خذوا راحتكم البيت بيتكم ومسموح اصطحاب الأطفال
أذكر في يونيفرسال استوديوز مسوين سينما 3 دي كم وحدة يعني وتعيش الواحد في الحدث غصب يصرخ .. فيه لقطة مكينة تكثر أي جنس سلطها العالم على فار واستووا فيران وايد وتموا يتراكضون جهة المشاهدين .. تشوفهم ينطون بين عيونك بالضبط وفجأة تتحرك أسلاك من تحت الكرسي تحتك بارجل المشاهدين كأن الفيران تمر بين ارجلهم صج .. واسمعوا صراخ الحريم .. عاد حريمنا اللي يرتعبون من الزهيوي ينطون من على الكرسي من الروع مع صرخة تبط الاذن وبعدين يطلعون المنقذ مستر قطر .. يطلع وجهه كله ماي وعلى شنباته ويهز راسه الا رذاذ ماي مسلط على الجمهور يخلينا نحس إن السالفة صج
فيه واحد يخاف مووت من الثعابين، طلعوا كشته و قالوا له انت عليك الطبخ.. اثاريهم حاطين له ثعبان عود داخل خيشة الرز.. فوق بالضبط.. الخيشة كانت مسنودة على جدار حجري قديم.. المهم الرجال دخل يده في خيشة الرز يبي الكوب اللي يطلع به رز. مسك الثعبان وسحبه برع و يوم شافه تجمد.. هذيلاك يراقبونه.. يقولون حاط الثعبان جدام ويهه كأنه بيحقق معه. زانط الثعبان ويطالع فيه متجمد... يقولون رحنا بالقوة فكيناه منه و رميناه.. يقولون بعدما رجع له عقله قام يصرخ من قلب.
يقول لهم المسكين ( أحسب أني دخلت يدي في جحر في الجدار هههه)
هذا الثعبان نوع يسمونه طفيان (حجمه كبير ولا ياكل البشر واظنه غير سام.. ياكل الطيور و يدور اعشاشها).
بوعبدالله جربت اللي تقول عنه لكن مااذكر في وين يمكن تايلند ..
نقزت نقزه حسبت شي دخل عباتي طلع اسلاك مع هوا ..
تجربه حلوة بس مااحب اعيدها ..
تُنسى ، كأنَّكَ لم تَكُنْ ..