افضل نظام غذائي في شهر رمضان لتنزيل الوزن

[R 7 A L]

الحمدالله و كل سنه انزل في رمضان خمسه كيلو
امشي على نظام صحي اخذ من دكتور في عياده الدوحه
والحين ماخذه جدول من دكتوره هنادي البدر باذن الله بمشي عليه مع روحتي للجم
وشرب 3 ليتر ماي يوميا
ان شالله انزل اكثر

صوري الجدول ونزليه هني
لكي تعم الفائدة والسرور للجميع (:

[R 7 A L]

نظام غذائي لتخسيس؟

من الواحد يطري شي اسمه نظام غذائي شهيته تنفتح للأكل

و مع هذا راح اعطيك نصيحتي..

بما ان احنا في موسم رمضان و موسم اللقيمات

عليك بحمية اللقيمات

وهي طريقة المكممين في بدايات التكميم.
اللي يدوب ياكلون لقمة و الثانية و جبودهم لايعتن عليهم.

عاد شتسوي انت و انا يدتك الصغيرة

افطر تمرة و لبن او عصير او شوربة من غير نشويات و كريمات و حليب و هالسوالف
و صب فوقهم قلاص ماي ........> علشان تنغث.
و قول الحمد لله..

عاد كلها نص ساعة او ساعة الا ربع الا و انت ميت من الجوع
خذ لك حبة خس جامبو سايز الكلورفيل واصل حده فيها
و حبة فطيرة ( تدري في رمضان كل شي بتحصله)
و قطعة دياي ( كيفك صدر او روج انت على مزاجك)

اقطع الفطيرة مع الدياي و احشي ورقة الخساية الكلورفيلية
و سد جوعك فيها.. و قول الحمد لله


عقب ساعتين ادحب البطن بماي منكه بشرايح الليمون او المانجا او اليح
او اللي خاطرك فيه .. و اشرب ماي كثر ما تقدر على فترات مب مرة وحدة .. و قول الحمد لله


عقب ساعتين .. اهنيه لازم تنتبه وتتعوذ من ابليس
لانه بيوسوس لك وساوس ماهي بزينة..


فروح تمشى و انت ماخذلك خياريارة او ثنتين.
و اشرب ماي و قول الحمد لله.

بندخل في السحور خذ لك تمرة و ربع موزة و نص علبة روب و ربع قطعة خبز اسمر
لو قدرت تخلطهم مع بعض وتسوي لك توليفة مضبوطة لا مانع لانهم مردهم بينخلطون في بطنك.


و قول الحمد لله اليوم وايد كلت و تعبت ............> اهم شي هالشعور انك تعبت من الاكل..

و على نفس السستم تمشي باقي الأيام تغير صنف مكان الثاني
العيش بدل الخبز.. السمبوسة بدل الفطيرة .. اللحم بدل الدياي


و اذا لقيت نفسك بتوصل الى حالة الانهيار ولازم تاكل

لا تحرم نفسك من الأكل نهائيا طب على الأكل و سكت جوع بطنك بس لا تقتله

فمتى ما قتلت الجوع الوزن بيزيد.


و كافئ نفسك اعزمها عقب ثلاث أيام على نوع من الحلويات اللي تحبها
على شرط حد يشاركك فيها.. يعني لا تصير اناني تاكل بروحك..

هذا من اهم النقاط
انك اذا بتطلب وجبة تشارك غيرك فيها..

الهدف من دايت اللٌقيمات تعويد المعدة على الانكماش
و حاول تشفط بطنك باستمرار
البعض يستخدمون حزامات ضاغطة او ملابس ضاغطة تحقق الإحساس بالشبع بالضغط على المعدة.
عني ما انصحك تلبس شي.. كل اللي بتسويه انك تشفط المعدة اكبر قدر ممكن و يفضل مع الشهيق والزفير
ترتب موضوع الضغط على المعدة.


و أخيرا و ليس اخرا

حط هدفك انك تشوف نتايج اللي تسويه اقل شي بعد 6 أسابيع.

يعني لا تستعجل النتايج.. فاللي جمعته في سنين لا تتوقع سهل كسره في شهر.
لكن شهر بعد شهر بعد شهر بعد شهر بعد شهر بعد شهر
راح تساعد جسمك انه يستفيد من الدهون اللي لكسب الطاقة
و تعود معدتك تنكمش و ما تتقبل كميات اكبر من الاكل

فتتعود انت على نمط معين من الاكل و هالنمط بيساعدك انك ما تحرم نفسك من شي
و لكن تسوي كنترول على الكميات.

مع تحيات
اللي عمرها ما قدرت تضبط نفسها مع أي نوع من الرجيم

اجزم الي راح يمشي على هالجدول ان ينزل فوق 10 كيلو

[سالم الزهران]

هاي موضوع كل سنه .. اسهل طريقة الواحد يصكر حلجه
كل سنه اسوي نظام واخربه ووزني يزيد .. هالسنه باخليها للظروف ..
مب متشجعه كلش :/
اهم شي الواحد لايدبها دب من اول الاذان ..
اول شي ( تمر ومشروب )
بعدين الصلاة
شوربه ووجبه رئيسيه و3 قطع مقالي
بعد التراويح اي نوع من الحلويات ..
واخر شي السحور
وقبل الفجر فاكهة ( موز او تفاح اخضر )

حذفي المقالي والحلويات والسحور
السحور ممكن ماي او روب وتمر

هذي نص الطريق.. النص الثاني.. النشويات.. العيش المكرونة الروتي... ولا ننسى اهم شيء (النفسية) وتقبلها واقتناعها..

[سالم الزهران]

اللي ينزل وزنه يبين اصغر واحد ف البيت و احتمال اكشخ واحد و يستوي معه فلوس وممكن يحقدون عليه بعد هههههه

[بوخالد911]

وايد ناس يمتنون في رمضان !!

[غايه الطواش]

صوري الجدول ونزليه هني
لكي تعم الفائدة والسرور للجميع (:

مالي حق اصوره وانزله , وابخس حقها
انا اشتركت معاها والدكتوره ترفض ان حد ينشر نظامها الغذائي ممكن تابعها سناب او انستغرام

[sara jsm]

صوري الجدول ونزليه هني
لكي تعم الفائدة والسرور للجميع (:

عندي اياه بانزله لكم ان شاءالله ..

:

حذفي المقالي والحلويات والسحور
السحور ممكن ماي او روب وتمر
هذي نص الطريق.. النص الثاني.. النشويات.. العيش المكرونة الروتي... ولا ننسى اهم شيء (النفسية) وتقبلها واقتناعها..

باحذفك انت والله

:

مالي حق اصوره وانزله , وابخس حقها
انا اشتركت معاها والدكتوره ترفض ان حد ينشر نظامها الغذائي ممكن تابعها سناب او انستغرام

عندها جداول منزلتهم قبل 3 سنين قبل لاتسويهم بفلوس ..
بانزله لهم ان شاءالله ..
النظام اللي انتي مشتركة فيه حق طولج ووزنج .. محد راح يستفيد منه كثرج لانه خاص مب عام ..

:
:

مرة اشتركت في رجيم مشعل اسمه ( ابيض واسود ) ونزلت 7 كيلو في 26 يوم ..
بس حاليا وضعي النفسي مايساعد لا للاكل ولا لقله الاكل

[سالم الزهران]

باحذفك انت والله

خيراََ تفعل شر تلقى.. قالوها من زمان ههههه

[غايه الطواش]

عندي اياه بانزله لكم ان شاءالله ..

:



باحذفك انت والله

:



عندها جداول منزلتهم قبل 3 سنين قبل لاتسويهم بفلوس ..
بانزله لهم ان شاءالله ..
النظام اللي انتي مشتركة فيه حق طولج ووزنج .. محد راح يستفيد منه كثرج لانه خاص مب عام ..

:
:

مرة اشتركت في رجيم مشعل اسمه ( ابيض واسود ) ونزلت 7 كيلو في 26 يوم ..
بس حاليا وضعي النفسي مايساعد لا للاكل ولا لقله الاكل

اشتراكي مال الامراض المزمنه

[sara jsm]

اشتراكي مال الامراض المزمنه

اسم الله على قلبج ..

:
:



هذا الرجيم ينزل حول ال6 كيلو في رمضان .. مع المشي لمدة 25 دقيقه يومياً ..