28 رمضان .. شك شاك قطر مول

[الوسيط العقاري]

الساعه 2 ونص الظهر

شك شاك مفتوح بالخش مافيه حد من الزبائن مندوبين كاريج يستلمون وجبات البرجر قدامي ..

ما ادري هل فيه احترام للشهر الفضيل ف الدولة ولا ..... ؟

[عبدالعزيز 9]

مسموح بيع الاكل بس ممنوع تناوله امام الجمهور

[Dana’1]

كارفور واغلب الماركت عندهم بوفيه والناس تشيل للبيت وتاكل عادي بعد كفار ويبغون ياكلون ببيوتهم
مع إني ضد فتح المطاعم مثل شك شاك وغيرها عادي يمشون بنظام أهل البلد
ويكتفون بالموجود في الماركت للأجانب

[سهم فضة]

شكلك يخوي في عالم ثاني ههههه اعلب المطاعم اذا تبي تعرف انها فاتحة او لا ادخل تطبيق كاردج او طلبات وشوف كمية المطاعم اللي فاتحة وقبل هالوقت بعد وفيه توصيل للبيت بعد ، في حريم معفيين من الصوم ، في يهال صغار ، في غير مسلمين ، في مرضى ، عادي يعني الواحد لازم يوسع دائرة التفكير ماتكون محدوده ، من كم يوم رايح الخياط وجنبة ، مطعم وجبات سريعة معروف جدا بالعالم ، استغربت الا اشوف اوادم داخل يوم ركزت الا يجهزون طلبات ومندوب احدى شركات التوصيل فالانتظار داخل عندهم ، كان عالقايلة تقريبا .

[khaldoon]

شوف في بعض الدول العربيه لو شافوا واحد مفطر بنهار رمضان يحطونه بالحبس لبعد العيد...سواء مسكوه اول يوم و الا اخر يوم برمضان هو و حظه....ما اعرف هالشي يطبق هنا ام لا

[!.!]

عجيبة والله..
كنت أحسب المكة في قطر ؟؟ والله تالله أخبروني أرجوكم أنّ الذي يحصل ليس حقيقي

[doha_vip]

لا ننسى ان هناك اجانب غير مسلمين مقيمين في قطر.. بالإضافه الى الاطفال

لا أرى اية مشكله .. خصوصاً ان تناول هذه الوجبات ليس جهارا

[الوسيط العقاري]

شكلك يخوي في عالم ثاني ههههه اعلب المطاعم اذا تبي تعرف انها فاتحة او لا ادخل تطبيق كاردج او طلبات وشوف كمية المطاعم اللي فاتحة وقبل هالوقت بعد وفيه توصيل للبيت بعد ، في حريم معفيين من الصوم ، في يهال صغار ، في غير مسلمين ، في مرضى ، عادي يعني الواحد لازم يوسع دائرة التفكير ماتكون محدوده ، من كم يوم رايح الخياط وجنبة ، مطعم وجبات سريعة معروف جدا بالعالم ، استغربت الا اشوف اوادم داخل يوم ركزت الا يجهزون طلبات ومندوب احدى شركات التوصيل فالانتظار داخل عندهم ، كان عالقايلة تقريبا .

معروف ان فيه ناس غير مسلمين ومعروف فيه ناس معذورين من الصوم

لكن الشهر له احترامه أمام الصائمين ..

اليوم فاتحين هالوقت

السنه الجايه بيفتحون من الصبح بعد قول عادي .. !

[ابوالعبد]

يارجال انا اتمرن بنادي الجيم واشوف الهنود يشربون ماي قدامنه ��

[رُفق المجنّا]

موقف عادي جدا في بلد تشكل الديانات الاخرى نسبة ليست بالقليلة من سكانه

يكفي ان كثير منهم يحترمنا ويتجنب الاكل والشرب أمامنا