افضل نظام غذائي في شهر رمضان لتنزيل الوزن

[فريج البراحة]

افضل نظام غذائي في شهر رمضان لتنزيل الوزن

اتحفوني

[بن مسلم]

ابتعد عن العيش والخبز والمقالي والسكر وقلل من الملح وابتعد عن المشروبات الغازيه

[مرتبش]

اي نظام تقلل فيه كمية الطعام وتنتبه للنوعية وتقدر تستمر فيه لفترة بدون مايتعبك مع ممارسة الرياضة بيكون نظام ممتاز وصحي ويفيدك في جميع مجالات الحياة

[Rider]

قبل أي نظام غذائي لازم يكون عندك أصرار وعزيمه وتحدي مع النفس البعض للاسف يجتهد لفترة محدوه ويكسل وهذا ممكن يزيد وزنه أكثر من قبل

[فريج البراحة]

قبل أي نظام غذائي لازم يكون عندك أصرار وعزيمه وتحدي مع النفس البعض للاسف يجتهد لفترة محدوه ويكسل وهذا ممكن يزيد وزنه أكثر من قبل

من يزيد يا شباب

[سالم الزهران]

كل لمدة ثلاث دقايق و تمشى لمدة ثلاثين دقيقة و الباقي سر ما راح نكشفه بلاش.

[sara jsm]

هاي موضوع كل سنه .. اسهل طريقة الواحد يصكر حلجه
كل سنه اسوي نظام واخربه ووزني يزيد .. هالسنه باخليها للظروف ..
مب متشجعه كلش :/
اهم شي الواحد لايدبها دب من اول الاذان ..
اول شي ( تمر ومشروب )
بعدين الصلاة
شوربه ووجبه رئيسيه و3 قطع مقالي
بعد التراويح اي نوع من الحلويات ..
واخر شي السحور
وقبل الفجر فاكهة ( موز او تفاح اخضر )

[غايه الطواش]

الحمدالله و كل سنه انزل في رمضان خمسه كيلو
امشي على نظام صحي اخذ من دكتور في عياده الدوحه
والحين ماخذه جدول من دكتوره هنادي البدر باذن الله بمشي عليه مع روحتي للجم
وشرب 3 ليتر ماي يوميا
ان شالله انزل اكثر

[يمامـة]

نظام غذائي لتخسيس؟

من الواحد يطري شي اسمه نظام غذائي شهيته تنفتح للأكل

و مع هذا راح اعطيك نصيحتي..

بما ان احنا في موسم رمضان و موسم اللقيمات

عليك بحمية اللقيمات

وهي طريقة المكممين في بدايات التكميم.
اللي يدوب ياكلون لقمة و الثانية و جبودهم لايعتن عليهم.

عاد شتسوي انت و انا يدتك الصغيرة

افطر تمرة و لبن او عصير او شوربة من غير نشويات و كريمات و حليب و هالسوالف
و صب فوقهم قلاص ماي ........> علشان تنغث.
و قول الحمد لله..

عاد كلها نص ساعة او ساعة الا ربع الا و انت ميت من الجوع
خذ لك حبة خس جامبو سايز الكلورفيل واصل حده فيها
و حبة فطيرة ( تدري في رمضان كل شي بتحصله)
و قطعة دياي ( كيفك صدر او روج انت على مزاجك)

اقطع الفطيرة مع الدياي و احشي ورقة الخساية الكلورفيلية
و سد جوعك فيها.. و قول الحمد لله


عقب ساعتين ادحب البطن بماي منكه بشرايح الليمون او المانجا او اليح
او اللي خاطرك فيه .. و اشرب ماي كثر ما تقدر على فترات مب مرة وحدة .. و قول الحمد لله


عقب ساعتين .. اهنيه لازم تنتبه وتتعوذ من ابليس
لانه بيوسوس لك وساوس ماهي بزينة..


فروح تمشى و انت ماخذلك خياريارة او ثنتين.
و اشرب ماي و قول الحمد لله.

بندخل في السحور خذ لك تمرة و ربع موزة و نص علبة روب و ربع قطعة خبز اسمر
لو قدرت تخلطهم مع بعض وتسوي لك توليفة مضبوطة لا مانع لانهم مردهم بينخلطون في بطنك.


و قول الحمد لله اليوم وايد كلت و تعبت ............> اهم شي هالشعور انك تعبت من الاكل..

و على نفس السستم تمشي باقي الأيام تغير صنف مكان الثاني
العيش بدل الخبز.. السمبوسة بدل الفطيرة .. اللحم بدل الدياي


و اذا لقيت نفسك بتوصل الى حالة الانهيار ولازم تاكل

لا تحرم نفسك من الأكل نهائيا طب على الأكل و سكت جوع بطنك بس لا تقتله

فمتى ما قتلت الجوع الوزن بيزيد.


و كافئ نفسك اعزمها عقب ثلاث أيام على نوع من الحلويات اللي تحبها
على شرط حد يشاركك فيها.. يعني لا تصير اناني تاكل بروحك..

هذا من اهم النقاط
انك اذا بتطلب وجبة تشارك غيرك فيها..

الهدف من دايت اللٌقيمات تعويد المعدة على الانكماش
و حاول تشفط بطنك باستمرار
البعض يستخدمون حزامات ضاغطة او ملابس ضاغطة تحقق الإحساس بالشبع بالضغط على المعدة.
عني ما انصحك تلبس شي.. كل اللي بتسويه انك تشفط المعدة اكبر قدر ممكن و يفضل مع الشهيق والزفير
ترتب موضوع الضغط على المعدة.


و أخيرا و ليس اخرا

حط هدفك انك تشوف نتايج اللي تسويه اقل شي بعد 6 أسابيع.

يعني لا تستعجل النتايج.. فاللي جمعته في سنين لا تتوقع سهل كسره في شهر.
لكن شهر بعد شهر بعد شهر بعد شهر بعد شهر بعد شهر
راح تساعد جسمك انه يستفيد من الدهون اللي لكسب الطاقة
و تعود معدتك تنكمش و ما تتقبل كميات اكبر من الاكل

فتتعود انت على نمط معين من الاكل و هالنمط بيساعدك انك ما تحرم نفسك من شي
و لكن تسوي كنترول على الكميات.

مع تحيات
اللي عمرها ما قدرت تضبط نفسها مع أي نوع من الرجيم

[!.!]

سبحان الله كلّ إنسان وغايته
أنت تريد أن تنقص وزنك وأنا أريد أن يزداد وزني
الوالدة حفظها الله دائِما أتغني على أصواتها كلّ يا بني كل لحم كل كذا حتي تسمن والله أعاني من النحافة
تراني نباتي لا أكل اللحم أكل السمك صح
يالله أعطيني صحتك وأعطيك صحتي ..أعملي إعارة لصحتك بارك الله فيك
مرة رحت على الطبيب قلت له أريد أن أسمن ، وكان عندنا في المنطقة شخص سمين خضار
قال لي مثل من تريد أن تسمن؟ قلت له والله أسمن يعني أكون شوية ثقيل قال لي : هل تريد مثل فلان ذاك الخضار ؟
قلت له : لا لا يارجل ذاك قنبلة كارثة شوية أنقص عليه
قال لي : أخرج علي شايفني طبيب تسمين أنا ؟ هه وأدعي أنّ ذاك الطبيب من أحد أصدقائي والله غضب مني وقال لي صحتك هكذا جميلة تحسدك الناس عليها
قسما بالله أريد أن يزداد وزني شوية من لديه وصفة ما يبخل علينا ، وأجره على الله