الدبش.. هذا الكلام عصير.. ونا رايح مع اختي.. الا اختي تقول لي ( وش بتقول للاستاذة؟) قلت بقول كتاب اختي فلانه تشقق! قالت لا؟ تراها ما بتفهم عليك.. لكن قل ( تمزق)!

    والله انها أول مرة بحياتي أسمع هالكلمة (تمزق)؟ المهم رحنا و في الطريق صادفنا واحد من الجماعة الله يغفر له كان جالس على جنب و مرينا من عنده و (برد اعلمكم عن سالفتنا معه).

    وصلنا عند الفلسطينية و دخلت و بغيت اجلس على طراحة مفروش عليها شرشف الا هي تصرخ.. لا لا
    رجعت جلست على الارض وقالت لي.. هذا الشرشف تحته خبز قاعد يتخمر كنت بتجلس عليه.. عاد انا متعجب شلون يعرفون يسوون روتي مثل المخبز؟

    المهم علمتها بالسالفة و زعلت و خاصمت شوي وردت تسولف معي! قالت لي أشتحفظ من القرآن.. علمتها وقريت لها بعض الصور.. المهم الله يذكرهم بالخير.. رجعنا البيت و اطمأنت الوالدة على وضع اختنا.

    لكن عقب المغرب أنا وختي صادتنا صخونة و فجأة تعبنا.. لدرجة صرت أهذري و اعلم الوالدة عن الفلسطينية و وشلون شكلها و وين حاطين الخبز.. وفي أثناء الكلام.. قلت للوالدة ( وفي الطريق قابلنا فلان اللي من الجماعة).

    الوالدة كان تسمع اسمه وترتاع..وتقوم تلبس عباتها وتزهم على احد اعمامي و يروح يجيب ذاك الرجل اللي من الجماعة و يجي يقرأ علينا و يبخ علينا ماي و يسمي بالرحمن... المهم انه صكنا بعين وحنا مارين من عنده.. ويقول لأمي والله ما قصدت ولا عرفت انهم عيالكم.

    ههههه والله لحصل ما ذكرت لكم و الله يسامح الجميع.

    اللهــــــم ارحم أخي فايز واسكنه فسيح جناتك وسائر أموات المسلمين

  3. #23
    عضو مؤسس الصورة الرمزية Dana’1
    رقم العضوية
    24689
    تاريخ التسجيل
    Mar 2009
    الدولة
    الريـان & الشـرقية
    المشاركات
    11,288
    العين تذبح حسبي الله على الي ما يذكر الله إذا سره شي طاحت عينه عليه


    والزعل او الحزن مع الروعه عند العتب شي ثاني أعوذ بالله من الهم والحزن والروعات
    التعديل الأخير تم بواسطة Dana’1 ; 13-05-2019 الساعة 12:25 AM


    المعركة الحقيقية هي معركة الوعي و الإحتلال الحقيقي هو إحتلال السفهاء للمنابر.
    فن التعامل مع الآخرين جاء في ثلاث عبارات قرآنية في آية واحدة
    ‏﴿خُذ العَفْو، وَأْمُرْ بالعُرْف، وَأَعْرِضْ عنِ الجاهلين﴾

  4. #24
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    اقتباس المشاركة الأصلية كتبت بواسطة R 7 A L مشاهدة المشاركة
    في نهاية السبعينات كان بيتنا في منطقة اللقطه كنت صغير ذاك الوقت كان بيتنا قريب من مزرعة الربان الي الحين
    صارت مدارس الفرقان كنت اطلع حافي الحق اخواني الكبار يدخلون المزرعة مع عيال الفريج يصيدون حمام يطردوني والحقهم وفي وسط المزرعة يلعب فيني الشوك واقعد اصيح ولا حد حولي ارجع البيت وتشيل الوالدة الله يعطيها الصحة والعافية الشوك وانا زعلان حدي عليهم وكل مره اقول بلحقهم ونفس الشي كانت المزرعة على اخر ايامها وكانت مهمله واغلب الشجر ميت كان فيها بركاتين ماي كبار وحده منها بغيت اروح فيها ومنها جاتني فوييا من السباحة
    هلابك خوي رحال، انت يا الحبيب الصغير و والدتك حفظها الله تفقدك، فما يصلح ياخذونك معهم و تفقدكم الوالدة، فانت ياخوي استرح لا تخرب على غيرك ههههه بس ما طعت.

    اللهــــــم ارحم أخي فايز واسكنه فسيح جناتك وسائر أموات المسلمين

  5. #25
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    اقتباس المشاركة الأصلية كتبت بواسطة Dana’1 مشاهدة المشاركة
    العين تذبح حسبي الله على الي ما يذكر الله إذا سره شي طاحت عينه عليه


    والزعل او الحزن مع الروعه عند العتب شي ثاني أعوذ بالله من الهم والحزن والروعات
    اللهم امين.. وكلامك صحيح ، عندنا كان فيه جهل و اشياء اول مرة يشوفونها من شنطة المدرسة والشرايط حقت البنات، والعين في بعض الناس طبع.. بعضهم نضل اولاده و بعضهم نفسه.

    اللهــــــم ارحم أخي فايز واسكنه فسيح جناتك وسائر أموات المسلمين

  6. #26
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    مرة كنت راعي بالغنم في جبال عندنا اسمها الفراع... الساعة تسع ونص الصباح شفت من بعيد حرمة تمشي.. شكيت انها الوالدة.. قمت اسوق غنمي أسفل الجبل عشان أقرب.. لاحظت انها صارت توقف وتطالع جهتي.. ذاك الوقت تأكدت أنها الوالدة.. الحين السؤال وين رايحة؟ القرية الثانية فيها خوالي و لكنها ما راحت صوبهم.. راحت بيت قريب حق عمة أبوي.. حرمة كبيرة في السن ذاك اليوم عمرها يمكن خمسين.. وباقي معها بنية صغيرة في سني آخر العنقود.

    المهم أني رحت بالغنم صوبهم و يوم قربت الا الوالدة واقفة قبال الدريشة.. قالت ليش جيت وتركت غنمك؟ قلت بشرب وأسلم على جدتي و أرجع! المهم الوالدة ممتعضة لكن الجدة رحبت و وانا ادخل اسلم عليها و نلقط لنا كم حبة تمر و بسكوت..

    الغريب ان بنت العجوز اذا جاء احد عندهم تختفي! كان من العيب يقعدون البنات مع أمهم اذا جا ضيوف.. يتمون بالمطبخ أو بغرفتهم.

    المهم أنا جيت ماشي و انتبهت الا خارج البيت في الحوش من الجنب فيه زراعة وتحتها العاب.

    الالعاب كانت عرايس للبنية.. عرايس يسوونها البنات الكبار للصغار.. يجيبون خشبة صغيرة مثل المرسام بس تكون مسطحة ويلفون عليها قماش و يربطون عليها ربطات وتستوي لعبة.

    عاد أنا شفت كمية عرايس ومقاسات والوان.. بس كلها ما لفتت نظري مثل ما لفت نظري جبن مثلثات موزع عند الالعاب ذي؟

    المهم أني كليت الجبن كله.. و اروح الحق غنمي... رحنا و راحت الأيام... واسمع الوالدة تقول : بنروح نسلم على جدتك فلانه؟ (نفس الحرمة).

    قلت لها بروح معكم؟ ونا قصدي بواصل مناك على عيال خالي والنية طيبة.

    الا الوالدة تقول لي : لا و جدتك ما عاد تبغي تشوفك، انت ما تدري أنها ما تسفط في بنيتها واغراضها تقوم تاكل الجبنة؟

    انا قلت وين ومتى صار؟ قالت الوالدة : ما مداك خرجت لين جت البنت تبكي و علمت انك لعبت بالعابها و كليت الجبن مالها!

    حسيت باحراج و حتى ذي الشغلة ما مرت بسلام.

    اللهــــــم ارحم أخي فايز واسكنه فسيح جناتك وسائر أموات المسلمين

  7. #27
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    ههههههههههههه وين ولد العرب عنك .. اظن بيقطع علاقته فيك ياحرامي الجبن
    تُنسى ، كأنَّكَ لم تَكُنْ ..

  8. #28
    عضو مؤسس الصورة الرمزية نفسي عزيزه
    رقم العضوية
    24829
    تاريخ التسجيل
    Mar 2009
    المشاركات
    17,162
    اقتباس المشاركة الأصلية كتبت بواسطة سالم الزهران مشاهدة المشاركة
    أذكر أول سنة صمتها كانت سنة 1988
    كان فيه مدرسة ذاك الوقت و كنت بالابتدائي، كان معي بالفصل زميل أسمه متعب و أذاني ذاك اليوم ونحن راجعين الظهر من المدرسة صفيت حسابي معه، المسكين طاح وتعور وسال دمه حتى على ثوبي، رحت البيت شافتني الوالدة.. قالت ليش الدم على ثوبك و عرفت اني تهاوشت... قالت لي.. انت الحين كيف صايم و تضارب؟
    قلت لها : ليش وش فيها يعني؟ قالت لي : فيها أن صومك فسد و ترى اللي يضارب ماله صيام... قلت الله.. كل ذيه عشان متعب التوتي!
    الله يذكره بالخير لا زلت اقابله في المناسبات و لا اظنه يذكر السالفة
    اول سنه لك صمتها 1988 شكلك من عمري انا كنت فالابتدائي بعد واعتقد 88 او 87 اول سنه صمتها

    يالله حيه الزهران لازم نتعرف على بعض

  9. #29
    عضو مؤسس الصورة الرمزية نفسي عزيزه
    رقم العضوية
    24829
    تاريخ التسجيل
    Mar 2009
    المشاركات
    17,162
    ماعندنا بنات يضحكون يلا الخلا روحي غرفتج ههههههههههههههههها
    تبا لاخلاقج قووو اوووت من حياتي

  10. #30
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة نفسي عزيزه مشاهدة المشاركة
    اول سنه لك صمتها 1988 شكلك من عمري انا كنت فالابتدائي بعد واعتقد 88 او 87 اول سنه صمتها
    يالله حيه الزهران لازم نتعرف على بعض
    اتوقع اول سنه واخر سنه تصومها يالفاطر
    فااااارق منااااك
    تُنسى ، كأنَّكَ لم تَكُنْ ..

صفحة 3 من 27 الأولىالأولى 1234513 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •