الله المستعان
الحمدلله اصلي فالبيت من بعد كم مرة دخلت فيها المصلى واختنقت غير برامج الترفيه عند العيال الله يهديهم
أتفق معك // بعمل حلقات ذكر وياحبذا لو يكون فيه شخص يترجم أوردو
وأختلف معك // الأسلوب المؤدب لايجدي لأنه المساجد وضعت للصلاه والعباده وحاول أنه لايخرج منك إلا طيب
أو أذا كنت متضايق من الشخص اللي جنبك فبعد السلام قوم وغير مكانك وأذا تكرر الشي من الشخص نفسه أمسكه على أنفراد وحاول تفهمه عشان يتقبل الكلام أو شهد الأمام
سبحان الله وبحمده سبحان ربي العظيم
اللهم اغفر لنا ولوالدينا وللمسلمين جميعاً انك غفور رحيم
نبينا محمد صلى الله عليه وآله وسلم وضع آكل الثوم في مقايضة مباشرة مع المسجد وصلاة الجماعة! تفتكرون ليش؟
طيب عشان ما نظلم آكل الثوم... عندنا ناس تتحرك في الصلاة.. كوعه في كوعك شغال لين تخلص الصلاة؟ وعندك اللي يقرأ بصوت مسموع ويشغلك؟ وعندك ملاحظات كثيرة.
لكن الفيصل هو الإمام.. إمامنا قام بعد الصلاة و قال بالحرف " اللي يحجزون لهم أماكن في الصف الأول ما يجوز وأي كرسي تلاقونه أو سجادة شيلوها و صلوا مكانها"
شتقول عن هذيلا الأخوة الحريصين؟
لو سوينا مثلهم كان الصف الأول صار بالأرقام!
شنقول عن اللي يفرق بين اثنين عشان يدخل في مساحة ما تجي شبرين؟
الصراحة هذا كلهرمن قلة الأدب مع المساجد و عدم مراعاة المصلين و يحتاج لهم كلام جازم و قوي و انا متأكد انهم نفس الاخوة ما بيحترمون كلامك لو كنت الإمام و ليش نستغرب! ما نحن وصلنا لزمن العجايب
فعلا موضوع التزاحم خصوصا على الصف الاول صار مؤذي جدا للمصلين وخصوصا كبار السن اللذين لايقوون على الزحام والتدافع..
والا احنا الشباب بقوة والحمدلله لو جا واحد يفكر يزاحم ويضايق ينقلب الضيق عليه..
المشكلة ان هذا اللي قلبه عامر بالايمان جاي يزاحم عالصف الاول هذا نفسه مانشوفه في المسجد غير برمضان..!!
عامل لي فيها حريص..!!
قلة فهم والله يا بشمهندس
تعرفون حديث النبي صلى الله عليه وسلم عن خيرية الصف الأول.. حديث ابي هريرة رضي الله عنه أن النبي صلى الله عليه وسلم قال: (لوْ يعلَمُ الناسُ مَا في النِّدَاءِ وَالصَّفِّ الأَوَّلِ، ثُم لَمْ يجِدُوا إِلاَّ أَنْ يَسْتَهِمُوا عَلَيْهِ لاسْتَهمُوا متفقٌ عَلَيهِ)
هذا الاخ يفتكر ان الاستهام او القرعة معناهم المزاحمة و التصيد؟ حتي لو دخل المسجد مع اقامة الصلاة... يروح يوقف وراء الصف الاول متحيناََ فرصة او واحد تأخر ما قام.. ينط حذاه؟ طيب واللي في الصف الثاني مب احق منك؟ يطبقون المثل؛ من سبق نبق! هذيلا نفس اللي يزاحمون في الاصنصير والمواقف والمطاعم.. والله المستعان يطلبون الاجر بطرق آثمة.
لاحول ولاقوة الا بالله
الله يعينكم .. روح صل في الصف الاخير بروحك
ترى انتو شوي اشوى احنا مرات يجونا الحريم دايركت من المطبخ اعوذ بالله ..
النظافه من الايمان .. مانقول الوحدة تتطّيب بس عالاقل تلبس ملابس نظيفه ..
تُنسى ، كأنَّكَ لم تَكُنْ ..