نتمنى من إدارة المرور أن ترفع المخالفات المرورية ليلة العيد

[nooora]

بسم الله الرحمن الرحيم






نتمنى من إدارة المرور أن ترفع أسعار المخالفات المرورية ليلة العيد وفي ايام العيد إلى 200 بالميه ، في بهايم ما تعرف الأخلاق القيادة ، البعض عندهم قيادة المركبات مثل الحلبة صراع ، واسلوبه في القياده ممكن يجازف بحياته ومستعملي الطريق وبحياة الأخرين ،،، الله يهديهم ،،، شنو الحل معاهم ،، ما بقى شي على كأس العالم ،، شنو فايدة الكاميراات في الشوارع ؟

[معماري قطري]

ليرفعون بس يفعلون المخالفات للتصرفات الطائشة ومنها الاقتراب من اللي في الأمام بصورة خطرة واللي يجي للمسرب متخطي كل الناس ويسكر الطريق من كل صوب

الكاميرات تكشف كل شيء بس القائمين عليها الظاهر عندهم أوامر ما يدققون الا في بعض الحالات

أمس عند الاشارات اطالع جي لاصق في جي ثاني بينهم كم سنتيمتر بس .. زين السيارتين واقفين خل اللي جدامك يتنفس شوي .. لو هد البريك ورجعت سيارته ريوس شوي صكتك .. بشر استغرب من سواقتهم .. وأمس بعد واحد مسكر الطريق وهرنات شكثر وراه شوي ونزل من سيارته يأشر صبروا شوي ودخل محل .. شيء يقهر بغيت انزل اصور رقم السيارة واقول له انا باشتكي بس صبرت شوي ونزل رفيجه حرك السيارة بعد ما شبعوا هرنات وأكيد سب من الناس وللأسف شباب قطريين

[!.!]

ترى في الرمضان كانوا مقيدين وبعضهم يتحرر في الـ10 دقائق الأخيرة عند آذان الفطر ، هذا في الرمضان
بس والعيد راح تشوفي صاروخ أرض أرض جو جو مار عليك ميغ يا حليل ذاك الصوت مـــــــي مــــــي
الله يهدي الشباب ما تعرفي فرحة العيد أصابتهم ولا أكشن وتفحيط
مؤيد لفكرتك لا يكون هناك طيش وأذي للطريق والله فيه عنده رهاب من السرعة عندما يري واحد يمشي بسرعة خيالية يخلع من الطريق

[سعود.]

رمضان ولا عيد

بصفه عامة لازم قانون ( مرعب ) للمتهورين ضرب بيد من حديد

[مرتبش]

ما ودانا في داهية الا شغل الحملات.. حملة حزام الامان لاسبوع.. حملة لاسبوع للمخالفين من اليمين عند الاشارة.. حملة اسبوع المرور.
اذا يبون الشوارع تتسنع يطبقون القانون على طول .

[khaldoon]

واالله العظيم في ناس على سلوكهم الحقير حتى لو كانت مرة واحده مثلما تفضل اخونا معماري لازم تنسحب منهم الرخص فورا بدون نقاط علشان يريحون الناس من حقارتهم و شرهم و تكون عقوبة اللي يسوق بدون رخصة (رخصة مسحوبه)هي شروع في قتل

[بوخالد911]

يا ريت
عشاان يتأدبووون