من منكم جرب هذه السيارة؟
هل فيها عيوب؟
من منكم جرب هذه السيارة؟
هل فيها عيوب؟
هذه السيارة غير منتشرة الصراحة ،، فصعب معرفة تقييم استخدامها ،،
اعرف واحد من الشباب كان عنده موديل 2011 ويشتكي من عيوب في المسائل الإلكترونية للماكينة ،،
ولا اعلم هل تم حل المشاكل هذه في الموديلات الجديدة أم لا ،،
الصراحة انا عاجبني شكل الموتر ،، لكن محتاج معرفة رأي مجربينها ،،
عن تجربة شخصية كان عندي موديل 2015 ، الصراحة الموتر روعة فالاستخدام و الريافة و بصراحة سواقته اركد من اللكزس الجديد عن تجربة لن جربت الشكل الجديد 2019 عند واحد من الشباب تو ماخذه من شهرين صراحة فعلا ما خبت يوم قلت انه اريف من اللكزس فورويل وسيته جدا مريح ووسيع ، العيب الوحيد اللي واجهني قبل وخلاني ابيعة خزان الوقود صغير نوعا ما مقارنه باليوكن و الكروزر واللكزس و ذاك الوقت يوم لحدود مفتوحة كنت كثير السفر بالبر وكان يتعبني صغر الخزان ، اما عيوب لاوالله ماوجهتني و للعلم سفايفة ابرك حتى من اللكزس فورويل وسريعة الاستجابة .
وايد حلو لكن سعره غالي لو قارنته بالنسيان على اخر زيارة للوكالة .. الشركة وايد تعدلت عن قبل و اسعار قطع الغيار تنافس التويوتا!
اذا ناوي خذ أعلى فئة و الله يبارك لك!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
هلا اخوي سهم فضة .. اللي اعرفه أن مكينة الانفنيتي وهيكله نفس النيسان 400 .. وصرفية البترول في السفر للنيسان وايد مريحة وموفرة .. أنا سافرت كذا مرة في النيسان 400 قبل الحصار .. كنت أعبي فل في دبي .. أوصل الدوحة البترول الربع !!
لكن ما أدري يمكن الانفينتي خزانه أصغر .. يمكن ..
كلامك عن الموتر يبشر بالخير ..
اخوي سهم الموديل 2015 كم سنة استخدمته؟
مرحبا ياغالي الموتر خذته اخر 2014 موديل 2015 وتم عندي 3 سنين تقريبا الا شوي
بس ماقصرت فيه مشى معاي يمكن حدود 88-90 الف .
النيسان 400 ماعندي علم فيه ماجربته صراحة لكن من ناحية المكينه والعزم والداخلية تقريبا نفس الشي مافي فرق الا شعارات و شكل ، اما الخزان فعلا صغير .
بارك الله فيك على الإفادة اخوي سهم فضة
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة