بوعبدالله انت لو مصري واسمك مثلاََ قنديل.. هيندهولك أنديل، لو أسمك جبر مثلاََ لازم تغيره ههه تروح قسم العجوزة تعمل شهادة الغاء قيد وتثبيت واصدار.. ولا حيقولولك يا استاذ (قبر).
صحيح اذكر مدرسينا قبل اسكت يا قبر .. يحليله عاد جبر وقتها صغيرون ألحين تقاعد من ادارة وكالة الأنباء القطرية واظن الجزيرة وكان مدير مكتب الشيخ حمد بن جاسم .. سلام من بعيد يا جبر
كان عندنا مدرس كيميا اسمه على الدرديري الله يذكره بالخير كان مشتط ويدرس بهمة يتعب وايد خصوصاً وهو يشرح لنا الفلز .. عاد اللي مجيم مخه شوي وما يفهم ويسئله يقرب منه ويشرح له بهمة ومن زود الهمة تحصل أشياء تطلع من حلجه وتطير في السماء يمكن تصيبك شيئة منهم
اللي درسنا علوم ف الاعدادي استاذ مصري اسمه عمار عبدالسلام.. كان يلبس دوم بدله صيفي زرقاء جنه فؤاد المهندس وبنيته الجسمانية والنظارات ابد جنه هو.
مره قرأ اسمي وقال لي: ياض انته أخو الديب.. قلت نعم... وسكت وفكني من غثته أحسه.. طلع الذيب ولد يدرس بآخر ثانوي وعملاق وشري.. انا والله ظنيت الاستلذ يقصد الذيب انه بيطرشني مكان ونا ودي اطلع من الفصل.
شفت اشلون اجابه بالصدفه خلتني معروف عند الاستاذ.. ومعرفه تعطي حصانه بعد.
طلعت عيار من صغرك
الله يذكر مدرسينا بالخير .. كنا مسوين حفلة في الصف كيك وخربطة وشوية حشرة ومشروبات واعتقد طقطقة وأغاني وواحد جايب كيمرة تصوير فيديو من القدام اللي لازم يشيلها واحد معضل .. جلسنا بعدين نشوف الفلم بداية الفلم نسمع صوت ونشوف بياض .. شوي الا صلعة المدرس تبتعد بالتدريج
المصور وقتها كان خبير الفلك ألحين سلمان بن جبر بن محمد الجبر ال ثاني .. تحية له من بعيد مع إنه متواصل معاي وباذكره بالسالفة يمكن عنده الفلم للحين
يعطيك العافية بو عبدالله.. الله يرحم حالنا ويلطف بنا ويحفظنا والمسلمين من كل شر. مما يكدر خاطري ان اليوم محد يلمح لاحد من الاصدقاء القدماء.. اقابل معلم يسألني عن المعلمين اللي كانوا معه اذا انا متواصل مع أحد.. بصراحة القطيعة ما تصلح.. في السنة اتصل مرة وحدة.. افتقد للناس يفتقدون لك.