توقعات الشهر ل (يونيو) 2019

[Hassoun]

عذرا لان الموضوع ليس بمكانه، نتمنى التوفيق لمنتخب قطر اليوم......

[الـمـرقاب]

صانع الطبية ناوي يوصله إلى 10 ريال قبل التجزئة
تعودوا الادارة عندهم يجيهم اتصال من ادارة البورصة يسألونهم عن التداول الملفت على السهم مثل
ماصار في 2015 و 2017 ان ماخانتني الذاكرة، وترد الشركه بكلام ماخوذ خيره عن الشفافيه والالتزام بالمعايير

[مووظف حكومي]

2015 الي صار باسهم ازدان

[الـمـرقاب]

2015 الي صار باسهم ازدان

ياحي إزدان
الطبيه خسرانه ووضعها متردي من سنين حتى مافيه توزيع
شركة تعتبر اكبر شركة عقارية في قطر وشركة اكبر انجاز عندهم انتاج حقن ملونة!! لك الحكم

[مضارب دوسري]

لو فيه نوايا تصعيديه كان شفناها المره اللي فاتت بعد الحشد التصعيدي والقمم وما الى ذلك

اعتقد مالهم نية حرب لهم نية مفاوضات عشان يقدر يفوز بالانتخابات الجايه عقب سنه (والوقت ضيق عليه سنه وكم شهر تعتبر فتره قصيره ويبي شي يعرضه للجمهور عن امر مهم قام به ليكتسب شعبيه في الداخل)

ارسال الياباني لاول مره لطهران
من بعد ما ارسلوا على استحياء من العراق وعمان اللي سابقا زاروا طهران مرارا

يعطي انطباع انه يبي اي شي ليفوز بالانتخابات القادمه

اللي صاير شغل بولتون وزيارته الاخيره لابوظبي
اللي يدري باي وقت بيستغني عنه ترمب

وبولتون ما يهمه فوز ترمب او غيره ربما هو يحاول الزج به بنزاع بدون اكتراث بالانتخابات او بمصلحة ترمب

من التصريحات مبين ان امريكا مالها اي نوايا حرب مع طهران

واخر رمضان نشرت بعض الصحف الامريكيه عن خلاف بين ترمب وبولتون بما يخص ايران (رغم ان البيت الابيض بعد ذلك نفى هالشي)


ايران تضغط عليه من ناحية المماطله عشان قبل الانتخابات بفتره قصيره تضغط عليه بقسوه وربما تاخذ اللي تبيه وزياده (فالبدايه من كم شهر وضعوا شروط للمفاوضات وايران رفضتها وقالت لن نتفاوض مع ترمب ومن كم يوم بدا الكلام المعسول عن مفاوضات بلا اي شروط مسبقه وهذا اللي كانت تطالب به طهران ولكن ايضا بدوا يماطلون ويرفضون المفاوضات وصاروا يذكرون لا مفاوضات تحت الضغط في كل فتره ياخذون لهم صيد من ادارة ترمب)

وابوظبي تحاول بشتى الوسائل التخريب لذلك تجدهم اول من قال يجب انه يعرضوا علينا المفاوضات بين امريكا وطهران ونكون على علم بها (هذا يعني ان الخيط فلت من يدهم وانهم وصلوا لمعلومات عن قرب المفاوضات الامريكيه الايرانيه) ربما بمشاركة قطر واليابان وعمان

حتى فيما يخص الازمه الخليجيه اللي بدأت بضوء اخضر منه وستنتهي ايضا قريبا بضوء اخضر منه عشان يضيف هذا الامر للcv اللي يبيه للانتخابات القادمه

هذا رايي الشخصي والله اعلم

ترمب قال لوزير الدفاع الامريكي اقبض الباب

وان تخريب الناقلات امر بسيط لا يستدعي القيام بحرب

[roma27]

اخر كلام للترامب الخليج اصبح غير مهم بالنسبه لي

[رمــــــاح]

الامور تمام التمام والتوفيق من الله

[الـمـرقاب]

منتظرين نتايج الربع الثاني على أحر من الجمر

[مضارب دوسري]

منتظرين نتايج الربع الثاني على أحر من الجمر

توووو الناس

الربع الثاني مسموح لهم 45 يوم
من 1_7 الى 15_8


وطبعا الجميع يعرف الشركات اللي تحب تتاخر في الاعلان داااائما

[الـمـرقاب]

توووو الناس

الربع الثاني مسموح لهم 45 يوم
من 1_7 الى 15_8


وطبعا الجميع يعرف الشركات اللي تحب تتاخر في الاعلان داااائما

نصبر نفسنا