صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 27

الموضوع: ~::{ تجربه مترو الدوحة }::~

  1. #11
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة Dana’1 مشاهدة المشاركة
    جميل المكان ومرتب منها للأعلى و بالتوفيق لباقي المشاريع يا رب
    اللهم امين حبيبتي
    تُنسى ، كأنَّكَ لم تَكُنْ ..

  2. #12
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    قميل قميل بس انا رقبتي عورتني وانا اشوف الصور المعوية

  3. #13
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    والله يااخوي شااسوي انا انزل الموضوع بالجوال فالصور كلها تطلع مضبوطه ..
    انت مشكلتك تشبك باللابتوب او كمبيوتر صخر فماادري اشلون تطلع الصور عندك ..
    خلاص باخذك في جوله حقيقه على ارض الواقع في المحطات بس على حسابك
    تُنسى ، كأنَّكَ لم تَكُنْ ..

  4. #14
    عضو مؤسس الصورة الرمزية نفسي عزيزه
    رقم العضوية
    24829
    تاريخ التسجيل
    Mar 2009
    المشاركات
    17,162
    الصور واضحه وعدله وحجمها طبيعي عندي

    ادخل من ايفون ار اكس

    من اسألك ؟

  5. #15
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اطلع برع
    تُنسى ، كأنَّكَ لم تَكُنْ ..

  6. #16
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة sara jsm مشاهدة المشاركة
    والله يااخوي شااسوي انا انزل الموضوع بالجوال فالصور كلها تطلع مضبوطه ..
    انت مشكلتك تشبك باللابتوب او كمبيوتر صخر فماادري اشلون تطلع الصور عندك ..
    خلاص باخذك في جوله حقيقه على ارض الواقع في المحطات بس على حسابك
    تدورين خسارتي وانا متقاعد

    باروح مع يعئوب الحبوب هو يدل الدهاليز وماعطينه تذكرة ببلاش طول العمر

  7. #17
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة نفسي عزيزه مشاهدة المشاركة
    الصور واضحه وعدله وحجمها طبيعي عندي

    ادخل من ايفون ار اكس

    من اسألك ؟
    غريبة يا اخوي المفروض ما تختلف بين التلفون والكمبيوتر

  8. #18
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة معماري قطري مشاهدة المشاركة
    تدورين خسارتي وانا متقاعد
    باروح مع يعئوب الحبوب هو يدل الدهاليز وماعطينه تذكرة ببلاش طول العمر
    خلاص ولايهمك مب خسارة فيك الـ 10 ريال
    تُنسى ، كأنَّكَ لم تَكُنْ ..

  9. #19
    تميم المجد
    رقم العضوية
    20149
    تاريخ التسجيل
    Apr 2008
    الدولة
    Qatar
    المشاركات
    10,084
    اقتباس المشاركة الأصلية كتبت بواسطة sara jsm مشاهدة المشاركة
    السلام عليكم ورحمة الله وبركاته



    اليوم كانت عندي تجربه لمترو الدوحة ( الخط الاحمر ) مع أحد المهندسين في هالمشروع ..
    خذنا جوله سريعه وخذت لكم بعض اللقطات قبل الزحمة ..

    :

    بسم الله ..
    طبعا مش كل نقاط المحطات مفتوحة .. بس اللي عليها علم قطر ..



    بدينا بمحطة ام غولينا ( عند مبنى الجيدة / جرير )

    :


    خذنا تكت عادي بريالين .. من المكينه
    وركبنا قسم العائلات .. هذا الشكل من الداخل ..

    :


    وصلنا محطة مشيرب (( توقعتها المحطة اللي صورها اخوي يعقوب من قبل بس للاسف ماكانت هي ))
    :


    هذي بعد صورة ثانيه من المحطة ..
    :


    في خط تكيف عالارض يدف هوا ( طير دفتي ) بالخفيف طبعا ..
    :


    شوفوا جمال الاضاءات وتوزيعها ..
    :


    هني خذنا تذكرة ذهبيه وخليناهم يساعدونا .. رغم ان في مكاين تدفع وتاخذ ..
    :

    :


    طرف اخر من محطة مشيرب اللي مكون من 3 ادوار تقريباً .. وهني يودينا على المصلى
    :


    مكان الوضوء للسيدات مب كبير حليو شوي ..
    :


    المصلى حجمه وسط .. كـ محطة كبيرة توقعت حجم هالاماكن اكبر .. المصلى تقريبا حجمه 4x4
    :


    ننتظر القطار وبنروح الوكرة ( بس عشان اشوف المتر وهو يصعد فوق )
    :

    :


    الاصناصير متوفر طبعا ً .. بالاضافه للدرج الكهربائي والعادي ..
    :


    توزيع اضاءات السقف على شكل وردة ..
    :


    الارضيه روووووعه والالوان هادية .. كلها صبيه ومفصوله بالالمنيوم .. في الملمس مافي فرق .. متساوي
    :


    قسم الفي اي بي او التذاكر الذهبيه ..
    :


    قعدت جدام عند الدريشه
    :


    تبون تشحنون في يو اس بي .. عندكم مشكله تقدرون تتواصلون معاهم..
    :


    ارضيه القطار .. ادري محد يهمه بس انا يهمني هههههههه

    :


    هني اول ماصعد المترو لفوق باتجاه محطة راس بوفنطاس ..
    :


    الصراحة المترو وهو فوق احلى واشرح من تحت الارض ... ماتحس بشي وانت تحت وحولينك سواد ..
    :

    :


    الكبينه فاضيه هني قبل لانوصل محطة الوكرة ..
    :


    هني هل الوكرة مسوين زحمة
    :

    :


    ورجعنا على محطة ام غولينا
    :


    وعدنا الى مكان ماصفينا مسرورين

    :

    الرحلة خفيف بو 25 دقيقه والقيمة ماتتجاوز 12 ريال ..
    للحين في خدمات ومرافق مافتحوها .. المبنى جميل وشرح وعندهم وايد ناس يساعدونك ويرحبون فيك ( لانهم توه )
    :
    عيب المكان التكيييف واايد خفيف وكتمة شوي .. وهذا والمكان شبه فاضي ..

    الخوف بكرة مع العمال وبعض الجاليات يصير المكان ملوث ههههههههه
    :
    الله يعطيهم العافيه وعمار ياداري قطر ..
    الله يحفظنا بحفظه في امن وامان دائما وابدا ..

    يبيلكم تجربه خارج اوقات الذروة




    ماشاء الله عليج أختي ام جاسم.
    كم مرة احط رد و ما يروح و انسى تراني شايف الموضوع من اول يوم و اسعدتيني بالتغطية صج ني ما اشتغلت وايد بذاك المشروع بس بحكم انه نفس الشركة اللي شغال فيها مريت عليه من بداية حفر الأنفاق و قبلها ما حولهم و تنزيل الــtbm و تشغيلهم إلى الانتهاء و بعدها اعمال الـــmep لأنه في مقارنه بينا و بينهم بحكم انه انفاقنا للترام مستطيلة و تمت بالحفر قبل ما تنبني ابراج وسيل و فمترو الدوحة كانت اسهل بوايد و حصلو عى شهادة جينوس للأرقام القياسية و تم الإعلان و التكريم في مؤتمر المواصلات سنة 2015 اذا ما خاب ظني بأن دولة قطر فيها 17 tbm "مكينة حفر الأنفاق" و اخبر انه ما عجبني لأنه قطر كانت طالبه 21 tbm و كلهم شغالين تحت مدينة وحدة و ليست دوله واحدة امريكا و الصين و الدول الكبيرة فالمساحة ما اشتغلت عندهم 17 حفارة بنفس الوقت

    مالكم بالطويلة بس كل مرة ادخل اكون على وشك اقدم استقاتي اشوف هالموضوع, و مواضيع و صور اخرى من حديقه الشيراتون و احس بالفخر و اقول عى الرغم من الضغوط و الصعوبات بس فالنهاية احنا اقلية اللي نشتغل فالإنشائات و طالما انه نبيني بلادنا قطر حتى لو محد درى عنا يكفي المنتدى و بعض الأخوان و الخوات و انه الواحد بنفسه معتز و فخور و يحب شغله


    اقتباس المشاركة الأصلية كتبت بواسطة qatarman8008 مشاهدة المشاركة
    لازم نشكر العضو يعقوب وكل من قام على هذا المشروع..
    هههههههههههه الله يجزاك خير يا رب ليلحين شغالين بالرغم من الظروف.

  10. #20
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    والله يااخوي يعقوب نفتخر بمثلك بينا ..
    ونستانس لما تحط لنا صور حصرية من قلب الشغل ..
    وتكتب لنا تفاصيل بعض الشغل بشكل عفوي وتلقائي بعيدا عن الرسميه ..
    الله يوفقك يااخوي ونشوفك بااعلى المراتب ونبيك مسؤول عن محطات الخور

    واذا افتتحتوا محطة لوسيل خبرنا
    تُنسى ، كأنَّكَ لم تَكُنْ ..

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •