المشاركة الأصلية كتبت بواسطة sara jsm
السلام عليكم ورحمة الله وبركاته
اليوم كانت عندي تجربه لمترو الدوحة ( الخط الاحمر ) مع أحد المهندسين في هالمشروع ..
خذنا جوله سريعه وخذت لكم بعض اللقطات قبل الزحمة ..
:
بسم الله ..
طبعا مش كل نقاط المحطات مفتوحة .. بس اللي عليها علم قطر ..
بدينا بمحطة ام غولينا ( عند مبنى الجيدة / جرير )
:
خذنا تكت عادي بريالين .. من المكينه
وركبنا قسم العائلات .. هذا الشكل من الداخل ..
:
وصلنا محطة مشيرب (( توقعتها المحطة اللي صورها اخوي يعقوب من قبل بس للاسف ماكانت هي ))
:
هذي بعد صورة ثانيه من المحطة ..
:
في خط تكيف عالارض يدف هوا ( طير دفتي ) بالخفيف طبعا ..
:
شوفوا جمال الاضاءات وتوزيعها ..
:
هني خذنا تذكرة ذهبيه وخليناهم يساعدونا .. رغم ان في مكاين تدفع وتاخذ ..
:
:
طرف اخر من محطة مشيرب اللي مكون من 3 ادوار تقريباً .. وهني يودينا على المصلى
:
مكان الوضوء للسيدات مب كبير حليو شوي ..
:
المصلى حجمه وسط .. كـ محطة كبيرة توقعت حجم هالاماكن اكبر .. المصلى تقريبا حجمه 4x4
:
ننتظر القطار وبنروح الوكرة ( بس عشان اشوف المتر وهو يصعد فوق )
:
:
الاصناصير متوفر طبعا ً .. بالاضافه للدرج الكهربائي والعادي ..
:
توزيع اضاءات السقف على شكل وردة ..
:
الارضيه روووووعه والالوان هادية .. كلها صبيه ومفصوله بالالمنيوم .. في الملمس مافي فرق .. متساوي
:
قسم الفي اي بي او التذاكر الذهبيه ..
:
قعدت جدام عند الدريشه
:
تبون تشحنون في يو اس بي .. عندكم مشكله تقدرون تتواصلون معاهم..
:
ارضيه القطار .. ادري محد يهمه بس انا يهمني هههههههه
:
هني اول ماصعد المترو لفوق باتجاه محطة راس بوفنطاس ..
:
الصراحة المترو وهو فوق احلى واشرح من تحت الارض ... ماتحس بشي وانت تحت وحولينك سواد ..
:
:
الكبينه فاضيه هني قبل لانوصل محطة الوكرة ..
:
هني هل الوكرة مسوين زحمة
:
:
ورجعنا على محطة ام غولينا
:
وعدنا الى مكان ماصفينا مسرورين
:
الرحلة خفيف بو 25 دقيقه والقيمة ماتتجاوز 12 ريال ..
للحين في خدمات ومرافق مافتحوها .. المبنى جميل وشرح وعندهم وايد ناس يساعدونك ويرحبون فيك ( لانهم توه)
:
عيب المكان التكيييف واايد خفيف وكتمة شوي .. وهذا والمكان شبه فاضي ..
الخوف بكرة مع العمال وبعض الجاليات يصير المكان ملوث ههههههههه
:
الله يعطيهم العافيه وعمار ياداري قطر ..
الله يحفظنا بحفظه في امن وامان دائما وابدا ..
يبيلكم تجربه خارج اوقات الذروة
اشكرج اختي ام جاسم.والله يااخوي يعقوب نفتخر بمثلك بينا ..
ونستانس لما تحط لنا صور حصرية من قلب الشغل ..
وتكتب لنا تفاصيل بعض الشغل بشكل عفوي وتلقائي بعيدا عن الرسميه ..
الله يوفقك يااخوي ونشوفك بااعلى المراتب ونبيك مسؤول عن محطات الخور
واذا افتتحتوا محطة لوسيل خبرنا
بإذن الله تعالى استغربت بأحد الجرايد امس او الجمعة عبارة سيتم الأفتتاح فالاسابيع المقبلة حتى لوسيل اللي اهي تكملة الخط الأحمر الشمالي و محطاتنا !!!!
مادري هالتصاريح او بعض اللي يكتبلون اهي صج سابيع و اياسام و ساعات بس لين السنة الجاية اذا ما تم التحرك من الدفاع المدني من قبل رمضان ننطرهم يجون يفتشون علاشن نعدل اي شي قد يأثر على سلامة مرتادي المحطات خصوصا انه احنا نظرتنا للسلامة محدودة بالمبنى و الأنفاق بينما اهم شاملة حتى الخارج و الطرقات و التحركات بعد الخروج من المحطة و الخ,,,,.
الله يسمع منج يا رب.
تعبت اتكلم بس من يسمع كنت عندهم اسهل و ارخص فرصة على طبق من ذهب اثناء عمل خط الخور الساحلي بس للأسف ما استغلوها محطة بمستوى الارض لا فوق ولا تحت و اتكون بعد محطة استاد لوسيل و توصل لين استاد البيت و للأمام لين سوبرماركت كبايان مال الفلبينين بحيث انه مواقف باصات لفان و اغلب الشركات هناك نقطة تجمعهم في باص كل ساعه و منها توفر سيارات من الدوحة للخور و تحلل ايضا هالقسم من الخط.
و يوفق عيالج و يبلغج فيهم يا رب العالمين ام جاسم و ان شاء اله بحطلكم صور قريبا
|
رد مع اقتباس